Meepereewu 12:1 - Hapari Zooshapweya

¹ Moone yoori na fweeyo nazukuleliwa ti mashaahiti awaatta nkhama liwiku liwululene, khwa etthiipo nilikhe nyuma zooshi epile ennizinkiraaye, na twampi enizukuleliyeeyo, nitthire woohilikheleli niikarisaka etile nitthomeliweeyo.

Meepereewu 12:1 Referans Kwoze

2 Timootiyu 4:7

Koomana viittha yooshapweya, kamarisa otthira waka, kathokorela amini.

Afiliipu 2:16

mwiwaafiselaka nttakhuzi la ohaayi. Yoori siikhu antaavo Al-Masiihu kijikhutupule, mwaasa wa ohijanjeli mahala na wala ohijilipisi mahala.

Luuka 21:34

Yinsa khulupa yoori: “Mwiiye woojeekesela, rooho zenu zihipakhire vitthu zoohifwayi, ohapaliwa, ama tafwawuthi za muuhaayi mweenu, yoori siikhu yaya ethiito ehuusikaneleni.

Akaalata 5:7

Mweeyo mwaari weettetta saana. Khi paani olikhisiyeenini orutela oshututela haakhi?

1 Pheeturu 2:1

Nakataalikha, mwilikhe vitthu zootakhala zooshi na ottettekha wooshi, onaafikhi, nrima na wakhula nanna ya ohankawaani.

Arooma 12:12

Mwifurahele nroromelo mwiriinaaye, mwiiye oovilela miswipa, na olompa woohilikheleli.

2 Akorintiyu 7:1

Aphetani aka, wiiya ninaaye ahiti zaya epo, nijitwahareshe khwa vitthu zooshi zinkwakhulisaaye mwiili na rooho, nikamilikhisaka ottakatthifu khwa omoova Nluku.

2 Timootiyu 2:4

Khaavo najanka mmote anjilikhelelaaye othuuliwa pi zanshara za meekhazi ootakhala, maana ye ontakha ontuvelisa namalokozela otule anthawuliyeeyo olawa ovittha.

Tiyaaku 1:3

mwijuwaka yoori wootiwa wa amini yenu ontana nthiti.

Matewuzhu 24:13

Ila otule anttelaaye ovilela mpakha mwiisho ontta wuusurukha.

Matewuzhu 10:22

Atthu ooshi anttela owiinani mwaasa wa miiyo, ila otule anttelaaye ovilela mpakha mwiisho ontta wuusurukha.

Meepereewu 6:15

Yaarettikhaniye etthiipo, paata ya Eburahiima owejela na ovilela, khweele ye aapatthiye etile ahitiweeyo.

Arooma 2:7

Ye oniwenkha ohaayi wa mileele apale aari okhanyarelaaye oretta zooshapweya, eekesaka siifwa, hishima na ohifwi.

Othoonyeziwa 3:10

Maana mweeyo mwathokorela nttakhuzi laka la otumerela nthiti, na miiyo kinuuthokorelani wakathi wa wootootiwa onttelaaye ota khwa olumwenku wooshi, yoori owootote apale aniikhalaaye voolumwenku.

1 Pheeturu 4:2

yoori wakathi opo onuusaleelanini, mwihiikhale theenya mwilottelelaka tuvela zootakhala za onaatamu, ila oretta etile yiiyiye niiya ya Nluku.

Luuka 12:15

Aphano khuwooza yoori: “Phoole na omaashokopho wa vitthu, mwaasa yoori ohaayi wa pinaatamu khunlipisiwa pi vitthu epile ampatthaazo.”

2 Pheeturu 1:6

va ojuwa, ojishintta omweenyewe; va ojishintta omweenyewe, nthiti; va nthiti, emaani;

Othoonyeziwa 22:16

“Miiyo Yinsa, kaperekha nlayikha laka yoori liwinkheni mweeyo oshaahiti opu othoonyaka ojama wa Nluku. Miiyo ki Ntathaari na Ojama wa Daawuuda, na ki Phuluvulu.”

1 Pheeturu 5:12

Khwa awuni ya Siila, othuuto kinimonaaye wiiya ttwi wa waamineya, miiyo kawaatikhelani khwa mattakhuzi vattitthiiru, kuulipiselakani na kilazaka oshaahiti yoori eti rehema ya ookhweele ya Nluku. Mwiiye woolipalipa nrehema ya Nluku.

Othoonyeziwa 1:9

Miiyo Yaahaya, ttwi na nshirikheenu muuhoowa, na muufwalume, na nthiti khwa Yinsa, kaari esura ya Paatimo mwaasa wa nttakhuzi la Nluku na oshaahiti khwa Yinsa.

Yaahaya 3:32

Ye ahakikhi epile oniyeezo na asiiliyeezo ila khina ankhupalelaaye oshaahiti awe.

Othoonyeziwa 13:10

Nkhama ntthu onttela ofukeliwa, ofukeliwa onlawa, nkhama ntthu onulaaniwa phanka, na phanka onulaaniwa. Nthiti na waamineya wa attakatthiifu ori apha.

Luuka 16:28

kinaaye attwiizaku athaanu, alawe awooze yoori ahite okhuno kiriiwo wa ohoowiwawo.’

Yaahaya 4:39

Asamariiya awaatta a sitati etile khunkhupali Yinsa mwaasa wa oshaahiti aalupiyeeyo muukha otule araka: “Ye akuuza zooshi epile kinrettaazo.”

Yaahaya 4:44

Maana Yinsa Mweenyeweene alupa yoori napiyu khanshitahiwa saana mmuti mwawe.

Akaalata 2:2

Kaalawiye, maana Nluku ti aakithoonyeziye yoori kaarina yooretta etthiipo. Vanthukumano wawiitthaala na attunkhulu, khuweeleza yo mattakhuzi a hapari zooshapweya kinlaleyaaye khwa amalapo, maana miiyo akaari otakha yoori khaazi kikholiyeeyo na khaazi kaari okholaaye ehiiye yoohiina fwayita.

Ayeefezu 4:25

Nakataalikha, wakhula mmote wa mweeyo mwina yoolikha ohata, mwisala mwittakhula haakhi na azeenu, maana fooshi na a mwiili mmote.

Afiliipu 1:30

Nkhama etthiipo mwinuumanaaye viittha ethiito mwikooniyeeyo kuumanisaka na mwinsiila yoori nalelo kintta wuumana.

1 Pheeturu 5:1

Miiyo, theenya kiiyiyeeyo nttunkhulu wa ojama wa Nluku, kiniwaahirimiza attunkhulu a ojama wa Nluku ari vakatthi venu mweeyo. Ki shaahiti wa ohoowa wa Al-Masiihu na kinttela oretta phantte ya ottitthima onttelaaye othoonyeziwa:

Maaruku 10:50

Khweesela ajapi yawe toole, khwiirukha khweemela khulawa aphale aariivo Yinsa.