Meepereewu 1:3 - Hapari Zooshapweya

³ Na ti mwaana othuuto eeyiye waara wa nuuru ya Nluku na nthoonyezo wa ratarato yawe khaamili na akholelelaka vitthu zooshi khwa nttakhuzi lawe la owahi. Paata ya oswafi twampi za anaatamu eetta wiikhala nkhono nlume wa Nluku wa owahi zooshi.

Meepereewu 1:3 Referans Kwoze

Othoonyeziwa 4:11

“Weeyo, Mbwana na Nluku etthu, onsuhi opwekhera siifwa, hishima, na owahi, maana wompa vitthu zooshi, na khwa niiya yawo zooshi zeeyavo na zompiwa.”

Yaahaya 1:14

Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

Meepereewu 12:2

Maasho nithoonyeze wa Yinsa, otule eeyiyeeyo namawaza na mweenyewe amini yeetthu. Ye avilela ofwa vansalapa, khuhinjali haaya etile yaariivo, ajuwaka furaha yaari onwejelaaye. Paata ya ohoowa ye eekhala nkhono nlume wa khukulu ya Nluku.

Yaahaya 1:4

Ohaayi waari nkatthi mwawe, ohaayi opo waari nuuru ya anaatamu.

Meepereewu 10:12

Ila haakhimu nwulu eetthu wa tiini, Al-Masiihu eekhala phantte ya Nluku paasi paata ya winkha twaha moote paasi enlazaaye twampi swaafu moote khwa mileele.

Yuuda 1:25

Nluku paasi, Namuusuru eetthu, eeye siifwa, nwulweene, nwahi na mfwalume, khwa Yinsa Al-Masiihu, Mbwana eetthu, khwa wakathi wooshi, nasaapi mpakha mileele! Amiina!

Meepereewu 9:26

Eriwaka yaari etthiipo yaari ohithajiya Al-Masiihu ohoowa swaafu zawaatta thanku waaza wa olumwenku. Ila aphano, apuwa swaafu moote paasi khwa atthu ooshi mwiisho wa wakathi, yoori anilaze twampi zeetthu khwa otwahiwa mweenyeweene.

1 Yaahaya 1:7

Ila amana neettetta nnuuru, nkhama ye ariiye nnuuru, phi ninthokorelaavo osiilana mmote na nzeetthu, na taamu ya Mwanawe Yinsa entta oniswafi twampi zeetthu zooshi.

Meepereewu 4:14

Nakataalikha ninaaye haakhimu nwulu wa tiini, Yinsa Mwaana wa Nluku, othuuto aweliyeeyo pinkuuni nikholelele woolipanavo amini nintukhurwaaye.

1 Yaahaya 3:5

Na mweeyo mwinjuwacha yoori Yinsa aateeliye opakusa twampi zeetthu, na khwa ye khiniiyavo twampi.

2 Pheeturu 1:16

Weekhweele fweeyo khanaari olotta hantisi zoopankiwa saaneene wakathi naari owuuzanini monkoni wa owahi wa ota wawe Mbwana eetthu Yinsa Al-Masiihu; ila naari mashaahiti nooniyeeyo owula wawe.

1 Pheeturu 3:22

aweliyeeyo pinkuuni na ori nkhono nlume wa Nluku; ye onlokozela malayikha, ofwalume na owahi wooshi.

1 Pheeturu 1:21

Khwa ye mweeyo mwankhupali Nluku, otule ansisimuliyeeyo muufwa na khunttitthimisa, khwa nanna yoori amini na nroromelo enu wiiye khwa Nluku.

Meepereewu 8:1

Etthu yootafikhana ninlupaaye tiiti: ninaaye haakhimu nwulu wa tiini othuuto eekhaliyeeyo pinkuuni nkhono nlume wa khukulu ya Nluku wa owahi zooshi.

Maaruku 16:19

Paata ya owooza mattakhuzi apale, Mbwana Yinsa khuweziwa pinkuuni khwiikhala nkhono nlume wa Nluku.

Othoonyeziwa 3:21

Otule anshinttaaye kinimwinkha ruhusa ya wiikhala na miiyo va khukulu vaka, nkhama etthiipo miiyo kishinttiyeezo khwiikhala na Paapa va khukulu vawe.

Meepereewu 7:27

Ye khanihithajiya, wiiya nkhama mahaakhimu awulu a tiini akina, aninkhaaye wakhula siikhu twaha, yamwanzo khwa twampi zaya na nawiisha khwinkha khwa twampi za atthu; maana epo ye aretta khwa swaafu moote paasi ojinkha twaha ye mweenyewe.

Khaazi 2:33

Khuweziwa khulawa wiikhala nkhono nlume wa Nluku, ye enkhiwa Rooho Ttakatthiifu ti Papaawe nkhama etthiipo amwahitiyeeyo, apha eetta oniitthelela ti ethiito mwinoonaaye na mwinsiilaaye enasaapi eti.

Yaahaya 1:29

Mmeesho mwaya Yaahaya khumoona Yinsa eettaka ota khuri: “Mwimoone! Oto antaaye apho, pwittipwitthi ya Nluku enlazaaye twampi voolumwenku!

Akoloosu 3:1

Nakataalikha, nkhama etthiipo mweeyo mwisisimuwiyeeyo khwa Al-Masiihu, mweekese vitthu ziiyiye za otulu, ottuukho eekhaliyeeyo Al-Masiihu nkhono nlume wa Nluku.

Arooma 8:34

Namahukhumu ti paani? Ti Yinsa otule afwiiyeeyo, na theenya khusisimuwa opheya ori nkhono nlume wa Nluku, na onnivekelela fweeyo.

Khaazi 7:56

Khulupa yoori: “Moone! Miiyo kinoona pinku eri yoofukuwa na Mwaana wa Pinaatamu eemeliye nkhono nlume wa Nluku!”

Arooma 1:16

Khinkipatthisa haaya olaleya hapari zooshapweya, maana owahi wa Nluku oniwoosurwaaye ooshi apale ankhupalaaye, amwanzo mayaahuuti mpakha amalapo.

Meepereewu 9:16

Vahali ntthu anatikheliwaaye orithi vitthu, enihithajiya ohakikhi yoori nlupa amwaatikheliyeeyo afwa.

Matewuzhu 22:24

“Mwaaliimu, Munsa alupa yoori: ‘Amana ntthu afwa, muukha awe ahinvokoleleeni mwaana, ttwiiye ona ya onrala namafweliwa ti mannawe yoori amwinkhe aana ttwiiye otule afwiiyeeyo.’

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Meepereewu 1:13

Nlayikha ni Nluku amuuziyeeyo yoori: “Wiikhale nkhono nlume aka, mpakha maatuwi awo kiwaarette wiiya sakanso wa moolu awo?”

2 Pheeturu 1:17

Ye apwekhera, khwa phantte ya Papaawe Nluku, shitaha na siifwa ya pinkuuni, khusiila huula ya ottitthima nwulweene eraka: “Otu Mwanaka wompheta, na wookituvela channu!”