Meepereewu 13:21 - Hapari Zooshapweya

²¹ okhamilikhiseni khwa zooshi zooshapweya yoori mwirette matakhelo awe, na erettikhane khwa fweeyo etile enintuvelaaye khwa Yinsa Al-Masiihu, othuuto siifwa ziiyiye khwa ye mileele. Amiina.

Meepereewu 13:21 Referans Kwoze

Afiliipu 2:13

Maana Nluku ti ankholaaye khaazi nkatthi mweenu yoori mwishututele niiya yawe waaza nwuupuwela mpakha muuretta.

2 Atizaloonika 2:17

athuze rooho zenu na oolipiseleni khwa oretta vitthu zooshapweya mileele, waaza nkhaazi mpakha mmattakhuzi.

Afiliipu 4:13

Kinwahi oretta zooshi khwa otule anikikhomaazaaye.

1 Pheeturu 2:5

mweeyo theenya mwinrumeyeliwa nkhama mawe haayi khwa ojekaniwa nyuupa ttakatthiifu, yoori mwipatthe onamalokozela wa tiini ttakatthiifu, mwinkhaka twaha ttakatthiifu yookhupaleliwa ti Nluku vakatthi wa Yinsa Al-Masiihu.

2 Timootiyu 4:18

Mbwana onikitaphula khwa khaazi zooshi zootakhala na onikithuula kiri woolipalipa muufwalume mwawe pinkuuni. Attitthimisiwe ye khwa mileele! Amiina!

Afiliipu 1:11

Mwiiye awiitaala mishumo za shariya, mishumo zinlankhaaye wa Al-Masiihu Yinsa, yoori wiiye ottitthima na siifwa ya Nluku.

2 Akorintiyu 9:8

Na Nluku ti wa owahi khwa oretta yoori rehema yooshi mweekezeliwe, yoori khwa vitthu zooshi na wakathi wooshi, wiiyana zooshi enihithajiyaaye, yoori mwirette wakhula nanna ya khaazi yooshapweya.

1 Pheeturu 4:2

yoori wakathi opo onuusaleelanini, mwihiikhale theenya mwilottelelaka tuvela zootakhala za onaatamu, ila oretta etile yiiyiye niiya ya Nluku.

Meepereewu 10:36

Mweeyo mwinhithajiya wiiyana nthiti, yoori amana mwiretta etile yiiyiye ya matakhelo a Nluku, mwipokhere etile ahitiyeeyo.

1 Atizaloonika 5:23

Yoori Nluku mweenyewe heeri oottakatthiseni sawasawa. Yoori rooho yooshi, nafusi na mwiili enu mweeyo ziiye zawiinaneliwa zoohishowereyi mpakha ota wa Mbwana eetthu Yinsa Al-Masiihu.

Yuuda 1:25

Nluku paasi, Namuusuru eetthu, eeye siifwa, nwulweene, nwahi na mfwalume, khwa Yinsa Al-Masiihu, Mbwana eetthu, khwa wakathi wooshi, nasaapi mpakha mileele! Amiina!

1 Yaahaya 2:17

Olumwenku oniisha na omaashokopho aya; ila otule anrettaaye epile Nluku antakhaaye, ontta olipana ohaayi wa mileele.

1 Timootiyu 1:17

Apho, Mfwalume wa mileele attottopeliwe na asifwiwe siikhu zooshi, Ye ahinifwaaye wala ahinooneyaaye, Nluku mmote othuuto. Amiina!

Ayeefezu 2:10

Maana naazumpe za wumpiwa ti Nluku khwa Yinsa Al-Masiihu yoori nirette vitthu zooshapweya, epile Nluku atthenkeziyeeyo khapula yoori fweeyo neettettele.

Othoonyeziwa 5:9

Na yo khwiipa liipo lipheya araka: “Weeyo ti onsuhaaye opwekherela kithaapu na opharula viphariselo zaya, maana weettiye wuuliiwa, na khwa taamu yawo wamuuzanyela Nluku mahimo ojama wooshi, luuka, atthu na khapila.

1 Yaahaya 3:22

na wakhula etile nininvekelaaye ye nimpwekhera, maana ninshututela oruma wawe na ninretta etile enintuvelaaye.

Meepereewu 13:16

Mwihilikhelele oretta zooshapweya na owaameela azeenu khwa etile mwiriinaaye, maana twaha zinintuvelaaye Nluku pi etthiipo.

1 Timootiyu 6:16

Ye otthwe khanfwa na oniikhala nnuuru ehinaattameyaaye, khina anamoone, wala anwahaaye omoona. Ottitthimisiwa wiiye wawe na owahi khwa mileele. Amiina.

1 Timootiyu 5:10

Eeye muukha woojuwaniwa oretta vitthu zooshapweya, woowaalela saana aanaawe, woomakeleya, ama eeye muukha aari woosakaaye moolu a atthu oottakatthiifu a Nluku, aari owaawunakaaye anamathowiwa na aari okholakaaye khaazi zooshi zooshapweya, othuuto ti aatikhiwe nwarakha ya anamafweliwa pi amanna zaya.

1 Atizaloonika 3:13

Yoori ye akhomaaze rooho zenu na mwiiye oohishowereyi khwa ottakatthifu omaasho wa Nluku eetthu Paapa, na khwa ota wa Mbwana eetthu Yinsa na attakatthiifu awe ooshi.

Akoloosu 4:12

Epaafara, eeyiyeeyo mmote wa mweeyo na karumeya wa Al-Masiihu Yinsa, omperekha salamu. Ye onvira oomanaka nkatthi wa lompa khwa mweeyo, yoori nkhama etthiipo mwiiyiyeeyo atthu ookhomaala na ookhupali saaneene, mwivire mwikhomaalaka khwa matakhelo ooshi a Nluku.

Akoloosu 3:17

Zooshi mwinrettaazo, waaza mattakhuzi ama khwa khaazi, mwirette zooshi khwa nzina la Mbwana Yinsa, khwa ye mwinshukhurwele Nluku Paapa.

Afiliipu 4:18

Kapwekhera zooshi, kapattha zooziti ofiyela. Kinaaye zooshi kinihithajiyaayo, paata ya Epaforotiitu okitiisela vitthu epi mwiperekhiyeeyo, epo zaya ziri nkhama mafuttha oonukhela awinkhiwa Nluku, twaha ankhupalelaaye na enintuvelaaye.

Ayeefezu 2:18

Maana khwa ye mweeyo na fweeyo ninaaye ruhusa ya paapa khwa Rooho moote paasi.

Matewuzhu 28:20

mwiwaasomisaka oshututela zooshi epile kirumiyeezo. Na miiyo kinttela wiiya vamote na mweeyo mpakha mwiisho wa wakathi.”

Matewuzhu 6:13

na ohinilikhelele nizayiniwaka, ila nuusuru khwa ntakhali, maana ofwalume, owahi, na siifwa zooshi pi zawo, mileele. Amiina.’

Othoonyeziwa 5:13

Nawiisha khusiila zumpe zooshi ziriiye pinkuuni, va tuniya, vathi wa tuniya, mpahari, na zooshi ziriimo, ziipaka yoori: “Otule eekhaliyeeyo va khukulu na Pwittipwitthi asifwiwe na hishima, ottitthima, na owahi, khwa mileele.”

Othoonyeziwa 4:6

Omaasho wa khukulu yaariwo etthu yoolattanana pahari ya wooneela nkhama suupha, yoolakala yawaara venkivene nkhama matthottowa. Vakatthi wa khukulu, nkerekhere zaarimo zumpe haayi nne za waatta maasho, omaasho na onyoko.

Meepereewu 12:23

va nthukumano wa apale amwanzo, mazina aya aatikhiweeyo pinkuuni. Mweeyo mwafiya wa Nluku, namaphuka wa atthu ooshi. Mweeyo mwafiyela rooho za anashariya okhamilikha.

1 Atizaloonika 4:3

Niiya ya Nluku ti yoori mweeyo mwiiye woottakatthisiwa. Mwijiphakulane khaapa twayifu.

Akoloosu 3:20

Mweeyo aana, mwiwaasiileze apapazenu khwa zooshi, maana eto enintuvela Mbwana.

Afiliipu 2:11

Na malimi ooshi atukhuru yoori Yinsa Al-Masiihu ti Mbwana, khwa siifwa ya Nluku Paapa.

Akaalata 1:5

Othuuto attitthimisiwe khwa mileele amiina!

Arooma 11:36

Maana zooshi zata khwa ye, na zooshi zeeyavo khwa ye, na pi zawe. Attitthimisiwe ye khwa mileele! Amiina.

2 Pheeturu 3:18

Ila mwiwule nkatthi wa rehema na muujuwa wa Mbwana eetthu Namuusuru Yinsa Al-Masiihu. Othuuto ti enkhiwe siifwa, waaza nasaapi mpakha mileele! Amiina.

Arooma 16:27

aaa, Nluku mmote paasi wa akhili enkhiwe siifwa mileele zene, khwa Yinsa Al-Masiihu. Amiina.

Yaahaya 17:23

Miiyo khwa yo na weeyo khwa miiyo. Khwa nanna ethiito osiilana waya onttela wiiya khaamili, yoori atthu a voolumwenku ajuwe yoori weeyo ti okirumiyeeyo, na yoori oniwaapheta nkhama etthiipo onikiphetaazo miiyo.

Yaahaya 7:17

Amana ntthu ajilakelela oretta matakhelo a Nluku, ontta osophela nkhama osomisa waka onlankha wa Nluku ama kinjilupa kimweenyewe.

Matewuzhu 21:31

“Khwa aana apale awiri ti tuuvi arettiyeeyo matakhelo a papaawe?” Khujipu yoori: “Otule wa mwanzo.” Yinsa khuwooza yoori: “Kiniwuuzani khweele yoori, anamariphisa lumpuru na amalempe antta weetta muufwalume wa Nluku mweeyo mwihineettemu.

Matewuzhu 7:21

“Khahiyo ooshi apale anikiitthaaye yoori: ‘Mbwana, Mbwana,’ anttelaaye weettamo muufwalume wa pinkuuni, ila otule anrettaaye matakhelo a Paapa ariiye pinkuuni.

Matewuzhu 12:50

Maana otule anrettaaye matakhelo a Paapa ariiye pinkuuni, oto ti ttwiiyaku, nlupwaaka na ti maama.”

2 Timootiyu 3:17

yoori ntthu wa Nluku eeye khaamili na woolikana khwa khaazi zooshi zooshapweya.

Meepereewu 12:28

Nakataalikha, zaama nimpwekheraaye ofwalume woohisakinyeyi, nina ya wiiya ooshukhuru na etthiipo nimwaaputu Nluku, khwa shitaha na woova wa ottakatthifu,