Meepereewu 12:2 - Hapari Zooshapweya

² Maasho nithoonyeze wa Yinsa, otule eeyiyeeyo namawaza na mweenyewe amini yeetthu. Ye avilela ofwa vansalapa, khuhinjali haaya etile yaariivo, ajuwaka furaha yaari onwejelaaye. Paata ya ohoowa ye eekhala nkhono nlume wa khukulu ya Nluku.

Meepereewu 12:2 Referans Kwoze

1 Pheeturu 3:18

Maana Al-Masiihu ahoowa swaafu moote mwaasa wa twampi zenu, nashariya khwa apale oohiina shariya, yoori oofiyiseni wa Nluku. Khuuliiwa mwiili awe, ila khwiiya haayi khwa Rooho.

Meepereewu 1:3

Na ti mwaana othuuto eeyiye waara wa nuuru ya Nluku na nthoonyezo wa ratarato yawe khaamili na akholelelaka vitthu zooshi khwa nttakhuzi lawe la owahi. Paata ya oswafi twampi za anaatamu eetta wiikhala nkhono nlume wa Nluku wa owahi zooshi.

Ayeefezu 5:2

na mwiikhale khwa pheta nkhama etthiipo Al-Masiihu aniphetiyeezo na khuleva ohaayi awe mwaasa wa fweeyo, khujiretta wiiya zaakha na twaha ya arufu ya ontuvela Nluku.

Afiliipu 1:6

Kinkhupalela yoori otule aaziyeeyo khaazi yooshapweya khwa mweeyo onteela omarisela mpakha siikhu antaavo Al-Masiihu Yinsa.

Meepereewu 9:28

Etthiipo Al-Masiihu ajinkha swaafu moote khwa mileele yoori alaze twampi za atthu awaatta, na ye onruti swaafu ya phiiri, woohiteeli yoori alaze twampi, ila atane nusura ya apale aninwejelaaye.

Yaahaya 6:40

Maana matakhelo a Paapa pi yoori wooshi otule animoonaaye Mwaana na khunkhupali eeyane ohaayi wa mileele na miiyo kintta onsisimula siikhu ya mwiisho.”

1 Pheeturu 3:22

aweliyeeyo pinkuuni na ori nkhono nlume wa Nluku; ye onlokozela malayikha, ofwalume na owahi wooshi.

Khaazi 5:31

Othuuto, Nluku khunwulisa na khumwinkha wiiya Namalokozela na Namuusuru, yoori awenkhe meezirayiilu othupwiya na nswammaha wa twampi.

Luuka 24:26

Al-Masiihu khaarina yoohoowa etthiipo yoori eette nnuuru mwawe?”

Yuuda 1:21

Mwiikhale nkatthi wa pheta ya Nluku, mweekeselaka yoori tthakaraka ya Mbwana eetthu Yinsa Al-Masiihu yuuthuuleni ewinkheni ohaayi wa mileele.

Meepereewu 8:1

Etthu yootafikhana ninlupaaye tiiti: ninaaye haakhimu nwulu wa tiini othuuto eekhaliyeeyo pinkuuni nkhono nlume wa khukulu ya Nluku wa owahi zooshi.

2 Timootiyu 4:8

Aphano kapweheliwa jarata ya shariya, etile Mbwana namaphuka wa shariya, anttelaaye okinkha siikhu yaya ethiito; khahiye miiyo otthome paasi, ila theenya ooshi apale aneekeselaaye ota wawe.

Afiliipu 3:20

Ila onyunti eetthu ori pinkuuni, ottuukho nininwejaawo woohivarankeyi Namuusuru, Mbwana Yinsa Al-Masiihu.

Maaruku 14:36

Aari olupa toono: “Oo Paapa zooshi khwa weeyo zinwaheya. Okaattuwananise miiyo jiikira eti ya ohoowa. Ila ehirettikhane khwa matakhelo aka, ila khwa matakhelo awo.”

Othoonyeziwa 2:8

“Khwa ojama wa Nluku wa Eshimiirina waatikhe yoori: Apa mattakhuzi a otule eeyiye wa Waaza na wa Wiishela, afwiiyeeyo na khusisimuwa.

Meepereewu 13:13

Nakataalikha, nisaruwe nimweettele ye oje wa aphale waamakiweevo, nivilelaka otarawiwa nkhama etthiipo avileliyeeyo.

Meepereewu 5:9

Paata ya okhamilikhisiwa khwinkhiwa wiiya naattuuttu wa nusura ya mileele ya apale ooshi aninshututelaaye,

Yaahaya 13:3

Yinsa aajuwiye yoori Paapa vitthu zooshi attha mmakhono mwawe, na alankhiye wa Nluku na aari orutela wa Nluku,

Luuka 17:5

Maaswihaapa khunvekela Yinsa yoori: “Mbwana, weekezele amini yeetthu!”

Maaruku 9:24

Nasaapiru paapa wa mwaana otule khunyakula araka: “Kinkhupali; okaawuni muuhikhupali mwaka!”

Meepereewu 12:3

Mwimuupuwele saaneene otule avileliyeeyo wiiniwa pi anatwampi, khwa ethiito mwihishokhere na wala mwihitteettheye.

Ayeefezu 2:16

awasiilanisaka na Nluku oowiiri khwa mwiili mmote khwa nsalapa otthuupo, ye atapanya ohisiilani.

Khaazi 5:41

Maaswihaapa khusaruwamo nnyuupa khuulu ya Mashawuriiya ari ofurahi mwaasa wa Nluku owoona wiiyana owahi ohoowa wa opattisisiwa haaya mwaasa wa nzina la Yinsa.

Yaahaya 12:32

Ila miiyo amana kilansiwa vathi apha kintta ojitiisela atthu ooshi.”

1 Pheeturu 1:11

eekesaka ojuwa wakathi na vitthu zinttelaaye orettikhana etthiipo zaari othoonyaaye Rooho ya Al-Masiihu, etile yaari khwa yo, ewenkhaka ohupiri monkoni wa ohoowa wa Al-Masiihu na siifwa zaari weettelaaye olottela ohoowa opule.

Meepereewu 10:14

Maana khwa twaha moote ethiito paasi yawaakhamilikhisa mileele apale antwahareshiwaaye.

Yaahaya 12:24

Miiyo kiniwuuzani khweele yoori, amana phunje ya tiriku ehikweli vathi na ehifwi nalelo eniiya phunje paasi, ila amana efwa empuwisa mishumo zawaatta.

Yaahaya 8:56

Eburahiima papeenu aari woofurahi paata ya woona siikhu ya ota waka; khoona na khufurahela.”

Yaahaya 1:29

Mmeesho mwaya Yaahaya khumoona Yinsa eettaka ota khuri: “Mwimoone! Oto antaaye apho, pwittipwitthi ya Nluku enlazaaye twampi voolumwenku!

Luuka 23:11

Herooti na anajanka awe khwaaza onveyisa Yinsa na ontarawu, khunwalisa ajapi yoofwalume khuruma yoori arutiseliwe wa Pilaatu.

Matewuzhu 20:28

Nkhama etthiipo, Mwaana wa Pinaatamu khateleeni orumeyeliwa, ila orumeya na winkha ohaayi awe khwa owaakaphula atthu awaatta.”

Matewuzhu 16:21

Waaza wakathi otthuupule, Yinsa khwaaza oweeleza anakhiyoni awe yoori yaari ohithajiya olawa Yeruzaleemu ahoochaniwe vitthu zawaatta mmakhono wa attunkhulu a tiini, mahaakhimu a tiini na anamanozela a kano, ooliiwe, siikhu ya ttaatthu asisimuwe.

Othoonyeziwa 1:17

Wakathi kimooniyeevo, keetta okwela nshini wa moolu awe nkhama ntthu woofwa. Aphano ye khukittheela nkhono nlume awe na khulupa yoori: “Ohoove. Miiyo ki wa Waaza na wa Wiishela.

Othoonyeziwa 1:11

elupaka yoori: “Waatikhe nkithaapu mphu epi onoonaazo, operekhe khwa ojama sapa wa Nluku ori Aaziya: Eefezu, Eshimiirina, Perekaamu, Tiyatiira, Saariti, Filateelifiya na Lawotiseeya.”

Meepereewu 7:19

Maana kano khikhamilikhiseeni hatha etthu. Nasaapi eti Nluku aninkha nroromelo nwulweene, otthuupo pi onnattamanisaaye Nluku.

Meepereewu 1:13

Nlayikha ni Nluku amuuziyeeyo yoori: “Wiikhale nkhono nlume aka, mpakha maatuwi awo kiwaarette wiiya sakanso wa moolu awo?”

Khaazi 2:36

“Nakataalikha, atthu ooshi a Ezirayiilu ana yoojuwa yoori: Yinsa, othuuto mweeyo mwankhomeliyeeyo, Nluku amwinkha wiiya Mbwana na wiiya Al-Masiihu.”

Maaruku 9:12

Yinsa khuwaajipu yoori: “Khweele Aliyaasi ona ya ota khapula, amana ata onrutisela opheeya vitthu zooshi. Khi mwaasa aya niini yaatikhiwaka yoori Mwaana wa Pinaatamu ona ya ohoowa channu, okatthaliwa na otarawiwa?

Othoonyeziwa 1:8

“Miiyo ki Omwanzo na Omwiisho,” alupa Nluku Mbwana, “otule ariivo, aariivo na otule anttelaaye ota, Nwahi zooshi.”

Meepereewu 11:36

akinoko aya etta ottukhaniwa na ojaphiwa, akina ofukiwa na makwinjili khweeseleliwa nkalapooso.

Meepereewu 10:33

Swaafu kiina mweeyo mwaari ottukhaniwa na wuupatthani miswipa, wakathi nkina mwaarettiye phantte ya apale nayo ahoowiyeeyo etthiipo.

Maaruku 16:19

Paata ya owooza mattakhuzi apale, Mbwana Yinsa khuweziwa pinkuuni khwiikhala nkhono nlume wa Nluku.

Khaazi 3:15

Mweeyo khumuula mweenyewe ohaayi, ila Nluku khunsisimula muufwa fweeyo na mashaahiti a vitthu zaya epo.

1 Akorintiyu 1:18

Maana hapari za nsalapa ololo khwa apale anaashikhaaye, ila khwa fweeyo ninuusurukhaaye, owahi wa Nluku.

1 Akorintiyu 1:23

ila fweeyo nininlaleya Al-Masiihu namakhomeliwa, othuuto wekhweele, eeyiyeeyo etthu yootakhala khwa mayaahuuti, na ololo khwa amalapo;

Tiyaaku 2:1

Attwiizaku, nkhama mamuumini amini khwa Yinsa Al-Masiihu, Mbwana eetthu wa siifwa, mwihisala mwiwaatthantta atthu woofwarikhanavo.

Maaruku 15:28

na khurettikhana epile zawaatikhiwa zaalupiyeeyo yoori: “Ye aatthanttiwe nkhama namatapanya.”