Meepereewu 3:8 - Hapari Zooshapweya

⁸ mwihuumise rooho zenu nkhama wakathi opule wa okhijili wa amarehemu apapazenu, wakathi wa weeziwa n'yaara,

Meepereewu 3:8 Referans Kwoze

Olaawo 17:7

Puuro yaya etile khutthaja nzina la Maasa na Mariiba, maana aphale vaya meezirayiilu aanyakulisananiye na khumweeza Nnyizinku araka: “Nnyizinku ori vamote na fweeyo ama wala?”

Matewuzhu 13:15

Maana rooho za atthu apa piza okhijili, attiyela mashiilo aya na khuphunya maasho aya, eriwaka khayaari ethiito, aari owahi woona na maasho aya, na osiila na mashiilo aya na oweeleya va rooho vaya khurutela mmakhono mwaka, keetta owaavonisa.’

Olaawo 8:15

Ila wakathi Firawuuna ajuwiyeevo yoori avumula, khurutela wuumisa rooho yawe khuhinsiilezi theenya Munsa na Haruni, khwa epile alupiyeezo Nnyizinku.

1 Akorintiyu 10:9

Nihimweeze Mbwana, nkhama akina aya arettiyeezo na khuuliiwa ti nyookha.

Khaazi 19:9

Ila akinoko aya khuumisa rooho zaya khukatthala okhupali, khusala attakhula vitthu zootakhala monkoni wa Tarikhi ya Yinsa eettaka olupa vamwanttiwa. Paawulu, khuwaasusa apale aya, khuwaathuula anakhiyoni, khusala awaasomisa siikhu zooshi nlipantta la Tiraanu.

Zaapuura 95:8

Mwihuumise rooho zenu nkhama amarehemu apapazenu arettiyeeyo nti wa Mariiba, na nkhama siikhu etile nti wa Maasa n'yaara,

Khaazi 7:36

Ti othuuto awaalaziyeewo, arettaka vitthu zootikinisa na alama za minjuza za nti wa Misuri, mpakha Pahari Yookhuttuwa na n'yaara khwa nyaakha arupayiini.