Meepereewu 2:10 - Hapari Zooshapweya

¹⁰ Khwa owaalokoza aana awaatta nsiifwa, yaari ohithajiya yoori Nluku, khwa othuuto na vakatthi wa othuuto vitthu zooshi ziriivo, akhamilikhe, vakatthi wa ohoowa, mweenyewe nusura yaya.

Meepereewu 2:10 Referans Kwoze

Arooma 11:36

Maana zooshi zata khwa ye, na zooshi zeeyavo khwa ye, na pi zawe. Attitthimisiwe ye khwa mileele! Amiina.

Meepereewu 12:2

Maasho nithoonyeze wa Yinsa, otule eeyiyeeyo namawaza na mweenyewe amini yeetthu. Ye avilela ofwa vansalapa, khuhinjali haaya etile yaariivo, ajuwaka furaha yaari onwejelaaye. Paata ya ohoowa ye eekhala nkhono nlume wa khukulu ya Nluku.

Meepereewu 6:20

Ottuukho Yinsa eettawo khapulathi ya fweeyo, khwa puuro yeetthu. Khuretteya wiiya haakhimu nwulu wa tiini mileele nkhama etthiipo aariizo Melikizeteekhi.

Khaazi 5:31

Othuuto, Nluku khunwulisa na khumwinkha wiiya Namalokozela na Namuusuru, yoori awenkhe meezirayiilu othupwiya na nswammaha wa twampi.

Luuka 24:46

Khuwooza araka: “Yaatikhiwa yoori Al-Masiihu aarina yoohoowa na siikhu ya ttaatthu osisimuwa vakatthi wa ananfwa,

Luuka 24:26

Al-Masiihu khaarina yoohoowa etthiipo yoori eette nnuuru mwawe?”

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

1 Akorintiyu 8:6

ila khwa fweeyo, Nluku ori mmote paasi, Paapa, otule ompiyeeyo vitthu zooshi na fweeyo niwaapho khwa ye; na Mbwana mmote Yinsa Al-Masiihu paasi, othuuto vitthu zooshi zumpiweeyo khwa ye, khwa othuuto fweeyo neeyavo.

Meepereewu 7:28

Maana kano zawaathawula mahaakhimu awulu a tiini atthu antteettheyaaye; ila khwa olapha otiyeeyo paata ya kano za Munsa, Nluku anthawula Mwanawe khaamili wa mileele.

Ayeefezu 3:10

Aari otakha yoori khwa ojama wa Nluku, othoonyeze akhili khuluzeene khwa nanna yoofwarikhana ariina Nluku vakatthi wa afwalume na owahi wa pinkuuni,

Othoonyeziwa 4:11

“Weeyo, Mbwana na Nluku etthu, onsuhi opwekhera siifwa, hishima, na owahi, maana wompa vitthu zooshi, na khwa niiya yawo zooshi zeeyavo na zompiwa.”

2 Timootiyu 2:10

Nakataalikha, kinvilela khwa zooshi mwaasa wa pheta ya ananthawuliwa, yoori na yo apatthe nusura eri wa Al-Masiihu Yinsa, na siifwa za mileele.

Akoloosu 3:4

Al-Masiihu, otule eeyiye ohaayi enu, amana athoonyeziwa, aphano mweeyo theenya mwinlawa mwathoonyeziwe na ye mu ottitthima mwawe.

Akaalata 3:26

Nakataalikha nasaapi eti mooshi mweeyo mwa aana a Nluku khwa amini ya Yinsa Al-Masiihu.

2 Akorintiyu 3:18

Ila fooshi fweeyo nifunuliweeyo wuuso eetthu nimpayini siifwa za Mbwana, khwa ratarato yawe nintta ozukulisiwa wakhula swaafu na siifwa yooziti enlankhaaye khwa Mbwana yiiyiyeeyo Rooho.

Arooma 9:23

Kilupe niini, nkhama ye aretta epo yoori opatthe ojuwiwa othaajiri wa siifwa yawe khwa zoopo ya tthakaraka yawe, atthenkeziyeeyo raku zeene khwa ottitthima wawe.

Khaazi 3:15

Mweeyo khumuula mweenyewe ohaayi, ila Nluku khunsisimula muufwa fweeyo na mashaahiti a vitthu zaya epo.

Othoonyeziwa 7:9

Paata ya toowo keekesa, koona khuntti khuluyeene yahaari owahaaye waalakeya, khwa khapila zooshi, mahimo, atthu na luuka, ziri omaasho wa khukulu na ya Pwittipwitthi, ewaliye kuwo zoolakala na ekholeliye virapi za mirita mmakhono mwaya.

1 Pheeturu 5:1

Miiyo, theenya kiiyiyeeyo nttunkhulu wa ojama wa Nluku, kiniwaahirimiza attunkhulu a ojama wa Nluku ari vakatthi venu mweeyo. Ki shaahiti wa ohoowa wa Al-Masiihu na kinttela oretta phantte ya ottitthima onttelaaye othoonyeziwa:

1 Pheeturu 1:12

Yo athoonyeziwe yoori khaazi aari okholaaye khayaari yaya ennyewe, ila yaari yenu mweeyo, wakathi aari olupaavo vitthu mwilaleyeliweeyo nasaapi eti pi apale antafusiraaye hapari zooshapweya khwa Rooho Ttakatthiifu eperekhiweeyo pinkuuni; vitthu hatha malayikha antakhaaye woona venkivene.

Meepereewu 7:26

Nanna ya haakhimu nwulu wa tiini naari onhithajiyaaye oniiya nkhama toono: nttakatthifu, woohiina paathuli, watwahara, woophakuwana na anatwampi, woottitthimisiwa zayita pinku.

Ayeefezu 2:7

Yoori athoonyeze wakathi ontaaye, maali zihinlikananiwaaye za rehema zawe na athoonyezaka emaani yawe aarina na fweeyo khwa Yinsa Al-Masiihu.

2 Akorintiyu 6:18

Miiyo kinttela wiiya Papeenu, na mweeyo mwiniiya aanaaka alume mpakha aakha,” alupa Mbwana Nwahi zooshi.

2 Akorintiyu 5:18

Zooshi epo zinlankha wa Nluku, anisilanisiyeeyo mweenyeweene khwa Al-Masiihu, na aninkha khaazi ya osiilanisa,

2 Akorintiyu 4:17

Maana ohoowa weetthu wa oveya oniviraaye, onjeka khwa fweeyo siifwa ya mileele enlemeelaaye zayita zooshi epo.

1 Akorintiyu 2:7

Olikha toowo, ninlupa akhili za Nluku, zaari siiri zoovitheya, etthiipo Nluku arumiyeeyo ehineeyevo hatha etthu yoori yiiye siifwa yeetthu.

Yaahaya 19:30

Yinsa wakathi anywiiyeevo viinyu etile yoonyuunya khulupa yoori: “Zooshi zamariseliwa”, khwiinamisa eeshwa yawe khwinkhelela rooho yawe.

Yaahaya 11:52

khahiyo paasi khwa khapila ya mayaahuuti, ila theenya yoori awaakusanye khwa mwiili mmote aana a Nluku apale amwazeyiyeeyo.

Luuka 13:32

Ye khuwaajipu yoori: “Mwilawe mwamuuze nanthala aya oto yoori: ‘Leelo na meesho kiniikara masheethwani na owaavonisa alwele, siikhu ya ttaatthu kintta wiishisa khaazi yaka.

Luuka 2:14

“Asifwiwe Nluku otulu, na vathi apha heeri yiiye vamote na atthu ooshi awaatakheliyeeyo osaana.”

Mwanzo 18:25

Ohiiye weeyo wooretta etthu nkhama eto, yoowuuleela vamote anashariya na makaafiri. Onteela onhukhumu nashariya mwaasa wa vitthu zoorettiwa ti makaafiri. Weeyo o namaphuka woolumwenku wooshi, khunteela ophuka na shariya?”