Meepereewu 12:4 - Hapari Zooshapweya

⁴ Khwa wuumanana twampi, nalelo khamwinavilele mpakha ofiyelela oshuluula taamu yenu.

Meepereewu 12:4 Referans Kwoze

1 Akorintiyu 10:13

Ozayiniwa wuupatthiyeenini mweeyo pi otthuupo oniwapatthaaye atthu ooshi. Na Nluku ti wa waamineya; ye khanteela olikhelela yoori mweeyo mwiiye ozayiniwa khwa khiima ya ohiwahi ovilela. Ila amana mwizayiniwaka, ye oniwinkhani nanna ya kiphenyo yoori mweeyo mwiwahi ovilela.

Othoonyeziwa 2:13

Miiyo kinjuwa ohali mwiniikhalaawo, ottuukho eriiwo khukulu ya Epiliisi. Mweeyo mwawaamineya khwa nzina laka na khamwansweeni amini mwiriina khwa miiyo, hatha wakathi wa Antiipa shaahiti aka wa waamineya, ooliiwa ottuukho Perekaamu, ohali aniikhalaawo Epiliisi.

Meepereewu 12:2

Maasho nithoonyeze wa Yinsa, otule eeyiyeeyo namawaza na mweenyewe amini yeetthu. Ye avilela ofwa vansalapa, khuhinjali haaya etile yaariivo, ajuwaka furaha yaari onwejelaaye. Paata ya ohoowa ye eekhala nkhono nlume wa khukulu ya Nluku.

Othoonyeziwa 12:11

Yo anshintta khwa taamu ya Pwittipwitthi na khwa mattakhuzi oshaahiti alaziyeeyo; maana aajilakeleliye oleva ohaayi aya na ofwa.

Matewuzhu 24:9

“Aphano yo anteela owinkhelelani yoori mwilupatthiwe na muuliwe, mwinlawa mweeniwe ti khapila zooshi mwaasa wa nzina laka.

Othoonyeziwa 18:24

Nttumpho khusikaniwamo taamu ya manapiyu na ya attakatthiifu, na ooshi apale aahusutiweeyo va tuniya apha.”

Othoonyeziwa 17:6

Miiyo khoona yoori muukha yaari yonhapala taamu ya attakatthiifu, taamu ya mashaahiti a Yinsa. Wakathi kimooniyeevo khwiiya wooshanka channu.

Afiliipu 2:8

Na khwiikhala khwa nanna ya onaatamu, khujipushuwisa mwenyeweru, na khwiiya namashututi mpakha ofwa, ofwa wa vansalapa.

Meepereewu 13:13

Nakataalikha, nisaruwe nimweettele ye oje wa aphale waamakiweevo, nivilelaka otarawiwa nkhama etthiipo avileliyeeyo.