Meepereewu 4:2 - Hapari Zooshapweya

² Maana natafusireliwa hapari zooshapweya etthiipo atafusireliweezo yo, ila hapari epo asiiliyeeyo khattheleeni fwayita, maana khalokoziweeni ti amini apale asiiliyeeyo.

Meepereewu 4:2 Referans Kwoze

1 Atizaloonika 2:13

Theenya ninshukhurwele Nluku woohilikheleli, mwaasa yoori wakathi mwipwekhereliyeeyo khwa phantte yeetthu nttakhuzi la Nluku, mweeyo mwakhupalela, khahiyo nkhama nttakhuzi la anaatamu, ila khwa nanna weekhweele liiyiyeezo nttakhuzi la Nluku, linkholaaye khaazi wookhomaalavo khwa mweeyo mwikhupaliyeeyo.

Meepereewu 11:6

Khweele, noohiina amini ntthu khanintuvelisa Nluku, khwa ethiito enihithajiya yoori otule antakhaaye omwaattama Nluku akhupali yoori ye owaapho na oniwenkha phakari apale aneekesaaye onjuwa saaneene.

Meepereewu 3:12

Phoole attwiizaku, khwa mweeyo ahiiyevo ntthu mmote wawiiyana rooho yootakhala na yoohikhupali, ya wuuphakulanani Nluku wa ohaayi.

1 Timootiyu 4:8

Okhomaaza makhonkolo fwayita yaya vattitthiiru, ila emaani ti eriina fwayita khwa zooshi, maana entana nroromelo woohaayi otthuupu na Ahera.

Arooma 2:25

Okhiriya ona fwayita amana oshututela kano, ila amana weeyo ohishututeli kano, okhiriya wawo onretteya wiiya ohikhiriyi.

Khaazi 13:46

Aphano Paawulu na Baranabe khuwaajipu woojilipisavo yoori: “Yaari ohithajiya waaza wuutafusirelani nttakhuzi la Nluku. Mwaasa wookatthala khinuusuhini opwekherela ohaayi wa mileele, apha nintta olawa nawaalaleyele amalapo.

Tiyaaku 1:21

Nakataalikha, mwilikhe vitthu zooshi zootakhala na zoohifwayi, mwipokherele na ojipushuwisa nttakhuzi nttinttho likheyiweeyo liriina owahi wa wuusuru nafusi zenu.

Meepereewu 4:6

Nakataalikha ansaleela weettamo akina muuvumula mphule, na apale a omwanzo atafusireliweeyo hapari zooshapweya monkoni wa ovumula, kheetteenimo, mwaasa wa okhijili.

1 Akorintiyu 13:3

Hatha nkhama miiyo keetta owenkha asikhini zooshi kiriinaazo na khwinkha mwiili aka yoori olukuziwe, amana kihina pheta, epo zaya khiniiya hatha etthu.

1 Pheeturu 1:12

Yo athoonyeziwe yoori khaazi aari okholaaye khayaari yaya ennyewe, ila yaari yenu mweeyo, wakathi aari olupaavo vitthu mwilaleyeliweeyo nasaapi eti pi apale antafusiraaye hapari zooshapweya khwa Rooho Ttakatthiifu eperekhiweeyo pinkuuni; vitthu hatha malayikha antakhaaye woona venkivene.

1 Atizaloonika 1:5

maana hapari zooshapweya zeetthu khazuufiyeleenini khwa mattakhuzi paasi, ila theenya khwa owahi wa Rooho Ttakatthiifu, na hakiikha yookhomaala. Mweeyo mwinjuwa nanna nijettettisiyeezo vakatthi venu, khwa zwaamu yenu.

Akaalata 3:8

Zawaatikhiwa zooniye raku yoori Nluku aari oteela owaahakikhi amalapo khwa amini, ohinafiye wakathi aya, aamuuziye hapari Eburahiima, araka: “Khapila zooshi zinteela oparikhiyiwa mwaasa wa weeyo.”

Akaalata 4:13

Muupuwele yoori swaafu etile ya mwanzo kaari wuutafusirelaanini hapari zooshapweya kaarettiye keettaka olwaaziwa,

Khaazi 3:26

Nluku anthawula Karumeya awe, khumperekha omwanzo vakatthi venu mweeyo, yoori ooparikhiyeni amana mwilikha oretta vitthu zootakhala.”

Arooma 3:3

Enlikhisa-ni atthu akina wiiya oohaamineyi? Oohaamineyi waya onfuja waamineya wa Nluku?

Akaalata 3:2

Kintakha ojuwa etthu moote khwa mweeyo: Rooho Ttakatthiifu mwapokherela mwaasa wa oshututela kano ama mwaasa wa okhupalela mattakhuzi a hapari zooshapweya mwisiiliyeeyo khwa amini?