Meepereewu 3:12 - Hapari Zooshapweya

¹² Phoole attwiizaku, khwa mweeyo ahiiyevo ntthu mmote wawiiyana rooho yootakhala na yoohikhupali, ya wuuphakulanani Nluku wa ohaayi.

Meepereewu 3:12 Referans Kwoze

Meepereewu 12:25

Phoole mwihikatthale onsiileza otule anttakhulaaye. Maana nkhama khavukheeni apale akatthaliyeeyo onsiila otule aari owoozaaye vathi apha, khanitepeeni fweeyo amana nimwanswi otule aninhirimizaaye wa pinkuuni.

1 Akorintiyu 10:12

Etthiipo, otule anjoonaaye wiiya wookhomaala, ajiinanele yoori ahikwe!

Meepereewu 10:38

Otule eeyiye nashariya vakatthi vaka oniikhala khwa amini. Ila otule anrutelaaye nyuma khanteela okituvela.”

Meepereewu 12:15

Mwiiyane phoole yoori ahiiyevo hatha mmote wa mweeyo anttelaaye ojilazamo nrehema ya Nluku, wala ahiiyevo anjirettaaye wiiya nkhama ntathaari woowaawa onttelaaye woottha owantipuni, na owaakwakhulisa atthu awaatta.

Meepereewu 3:10

Tiito yaakipatthiyeeyo katapu khwa khapila ya etile, miiyo khulupa yoori: ‘Rooho zaya zathowelela mileele, yo khajuweeni tarikhi zaka.’

Maaruku 13:33

Phoole, mwiiye woojeekesela, maana khamwijuweeni ofiya wa wakathi aya opo.

Matewuzhu 24:4

Yinsa khuwaajipu yoori: “Phoole, ahiiyevo anttelaaye wuuhatani.

Maaruku 13:9

“Mweeyo mwiiyane phoole, maana mwinlawa mwenkheleliwe wa anamaphuka na mwinlawa mwajaphiwe mmasinakooka, na mwilawaniwe wa misatoro na wa afwalume, mwaasa wa miiyo, yoori mwiiye mashaahiti.

1 Atizaloonika 1:9

Maana atthaapo anthatela nanna mweeyo mwinipwekhereliyeezo, na nanna mwiruteliyeezo mmakhono wa Nluku, khulikha sanamu yoori mwinrumeyele Nluku wa ohaayi na weekhweele,

Arooma 11:21

Nkhama etthiipo Nluku ahiilikheleleni virapi epile za ephattu, na weeyo theenya khanteela owiinanela.

Luuka 21:8

Yinsa khuwaajipu yoori: “Phoole! Mwihihatiwe, maana anlawa apuwe atthu awaatta araka, ‘Al-Masiihu ti miiyo!’ Ama ‘wakathi wafiya!’ Ila mwihiwaalotte apo aya.

Maaruku 13:23

Mweeyo mwiiyane phoole! Miiyo kiniwuuzani zooshi epo khapulathi zihinarettikhane.

Matewuzhu 16:16

Simawu Pheeturu khujipu yoori: “Weeyo o Al-Masiihu, Mwaana wa Nluku wa ohaayi.”

Mwanzo 8:21

Nnyizinku khusiila arufu yonkhurunusha rooho khulupa mweenyeweru yoori: “Akinteela orutela theenya olaani tuniya mwaasa wa pinaatamu, eeyaru pure wootakhala rooho ovokoliwa wene. Akinteela orutela opwetecha zumpe zooshi nkhama nanna eti kirettiyeeyo.

Akoloosu 2:8

Mwiiyane phoole yoori ahiiyevo anttelaaye wuurettani oviitthwaana mwaasa wa masomi oohiina fwayita na oottettekha, anlankhaaye khwa thwapiya za oonaatamu na yaazo yoolankha voolumwenku attaapha, zohiiyi khwa Al-Masiihu.

Meepereewu 3:1

Nakataalikha, attakatthiifu attwiizaku, mwiriiye nkatthi wa okhuweliwa ti Nluku wa pinkuuni, wuupuwela weenu mwitthe wa Yinsa, aswihaapa na haakhimu nwulu wa tiini ninintukhurwaaye.

Meepereewu 3:19

Nakataalikha noone yoori yo mwaasa wookhijili khawaheeni ofiya.

Meepereewu 9:14

Nkhama epi pi toono, mwipheleleze aphano yoori yootepa owula theenya ti owahi wa taamu ya Al-Masiihu, khwa vakatthi wa Rooho ya mileele ye ajinkha mweenyeweene khwa Nluku nkhama twaha yoohiina hatha jaraha, ye atwaharesha akhili zeetthu mwaasa wa khaazi ennilokozaaye muufwa yoori ninrumeyele Nluku wa ohaayi.

Meepereewu 10:31

Etthu ya woopisa okwamo mmakhono wa Nluku wa ohaayi!

Meepereewu 12:22

Ila mweeyo mwafiya vamwaako Siyoni na sitati ya Nluku wa ohaayi, Yeruzaleemu ya pinkuuni, ariiwo malayikha oohalakeyi ottuukho aathukumaniyeeyo na furaha,