Meepereewu 3:6 - Hapari Zooshapweya

⁶ Ila Al-Masiihu tu wa waamineya nkhama mwaana monkoni wa nyuupa ya Nluku. Nyuupa ya eto ti fweeyo, amana nikholelela woolipaneyavo nroromelo na owejela khwa etile ninjikhupalanaaye.

Meepereewu 3:6 Referans Kwoze

2 Akorintiyu 6:16

Okusanyeyani oriivo Nyuupa Yoosifwiwamo Nluku na sanamu? Maana fweeyo na a Nyuupa ya Nluku woohaayi. Nkhama etthiipo alupiyeezo Nluku yoori: “Kiniikhalana yo na keettette vakatthi vaya, kinttela wiiya Nluku aya na yo anttela wiiya atthu aka.”

1 Akorintiyu 3:16

Mweeyo mwinjuwa yoori mwa Nyuupa ya Nluku na Rooho ya Nluku eniikhala khwa mweeyo.

1 Pheeturu 2:5

mweeyo theenya mwinrumeyeliwa nkhama mawe haayi khwa ojekaniwa nyuupa ttakatthiifu, yoori mwipatthe onamalokozela wa tiini ttakatthiifu, mwinkhaka twaha ttakatthiifu yookhupaleliwa ti Nluku vakatthi wa Yinsa Al-Masiihu.

Meepereewu 10:35

Apho mwihanswi nroromelo mwiriinaaye, onaaye phakari khuluyeene.

Meepereewu 6:11

Apho ennituvela yoori wakhula mmote wa mweeyo ajithoonyeze wiiya woolikana mpakha mwiisho, yoori mwiiyane nroromelo khaamili,

1 Akorintiyu 6:19

Olikha toowo, mweeyo khamwinjuwa yoori mwiili enu nyuupa ya Rooho Ttakatthiifu eniikhalaaye khwa mweeyo, mwinkhiweeyo ti Nluku? Mweeyo khahiyo a mweeyena.

Meepereewu 10:23

Nikholelele saaneene nroromelo nintukhurwaaye, maana otule anaahitiyeeyo tu wa waamineya.

Meepereewu 4:11

Nakataalikha, nijilipise nifiye muuvumula wa Nluku yoori ahiiyevo ntthu mmote anttelaaye okwa alottelaka nthoonyezo wookhijili.

Meepereewu 3:14

Maana fweeyo naretteya wiiya ashirikha a Al-Masiihu, amana ninkholelela mpakha mwiisho na nroromelo naariinaaye thanku omwanzo.

Othoonyeziwa 3:11

Kinta woohirupazi. Mwithokorele etile mwiriina, yoori ahiiyevo hatha ntthu woothuula jarata yenu.

Meepereewu 4:14

Nakataalikha ninaaye haakhimu nwulu wa tiini, Yinsa Mwaana wa Nluku, othuuto aweliyeeyo pinkuuni nikholelele woolipanavo amini nintukhurwaaye.

Meepereewu 1:2

Ila siikhu epi za mwiisho anittakhulana vakatthi veetthu khwa Mwanawe, othuuto amwinkhiyeeyo wiiya namarithi wa vitthu zooshi na khwa vakatthi vawe Nluku ompa olumwenku.

1 Timootiyu 3:15

ila amana kirupaza, warakha eto entta owuuza nanna yoojeettettisa vakatthi wa ojama wa Nluku. Eti yiiyiyeeyo khuntti ya Nluku khwa ohaayi, nripu na nchina lookhweele.

Akoloosu 1:23

Ila enihithajiya wiiya nchina lookhomaala na olipalipa khwa amini, woohiphakuwanani nroromelo wa hapari zooshapweya, epile mwisiiliyeezo na zilaleyeliweeyo atthu ooshi ari vathi. Pi hapari zooshapweya etthiipo miiyo Paawulu kiretteyiyeeyo okarumeya.

Matewuzhu 10:22

Atthu ooshi anttela owiinani mwaasa wa miiyo, ila otule anttelaaye ovilela mpakha mwiisho ontta wuusurukha.

1 Atizaloonika 5:16

Wakhula wakathi mwifurahi.

Arooma 15:13

Nluku wa nroromelo ti aweetaaze furaha yooshi na heeri, mwaasa wa omwaamini ye, yoori nroromelo enu weekezeleye khwa owahi wa Rooho Ttakatthiifu.

Matewuzhu 24:13

Ila otule anttelaaye ovilela mpakha mwiisho ontta wuusurukha.

Othoonyeziwa 2:25

ila paasi mwikholele woolipaneyavo epo mwiriinaazo mpakha miiyo ota.

Othoonyeziwa 2:18

“Khwa ojama wa Nluku wa Tiyatiira waatikhe yoori: Apa mattakhuzi a mwaana wa Nluku, otule ariina maasho nkhama eviriviri ya moottho na moolu oolattanana poronzi ya woochiwa.

2 Atizaloonika 2:16

Yoori Mbwana Yinsa Al-Masiihu mweenyewe, na Nluku papeetthu, aniphetiyeeyo na khuninkha ominyala wa mileele na nroromelo wooshapweya khwa rehema,

Arooma 5:2

Khwa othuuto ti nipatthiyeeyo ruhusa khwa amini, na rehema ethiito nikhomaleliyeeyo nasaapi na ninjittitthimisanaaye khwa nroromelo wa siifwa ya Nluku.

1 Pheeturu 1:8

Hatha nkhama mweetta ohimooni, mweeyo mwinimpheta, na hatha nkhama mwintta ohimooni nasaapi eti, mwankhupali mwintthapa na furaha ehinlupeyaaye ya ottitthima,

Akaalata 6:9

Na nihishokherele oretta zooshapweya: amana ofiya wakathi aya ninteela wuurula, amana nihishokhereli.

Arooma 11:22

Nakataalikha, moone okemaani na okhomaala wa Nluku. Okhomaala khwa apale akwiiyeeyo, ila okemaani khwa weeyo amana wiiya muukemaani mwawe, noohijuwi ontta oshijiwa.

Matewuzhu 16:18

Miiyo kiniwuuza yoori weeyo o Pheeturu, khwa liwe nttintthi kinjekana ojama wa Nluku na milako za ahera khazinlawa oshintta.

Arooma 12:12

Mwifurahele nroromelo mwiriinaaye, mwiiye oovilela miswipa, na olompa woohilikheleli.

Akaalata 6:10

Nakataalikha wakathi ninwahaaye, niwaarettele zooshapweya atthu ooshi, haaswa haaswa apale a ojama nkatthi wa amini.

Ayeefezu 3:12

Khwa otule nimpattheliyeeyo otaphuliwa, ninlawa ojithoonyeza omaasho wa Nluku nirina nroromelo nwulweene wa amini khwa ye.

Meepereewu 4:16

Apho naattame khukulu ya rehema na nroromelo wooshi, yoori nipwekhere tthakaraka na napatthe rehema ya onaawuni wakathi woohithajiya.

Meepereewu 6:18

na yoori khwa vitthu piiri zihinzukuliseyaaye, khinretteya Nluku ohata khwa vitthu zaya epo, nina yookholelela na olipiseleya khwa nroromelo nwulweene naahitiweeyo vakatthi veetthu.

Meepereewu 7:19

Maana kano khikhamilikhiseeni hatha etthu. Nasaapi eti Nluku aninkha nroromelo nwulweene, otthuupo pi onnattamanisaaye Nluku.

Meepereewu 10:19

Khwa etthiipo, attwiizaku ninaaye nroromelo wookhamilikha ovira puuro Ttakatthiifu ya Attakatthiifu mwaasa wa taamu ya Yinsa,

Meepereewu 10:21

Khwa etthiipo ninaaye haakhimu nwulu wa tiini waweettettisa nyuupa ya Nluku,

Meepereewu 11:1

Amini hakiikha ya etile ninwejaaye na okhupalela wa vitthu nihinoonaaye.

1 Pheeturu 4:17

Maana wafiya wakathi wa waaziwa ophukiwa nyuupa ya Nluku, na nkhama enaaza khwa fweeyo, onttela wiiya woolipa mwiisho wa apale ahinshututelaaye hapari zooshapweya za Nluku.

Othoonyeziwa 2:26

Otule anshinttaaye na anttelaaye oretta matakhelo aka mpakha mwiisho, kinimwinkha ofwalume khwa khapila.