Meepereewu 11:16 - Hapari Zooshapweya

¹⁶ Ila nasaapi eti, anwejela nti wa fwayita, nti aya opo pinkuuni. Tiito, Nluku khinimpattha haaya wiitthiwa yoori Nluku waya yo, na aattalela sitati yoori owaapwekherele.

Meepereewu 11:16 Referans Kwoze

Meepereewu 13:14

Weekhweele va olumwenku apha fweeyo khaninavo sitati ya mileele, ila neekesele eto entaaye.

Meepereewu 11:10

Maana ye aari oweja sitati eriina nchina, namwaatikha na namajeka aya eeyiye Nluku.

Afiliipu 3:20

Ila onyunti eetthu ori pinkuuni, ottuukho nininwejaawo woohivarankeyi Namuusuru, Mbwana Yinsa Al-Masiihu.

Yaahaya 14:2

Owawe paapa ewaakho puuro zawaatta; eriwaka khayaari ethiito, akaari owuuzani, yoori kinttela otthenkeza puuro yenu.

Meepereewu 2:11

Maana khwa etthiipo otule antwahareshaaye na otule antwahareshiwaaye ooshi papaaya mmote, tiito khinimpattha haaya oweettha yoori attwiize.

Matewuzhu 25:34

“Aphano Mfwalume onttela owooza apale anttelaaye wiiya nkhono nlume yoori: ‘Mwite mweeyo ooparikhiyiwa ti Paapa! Mwipwekherele ofwalume nkhama eritho mwitthenkezeliweeyo thanku wumpiwa wa olumwenku.

Meepereewu 12:22

Ila mweeyo mwafiya vamwaako Siyoni na sitati ya Nluku wa ohaayi, Yeruzaleemu ya pinkuuni, ariiwo malayikha oohalakeyi ottuukho aathukumaniyeeyo na furaha,

Meepereewu 11:14

Apale anlupaaye toowo anthoonyeza saaneene yoori aneekesa nti aya yo.

2 Timootiyu 4:18

Mbwana onikitaphula khwa khaazi zooshi zootakhala na onikithuula kiri woolipalipa muufwalume mwawe pinkuuni. Attitthimisiwe ye khwa mileele! Amiina!

Olaawo 3:6

Khurutela olupa yoori: “Miiyo ki Nluku wa paapa awo, Nluku wa Eburahiima, Nluku wa Esiyaakha na Nluku wa Yaakhumpa.” Munsa khufinikha wuuso awe maana aari woova omweekesa.

Maaruku 8:38

Otule anikoonelaaye haaya miiyo na mattakhuzi aka, khwa khapila epi zoovonya na za twampi, Mwaana wa Pinaatamu onteela omoonela haaya amana ataaka nsiifwa wa Papaawe na malayikha ttakatthiifu.”

Olaawo 3:15

Nluku khulupa theenya amuuzaka Munsa yoori: “Wawooze meezirayiilu yoori: ‘Nnyizinku, Nluku wa amarehemu apapazenu, Nluku wa Eburahiima, Nluku wa Esiyaakha na Nluku wa Yaakhumpa, akiruma vakatthi venu.’ Nttho ti nzina linsalaaye kuupuwelaniwaka ojama khwa ojama.

Khaazi 7:32

‘Miiyo ki Nluku wa amarehemu apapazenu, Nluku wa Eburahiima, Esiyaakha na Yaakhumpa.’ Munsa eettaka othukumela mwaasa wa woova, khuhisala awahi ominyala yoori afunule maasho awe.

Luuka 12:32

Yinsa khulupa theenya araka: “Mwihoove mweeyo mwiiyiye nkhama khuntti ttiitthiiru ya pwittipwitthi, maana Papeenu ti ye atakhiye owinkhani ofwalume awe.

Mwanzo 28:13

Nnyizinku aari vatulu wa shikatta na khumuuza araka: “Miiyo ki Nnyizinku, Nluku wa papaawo Eburahiima na wa Esiyaakha. Nti opo orapaleliyeeyo kinteela owinkha weeyo na ojama awo wooshi.

Maaruku 12:26

Mweeyo khamwinasome nkithaapu ya Munsa etthu yaatikhiweeyo monkoni wa osisimuwa? Wakathi aari ottakhulaaye va muutthi opule waari okholelaaye, yaatikhiwa yoori Nluku aamuuziye Munsa yoori: ‘Miiyo ki Nluku wa Eburahiima, wa Esiyaakha na wa Yaakhumpa.’

Olaawo 4:5

“Eto eniwaakhupalisa yoori oopuweleliye Nnyizinku, Nluku wa amarehemu apapazaya, Nluku wa Eburahiima, Nluku wa Esiyaakha, Nluku wa Yaakhumpa.”

Mwanzo 26:24

Nnyizinku khunteela osikhu khumuuza yoori: “Miiyo ki Nluku wa papaawo Eburahiima. Ohoove, kiri vamote na weeyo. Kintta wuuparikhiya kaattise ojama awo mwaasa wa papaawo karumeya aka.”

Luuka 20:37

Hatha napiyu Munsa athoonyeza monkoni wa osisimuwa wa ananfwa, wakathi moottho opule waari okholelaaye va muutthi nwishi, ye khunkhuwela Mbwana yoori, Nluku wa Eburahiima wa Esiyaakha na wa Yaakhumpa.

Meepereewu 10:34

Mweeyo mwahoowa vamote na apale aari nkalapooso na khukhupalela onyakanyiwa vitthu zenu, mwaari ovilela na furaha khuluyeene, maana mwaajuwiye yoori mwinteela opattha maali zooziti epile na zoohiishi.

Meepereewu 11:40

maana Nluku aawaziye shawuri za fwayita monkoni wa fweeyo, yoori yo akhamilikhisiwe vamote na fweeyo.

Othoonyeziwa 21:2

Koona Sitati Ttakatthiifu, Yeruzaleemu pheeya, yaari wiishukhaaye pinkuuni khwa phantte ya Nluku, etthenkeziwe nkhama namaposiwa woojirisiwa atiiseliwaka manna awe.