Matewuzhu 7:15 - Hapari Zooshapweya

¹⁵ “Phoole na manapiyu oojipanka, yo anuuteelani mweeyo awaliye shapala ya pwittipwitthi, ila nkatthi ari miiji zooluma.

Matewuzhu 7:15 Referans Kwoze

1 Yaahaya 4:1

Aphetani aka, mwihiwaakhupali ooshi anraaye anaaye rooho ya Nluku, ila mwisala mwinzaani khoona nkhama enlankha wa Nluku, maana manapiyu awaatta oojipanka amwazeyela voolumwenku.

Matewuzhu 24:11

Na thamani ya manapiyu oojipanka anlawa apuwe na anteela owaattettekha atthu awaatta.

Akoloosu 2:8

Mwiiyane phoole yoori ahiiyevo anttelaaye wuurettani oviitthwaana mwaasa wa masomi oohiina fwayita na oottettekha, anlankhaaye khwa thwapiya za oonaatamu na yaazo yoolankha voolumwenku attaapha, zohiiyi khwa Al-Masiihu.

Othoonyeziwa 19:20

Ila nyama yawoopisa khufukiwa vamote na napiyu woojipanka aarettiyeeyo alama za minjuza khwa nzina laya. Atthaapo awaahatiyeeyo apale apwekhereliyeeyo alama ya nyama yawoopisa na khwaaputu ratarato yaya. Oowiiri khweeseleliwa ari awoona va ntthatta la moottho onkholelanaaye oka.

Yuuda 1:4

Nakataalikha atthu akina, ahinimoovaaye Nluku ata vakatthi venu woohisopheliwi. Yo anzukulisa rehema ya Nluku khwa vitthu zoovonyeya. Na aninkatthala Yinsa Al-Masiihu, Mfwalume eetthu na Mbwana eetthu otthwe. Raku zeene Zawaatikhiwa Ttakatthiifu zalupa hukhumu yo apwekheriyeeyo.

2 Pheeturu 3:17

Nakataalikha, aphetani aka mwahirimiziwa, yoori mwiiyane phoole! Mwihijilikhelele mwikwaka puuro mwiriiye yookhomaala, mwitthempiwaka pi ottettekha wa atthu aya apo ootakhala rooho.

Luuka 6:26

Olaanikha pu weenu mweeyo amana mwittottopeliwaka pi atthu ooshi, maana apaapa zaya aawaaretteliye etthiipo manapiyu oojipanka.

2 Timootiyu 3:13

Olikha toowo, atthu ootakhala rooho na oojinkhelela eniweettettela zootakhala wootepavo, attettekhaka nayo attettekhiwaka.

2 Timootiyu 4:3

Maana onlawa wafiye wakathi ahinttelaaye okhupalela thwapiya zooshapweya; olikha toowo oonaka otikita omashiilo waya, anlawa awaakusanye ajuwi aya awaanozelaka nkhama etthiipo antakhaazo.

Afiliipu 3:2

Phoole na “anapwa”! Phoole na apo anrettaaye vitthu zootakhala! Phoole na okhiriya woohiina fwayita!

Ayeefezu 4:14

Aphano nihiiye theenya nkhama asimaana oothuuliwa ti mawipi, wala weeseleliwa okhuno na okhule ti pheevo ya wakhula mwentto, ohata na olavilavi wa atthu oovonyisana.

Akaalata 2:4

Ila akina aajikusanyiye nkhuntti mweetthu, khujiretta wiiya attwiizetthu nkatthi wa amini, khusala atakha onkhiriyisa. Apo aya aateeliye othurumela otaphuliwa niriinaaye khwa Yinsa Al-Masiihu yoori anirutisele nkatthi wa oviitthwaana.

Luuka 12:15

Aphano khuwooza yoori: “Phoole na omaashokopho wa vitthu, mwaasa yoori ohaayi wa pinaatamu khunlipisiwa pi vitthu epile ampatthaazo.”

Othoonyeziwa 16:13

Aphano koona zilaakamo nkhanyo wa jahanamu na nkhanyo wa nyama yawoopisa na nkhanyo wa napiyu woojipanka, masheethwani attatthu oolattanana anaphulu.

Ayeefezu 5:6

Ahiiyevo hatha ntthu mmote antakhaaye wuuttettekhani na mattakhuzi ohiivo, maana pi mattakhuzi atthaapo antanaaye katapu ya Nluku khwa apale aniikhalaaye muukhijili.

Khaazi 13:40

Mwijinanele yoori zihuurettikhaneleni epi alupiyeezo manapiyu:

Yaahaya 10:12

Namapokhera, khahiyo nshuki wa pwittipwitthi na khahiyo mweenyewe, amana oona miiji zitaaka, ontta otthira khulikha pwittipwitthi ottho. Aphano miiji ontta wiikarisa pwittipwitthi zimwazeye.

Matewuzhu 16:11

Nanna ni ehiniweeleyaanini yoori akaari owuuzani monkoni wa phaawu? Mwiiyane phoole na fwaramento ya mafwarizeewu na ya masatukhi.”

Matewuzhu 16:6

Yinsa khuwooza yoori: “Mwiiye wa woona na mwiiyane phoole na fwaramento ya mafwarizeewu na ya masatukhi.”

Matewuzhu 10:17

Mwiiyane phoole, maana atthu anlawa oottheni nnyupa woophukaniwamo na wuujaphani mmasinakooka mwaya.

Othoonyeziwa 17:6

Miiyo khoona yoori muukha yaari yonhapala taamu ya attakatthiifu, taamu ya mashaahiti a Yinsa. Wakathi kimooniyeevo khwiiya wooshanka channu.

Khaazi 13:6

Alokhiyeevo visura zooshi mpakha Paafu, khunsikana yaahuuti mmote wa majintta, napiyu woojipanka aari wiitthiwaaye Bariyinsa.

Matewuzhu 7:14

Tarikhi na nlako oninkhaaye ohaayi wa mileele nttitthiiru, na atthu vattitthiiru ti anttelaaye osophela.

Othoonyeziwa 20:10

Epiliisi otule aari owaahataaye, khweeseleliwa vantthatta la moottho onkholelaaye oka, okhule yeeseleliweewo nyama yawoopisa na napiyu woojipanka. Yo anlawa oopopisiwe osikhu na nthana khwa mileele.