Meepereewu 13:1 - Hapari Zooshapweya

¹ Mwikhanyarele ophetana mmote na nzeenu nkhama attwi khwa Al-Masiihu.

Meepereewu 13:1 Referans Kwoze

1 Yaahaya 4:20

Nkhama ntthu onri onimpheta Nluku khusala eephiiriwa ti ttwiiye, oto namalokova. Maana otule ahimpheteeni ttwiiye, otule animoonaaye, khanwahi ompheta Nluku, otule ahinimoonaaye?

1 Pheeturu 3:8

Omwiisho waya, wuupuwela weenu wiiye nanna moote, ohurumiyana, mwithoonyezaka pheta ya ottwi, mwiiye awoonelana tthakaraka na oojipushuwisa.

1 Pheeturu 1:22

Aphano mweeyo mwitwahareshiyeeyo ohaayi enu, khwa oshututela haakhi, mwithoonyezaka pheta ya ottwi na ya ookhweele, mwiphetane saaneene mmote na nzeenu na rooho yenu yooshi.

2 Pheeturu 1:7

va emaani, ojalana; va ojalana, pheta.

1 Pheeturu 2:17

Mwiwaatthantte atthu ooshi khwa shitaha, mwiwaaphete attwi, mwimoove Nluku, na mwinshitahi mfwalume.

Meepereewu 10:24

Nina yoojalina mmote na nzeetthu yoori nilipiselane nkatthi wa pheta na oretta vitthu zooshapweya.

2 Atizaloonika 1:3

Attwi, nina ya onshukhurwela Nluku wakhula swaafu khwa mweeyo; eto ya shariya, maana amini mweeyo mwiriinaaye entepa owula channu na eneekezela pheta yenu mooshi mmote na nzeenu.

1 Pheeturu 4:8

Khwa zooshi, mwiphetane weekhweelevo wakhula mmote na nzeenu, maana pheta enswaamihi twampi zawaatta.

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

Akaalata 5:13

Maana mweeyo attwiizaku, mwakhuweliwa yoori mwitaphuliwe. Otaphuliwa waya opo mwihirumeyele khwa winkha kiphenyo tuvela za onaatamu, ila mwirumeyelane mmote na nzeenu khwa pheta.

Othoonyeziwa 2:4

Ila kinaaye eti khwa mweeyo, mweetta olikha pheta mwarinaaye mwanzo.

1 Yaahaya 3:23

Oruma wawe pi opu: yoori fweeyo nikhupali nzina la Mwanawe Yinsa Al-Masiihu, na yoori niwaaphete azeetthu, nkhama Nluku anirumiyeezo.

Akaalata 5:6

Maana khwa Yinsa Al-Masiihu, wala okhiriya, wala ohikhiriyi khuna hatha fwayita moote, ila amini paasi enkholaaye khaazi vakatthi wa pheta.

Yaahaya 15:17

Opo pi oruma waka: mwiphetane mmote na nzeenu.

Ayeefezu 5:2

na mwiikhale khwa pheta nkhama etthiipo Al-Masiihu aniphetiyeezo na khuleva ohaayi awe mwaasa wa fweeyo, khujiretta wiiya zaakha na twaha ya arufu ya ontuvela Nluku.

Ayeefezu 4:3

Mwijilipise yoori mweekese othokorela okusanyeya wa Rooho Ttakatthiifu khwa ophakanyeya wa heeri.

Khaazi 4:32

Ooshi aakhupaliyeeyo rooho zaya zaari moote, akhili zaya zaari sawasawa. Khaarivo hatha mmote aari woonaaye etthu yawe wiiya yawe. Eetta waawanya na azaaya zooshi aari wiiyanaazo.

Khaazi 2:1

Efiyeevo siikhu ya Takhiriima anamalottela a Yinsa ooshi akusanyeyiye vahali vamote.

Zaapuura 133:1

Moone nanna enshapweyaazo na otuva amana attwi eekhalaka vamote na osiilana!