Meepereewu 4:12 - Hapari Zooshapweya

¹² Maana nttakhuzi la Nluku likumi na lookhomaala, na loonoleya zayita phanka ya orere miwiri; ye linthipa mpakha ofiyelela ophakula nafusi na rooho, linlawa mpakha nkatthi wa ntthu, na limphuka wuupuwela na shawuri za nroho.

Meepereewu 4:12 Referans Kwoze

Ayeefezu 6:17

Mwiwale koofiya ya nusura na mwirumeyele phanka ya Rooho Ttakatthiifu yiiyiyeeyo nttakhuzi la Nluku.

1 Pheeturu 1:23

Khwa etthiipo mwivokoliweeyo opheya, woohiiyi khwa peewu enaashikhaaye, ila ehinaashikhaaye, khwa nttakhuzi la Nluku, la ohaayi na la mileele.

Othoonyeziwa 1:16

Nkhono nlume awe aarina matthottowa sapa, na nkhanyo mwawe khusaruwamo phanka yoonoliwa ya orere miwiri. Wuuso awe waari nkhama njuwa la elukuluku.

1 Atizaloonika 2:13

Theenya ninshukhurwele Nluku woohilikheleli, mwaasa yoori wakathi mwipwekhereliyeeyo khwa phantte yeetthu nttakhuzi la Nluku, mweeyo mwakhupalela, khahiyo nkhama nttakhuzi la anaatamu, ila khwa nanna weekhweele liiyiyeezo nttakhuzi la Nluku, linkholaaye khaazi wookhomaalavo khwa mweeyo mwikhupaliyeeyo.

Arooma 1:16

Khinkipatthisa haaya olaleya hapari zooshapweya, maana owahi wa Nluku oniwoosurwaaye ooshi apale ankhupalaaye, amwanzo mayaahuuti mpakha amalapo.

Othoonyeziwa 19:15

Nkhanyo mwawe enlaamo phanka yoonoliwa yoori avulaze khapila zooshi. “Ye onttela olokozela na puutta ya yuuma.” Ye onluwatthela nkulaathayini wa viinyu ya katapu ya wiiphiiriwa ya Nluku Nwahi zooshi.

Ayeefezu 5:13

Ila, zooshi epile zinsaruleliwa nnuuru zinzukuluwa khwiiya zawooneya.

Luuka 8:11

Maana a nlikaniso opu pi toono: Peewu eti enthoonyeza nttakhuzi la Nluku.

Yaahaya 6:51

Miiyo ki phaawu ya ohaayi yiishukhiyeeyo pinkuuni. Ntthu amana aja phaawu yaya eto, ontta wiiyana ohaayi wa mileele na phaawu kininkhaaye olumwenku yoori wiiyane ohaayi, mwiili aka.”

Othoonyeziwa 19:21

Ooshi khuulaaniwa phanka yaari olankhaaye nkhanyo wa otule apakhiriyeeyo va khavalo yoolakala. Na anyannyi ooshi khurupala nyama ya atthu apale.

Othoonyeziwa 2:16

Nakataalikha, mwithupwiye! Woohiiyi toowo, kintta wuuteelani woohirupazi na kuumanane yo na phanka ya nkhanyo mwaka.

Meepereewu 13:7

Mwiwuupuwele atthu apale oolokozeliyeenini, aari wuutafusirelaanini nttakhuzi la Nluku. Mwipheleleze saaneene mishumo za ohaayi aya, mweezele amini ethiito aariinaaye.

Khaazi 4:31

Paata ya maaswihaapa apale wiisha olompa, puuro etile akusanyeyiyeevo khusala esakhinyeya, ooshi khuwiitaala Rooho Ttakatthiifu, khusala alaleya nttakhuzi la Nluku woohoovi hatha etthu.

Khaazi 2:37

Paata yoosiila mattakhuzi apale, khukafilikha nroho mwaya, khumuuzela Pheeturu na maaswihaapa apale akinaaya yoori: “Attwiizetthu, apho niri je?”

Othoonyeziwa 2:23

Kiniwoola apale aninlottaaye muukha oto. Khwa toowo ojama wa Nluku wooshi ontta ojuwa yoori ki otule anootootaaye akhili na rooho, na kinteela omwinkha wakhula ntthu khwa khiima ya zooretta zawe.

Othoonyeziwa 20:4

Koona khukulu eekhaliyevo apale enkhiweeyo ofwalume yoori aphuke. Koona theenya nafusi za apale akakattiweeyo viishwa zaya mwaasa wa oshaahiti wa Yinsa na mwaasa wa nttakhuzi la Nluku. Yo khaaputwiye nyama yawoopisa wala ratarato yaya, wala khaapwekhereliye alama vaajihi wala mmakhono. Yo asisimuwa na anlokozela vamote na Al-Masiihu nyaakha alufu.

1 Atizaloonika 5:23

Yoori Nluku mweenyewe heeri oottakatthiseni sawasawa. Yoori rooho yooshi, nafusi na mwiili enu mweeyo ziiye zawiinaneliwa zoohishowereyi mpakha ota wa Mbwana eetthu Yinsa Al-Masiihu.

2 Akorintiyu 4:2

Ninkatthala vitthu zooshi za haaya enrettiwaaye sirini, khaninrumeyela ohata, wala otapanya nttakhuzi la Nluku. Olikha toowo fweeyo ninthoonyeza haakhi, nintumerelana khwa akhili za atthu ooshi enakatthi ya Nluku.

Tiyaaku 1:18

Mwaasa wa matakhelo awe, anumpa na nttakhuzi lawe la haakhi, yoori niiye puuro yamwanzo khwa zumpe zawe zooshi ompiyeeyo.

2 Akorintiyu 2:17

Maana fweeyo khaniri nkhama atthu awaatta anlaleyaaye nttakhuzi la Nluku nkhama zanshara. Ila Nluku ti anirumiyeeyo, tiito ninlaleyaaye hapari zawe na khweele enakatthi yawe, nkhama akarumeya a Al-Masiihu.

1 Akorintiyu 1:24

ila khwa apale akhuweliweeyo, waaza mayaahuuti mpakha akereeku, Al-Masiihu owahi wa Nluku na akhili za Nluku.

Khaazi 5:33

Noosiila mattakhuzi apale khwiiya ookatipukha khusala atakha owoola.

Yaahaya 12:48

Owaapho namaphuka wa otule anikikatthalaaye na ahinkhupalelaaye mattakhuzi aka; nttakhuzi laka nttinttho kilupiyeeyo ti linttelaaye omphuka siikhu ya mwiisho.

Khaazi 7:38

Ti Munsa othuuto aathukumaniyeeyo na atthu a Ezirayiilu amarehemu apapazetthu n'yaara, aari vamote na nlayikha vamwaako Sinaayi. Khupwekherela khwa ye hapari za khweele khunifiisela fweeyo.

Ayeefezu 5:26

yoori atwahareshe attakatthisaka, oosaka na maati khwa nttakhuzi lawe,

Meepereewu 6:5

khweezelela oshapweya wa nttakhuzi la Nluku na owahi wa wakathi ontaaye,