Meepereewu 3:13 - Hapari Zooshapweya

¹³ Olikha toowo, mwitumerelane siikhu zooshi mmote na nzeenu khwa wakathi oniitthiwaaye “leelo”, yoori ahiiyevo mmote wa mweeyo enttelaaye wuumisiwa rooho ti ottettekha wa twampi.

Meepereewu 3:13 Referans Kwoze

1 Atizaloonika 5:11

Tiito, mwitumerelane na mwaawunane mmote na nzeenu, nkhama etthiipo mwinrettaazo.

2 Timootiyu 4:2

otafusiri nttakhuzi, wiiye woojitthenkeza khwa wakathi ama oje wa wakathi. Oshowere, olikhise, olipisele woopholevo na ovilela venkivene khwa thwapiya.

1 Atizaloonika 4:18

Nakataalikha mwitumerelane mmote na nzeenu khwa mattakhuzi apa.

Arooma 7:11

Tiito twampi, khupattha kiphenyo etiisiweeyo ti oruma, khukittettekha na khwa oruma otthuupo khukuula.

Khaazi 11:23

Noofiya khoona rehema ya Nluku, khwiiya woofurahi na khuwaalipisela yoori eeye ookhomaala mmakhono wa Mbwana na rooho yaya yooshi.

Tiyaaku 1:14

Ila wakhula ntthu onzayiniwa khwa tuvela yawe mweenyewe amana asokhowela, zininkwakwanttula.

Ayeefezu 4:22

Khwa mwentto wa meekhazi apale a raku, mwasomisiwa olikha ontthu opule wa raku, woojitapanya khwa tuvela zenu zoohata,

1 Atizaloonika 2:11

Maana mweeyo mwinjuwa yoori fweeyo nootthanttani wakhula mmote wa mweeyo nkhama paapa aniwaatthanttaazo aanaawe.

Meepereewu 13:22

Attwiizaku, kinuuvekelani yoori mwivilele mattakhuzi aka oolipisela; wekhweele etile miiyo kiwaatikheliyeenini khayaatteeni.