Meepereewu 5:9 - Hapari Zooshapweya

⁹ Paata ya okhamilikhisiwa khwinkhiwa wiiya naattuuttu wa nusura ya mileele ya apale ooshi aninshututelaaye,

Meepereewu 5:9 Referans Kwoze

Meepereewu 9:15

Tiito Al-Masiihu namasiilanisa woosiilana mpheya khwa apale akhuweliweeyo yoori apokherele eritho ahitiweeyo mileele, nkhama etthiipo ye afwiyeeyo ari nkhama swamiima ya koosa zirettikhaniyeeyo nkatthi woosiilana opule wamwanzo.

Meepereewu 2:10

Khwa owaalokoza aana awaatta nsiifwa, yaari ohithajiya yoori Nluku, khwa othuuto na vakatthi wa othuuto vitthu zooshi ziriivo, akhamilikhe, vakatthi wa ohoowa, mweenyewe nusura yaya.

Meepereewu 12:2

Maasho nithoonyeze wa Yinsa, otule eeyiyeeyo namawaza na mweenyewe amini yeetthu. Ye avilela ofwa vansalapa, khuhinjali haaya etile yaariivo, ajuwaka furaha yaari onwejelaaye. Paata ya ohoowa ye eekhala nkhono nlume wa khukulu ya Nluku.

Meepereewu 9:12

Khahiyo mwaasa wa taamu za puuzi zeelume wala aana a mompe eelume, ila khwa taamu yawe mweenyeweene yanfiisa puuro Ttakatthiifu ya Attakatthiifu, swaafu moote khwa zooshi, na taamu yawe napatthela nusura ya mileele.

Khaazi 5:32

Fweeyo na Rooho Ttakatthiifu na mashaahiti monkoni wa mattakhuzi aya apo Nluku aniwenkhaaye apale aninshututelaaye.”

1 Pheeturu 1:22

Aphano mweeyo mwitwahareshiyeeyo ohaayi enu, khwa oshututela haakhi, mwithoonyezaka pheta ya ottwi na ya ookhweele, mwiphetane saaneene mmote na nzeenu na rooho yenu yooshi.

Meepereewu 11:8

Khwa amini Eburahiima, wakathi akhuweliweevo ti Nluku yoori alawe puuro aari weettelaaye orithisiwa, ye khushututi; khusala alawa, woohijuwi ohali aari weettaawo.

2 Atizaloonika 1:8

Ye onteela owaahukhumu apale ahininjuwaaye Nluku na apale ahinshututelaaye hapari zooshapweya za Mbwana eetthu Yinsa.

Arooma 2:8

Ila eniiyavo katapu na hukhumu khwa apale ojikhupali, ankatthalaaye haakhi na khusala alottela vitthu zohiiyi za shariya.

Arooma 1:5

khwa ye na mwaasa wa nzina lawe, napwekhera rehema na owaaswihaapa, yoori nikhuwele khapila zooshi wiiya atthu oshututi ontaaye khwa amini,

2 Akorintiyu 10:5

Nintapanya shawuri na ojinkhelela wooshi onuumananaaye ojuwa wa Nluku, na nafukela wuupuwela wooshi yoori oretteye wiiya wonshututela Al-Masiihu.

Arooma 15:18

Akinjilokozelisa ottakhula etthu woohiiyi etile Al-Masiihu arettiyeeyo khwa miiyo khwa nttakhuzi na vitthu zawooneya yoori kiwaathuule amalapo onshututela Nluku,

2 Timootiyu 2:10

Nakataalikha, kinvilela khwa zooshi mwaasa wa pheta ya ananthawuliwa, yoori na yo apatthe nusura eri wa Al-Masiihu Yinsa, na siifwa za mileele.

Arooma 10:16

Nakataalikha, wala khahi meezirayiilu ooshi aakhupaliyeeyo hapari zooshapweya, maana Ezaaya alupa yoori: “Mbwana, paani akhupaleliyeeyo tafusiiri zeetthu?”

Arooma 6:17

Ila nininshukhurwela Nluku, maana mweeyaru pure aviitthwaana a twampi, mwavira mwininshututela Nluku na rooho yenu khwa nanna mwisomisiweezo.

Meepereewu 2:3

ninttela owerawera toovi hukhumu, amana nitarawu nusura khuluyeene? Ethiito elaleyiweeyo omwanzweene ti Mbwana, khuhakikhisiwa pi apale asiiliyeeyo.

Yaahaya 19:30

Yinsa wakathi anywiiyeevo viinyu etile yoonyuunya khulupa yoori: “Zooshi zamariseliwa”, khwiinamisa eeshwa yawe khwinkhelela rooho yawe.

Matewuzhu 17:5

Pheeturu eettaka ottakhula nalelo, khupuwa liwiku lawaara khuwaafinikha, nttumpho khupuwamo huula yaari oraaye: “Otu Mwanaka wompheta na wookituvela channu. Mwinsiileze!”

Yuuda 1:21

Mwiikhale nkatthi wa pheta ya Nluku, mweekeselaka yoori tthakaraka ya Mbwana eetthu Yinsa Al-Masiihu yuuthuuleni ewinkheni ohaayi wa mileele.

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.

Meepereewu 11:40

maana Nluku aawaziye shawuri za fwayita monkoni wa fweeyo, yoori yo akhamilikhisiwe vamote na fweeyo.

2 Atizaloonika 2:16

Yoori Mbwana Yinsa Al-Masiihu mweenyewe, na Nluku papeetthu, aniphetiyeeyo na khuninkha ominyala wa mileele na nroromelo wooshapweya khwa rehema,

Khaazi 3:15

Mweeyo khumuula mweenyewe ohaayi, ila Nluku khunsisimula muufwa fweeyo na mashaahiti a vitthu zaya epo.

Luuka 13:32

Ye khuwaajipu yoori: “Mwilawe mwamuuze nanthala aya oto yoori: ‘Leelo na meesho kiniikara masheethwani na owaavonisa alwele, siikhu ya ttaatthu kintta wiishisa khaazi yaka.

Khaazi 4:12

Khaavo ntthu nkina wala nzina likina linwahaaye owoosuru atthu vathi apha wooshivo, woohiiyi nzina la Yinsa.”

Afiliipu 2:12

Aphetani aka, nkhama etthiipo mwikishututeliyeeyo siikhu zooshi, khahiyo amana kiiyavo paasi, ila theenya amana kihiivo, mwikhole khaazi ya nusura yenu khwa woova na othukumela.

Meepereewu 1:14

Malayikha ooshi khahi rooho zininrumeyelaaye Nluku, aperekhiyeeyo yoori ewaawuni apale anttelaaye opwekherela nusura?

Meepereewu 9:28

Etthiipo Al-Masiihu ajinkha swaafu moote khwa mileele yoori alaze twampi za atthu awaatta, na ye onruti swaafu ya phiiri, woohiteeli yoori alaze twampi, ila atane nusura ya apale aninwejelaaye.