Meepereewu 5:7 - Hapari Zooshapweya

⁷ Wakathi opule Yinsa aari vathi, aarettiye nkhuwo eettaka olila alompaka na oveka khwa Nluku otule aari owahaaye omuusuru muufwa. Nluku khusiila oveka wawe, mwaasa wa ojinkha wawe.

Meepereewu 5:7 Referans Kwoze

Yaahaya 17:1

Paata ya Yinsa wiisha ottakhula, khweekesa otulu khulompa araka: “Paapa, wafiya wakathi Wonttitthimisa mwanawo, yoori naye mwanawo oosifu.

Matewuzhu 27:46

Paata ya ofiya saakhentta, Yinsa khukhuwa woonyakulavo, araka: “Elooyi, Elooyi, lama sabatani?” Eriina maana a “Nluku aka! Nluku aka! Mwaasa wa niini okanswaka?”

Maaruku 15:34

Payina ya saakhentta, Yinsa khukhuwa na huula ya onyakula, araka: “Elooyi, Elooyi, Lama sabatani?” Eto ena maana ya “Nluku aka, Nluku aka, mwaasa aya niini okanswaka?”

Meepereewu 12:28

Nakataalikha, zaama nimpwekheraaye ofwalume woohisakinyeyi, nina ya wiiya ooshukhuru na etthiipo nimwaaputu Nluku, khwa shitaha na woova wa ottakatthifu,

Yaahaya 11:35

Yinsa khulila.

Matewuzhu 27:50

Paata ya onyakula saaneene theenya, Yinsa khwinkhelela rooho yawe na khufwa.

Maaruku 15:37

Ila Yinsa khunyakula channu khwiittha phuumu.

Zaapuura 22:24

Maana khataraweeni na wala khakatthaleeni ohoowa wa anamahoowa. Wala khavitheeni wuuso awe, ila okhuwa wa anamaveka waawuniwa asiila.

Meepereewu 2:14

Mwaasa wa aana wiiya atthu awiiyana mwiili na taamu, tiito Yinsa ajirettiyeeyo ontthu, yoori khwa ofwa wawe anshintte sheethwani nlupa ariina owahi wa ofwa,

Luuka 23:46

Aphano Yinsa khukhuwa na kuvu araka: “Paapa, rooho yaka kininkhelela mmakhono mwawo.” Noolupa nttakhuzi ntthile, khwiittha phuumu.

Meepereewu 13:20

Nluku wa heeri, otule ansisimuliyeeyo Mbwana eetthu Yinsa Nshuki nwulu wa pwittipwitthi, vakatthi wa ananfwa, khwa taamu ya osiilana wa mileele,

1 Timootiyu 3:16

Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.

2 Yaahaya 1:7

Maana anamattettekha enkeene amwazeyela va olumwenku, alupaka yoori Yinsa Al-Masiihu khateeni nkhama pinaatamu. Anrettaaye toowo namattettekha na atuwi wa Al-Masiihu.

1 Yaahaya 4:3

ila wakhula rooho ehinintukhurwaaye Yinsa khilankheeni wa Nluku. Eto rooho ya atuwi wa Al-Masiihu, ethiito mwasiiliyeeyo yoori enta, aphano yata eri voolumwenku.

Akaalata 4:4

Ila noofiya wakathi khaamili, Nluku amperekha Mwanawe, woovokoliwa ti muukha, na eekhaliyeeyo nkatthi wa kano,

Yaahaya 11:42

Miiyo kinjuwa yoori weeyo onikisiila wakathi wooshi, ila mwaasa wa khuntti eti ya atthu apa ariivo ti eto, kinlupaaye toowo yoori yo apatthe okhupali yoori weeyo ti okirumiyeeyo.”

Arooma 8:3

Maana, etile kano yahawahiyeeyo oretta mwaasa wa otteettheya wa onaatamu, Nluku aretta, khumperekha mwanawe, woolattanana pinaatamu wa twampi, nkhama zaakha ya twampi, khwa etthiipo khuttha paathuli twampi vakatthi wa onaatamu.

Yaahaya 1:14

Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.

Meepereewu 10:5

Tiito Al-Masiihu ariiyeeyo noota voolumwenku khuri: “Twaha na zaakha khutakheene. Ila watthenkeza mwiili khwa miiyo.

Meepereewu 10:10

Khwa matakhelo aya atthaapo phi nipatthiyeevo otwahareshiwa, khwa otwahiwa wa mwiili wa Yinsa Al-Masiihu, opu ovahiweeyo swaafu moote khwa zooshi.

Meepereewu 11:7

Khwa amini Nuuhi, wakathi aachimuleliweeyo monkoni wa vitthu zaari zihinooneye. Ye khunshututela Nluku na khumwaattala aaraka, yoori oosuru ojama awe. Khwa amini, ye khwinkha paathuli olumwenku, Nluku khunretta wiiya namarithi wa shariya monkoni wa amini.