Matewuzhu 6:33 - Hapari Zooshapweya

³³ Apho, mweekese khapula Ofwalume wa Nluku na shariya yaya, na vitthu zooshi mwintta weekezeliwa.

Matewuzhu 6:33 Referans Kwoze

Luuka 12:31

Mweekese khapula ofwalume wa Nluku, vitthu zaya epo mwintta weekezeliwa.”

Matewuzhu 5:6

Ooparikhiyiwa pi apale ariina jala na nnyottha la shariya, maana anteela orupala.

Yaahaya 6:27

Mwihikhole khaazi khwa etthu yoojiwa enharipweyaaye, ila khwa etthu yoojiwa eninkhaaye ohaayi wa mileele, ethiito Mwaana wa Pinaatamu aniwinkhaanini. Maana, Nluku Paapa, anttheliyeeyo alama yawe ya onhakikhi.”

Arooma 14:17

Maana ofwalume wa Nluku khahiyo etthu yoojiwa wala yoonywiwa, ila shariya, heeri na furaha khwa Rooho Ttakatthiifu.

Matewuzhu 19:29

Ooshi apale alikhiyeeyo vaje vaya, attwi zaya, alupu aya, papaaya, mamaaya, aanaaya ama mashapa aya, mwaasa wa miiyo, anlawa apwekhere swaafu miiya na orithi ohaayi wa mileele.

Arooma 8:31

Apho nilupe niini khwa vitthu zaya epo? Nkhama Nluku ori vamote na fweeyo, paani anttelaaye oshinttanana fweeyo?

1 Timootiyu 4:8

Okhomaaza makhonkolo fwayita yaya vattitthiiru, ila emaani ti eriina fwayita khwa zooshi, maana entana nroromelo woohaayi otthuupu na Ahera.

2 Akorintiyu 5:21

Otule ahina twampi ajiretta onatwampi mwaasa wa fweeyo, yoori khwa ye niretteye wiiya shariya ya Nluku.

Arooma 1:17

Maana khwa hapari zooshapweya ti enjithoonyezaaye shariya ya Nluku khwa amini, nkhama yaatikhiweezo yoori: “Nashariya oniikhala khwa amini.”

Afiliipu 3:9

na kisikananiwe ye. Woohiiyi shariya yaka enlankhaaye nkano, ila entaaye nkatthi wa amini khwa Al-Masiihu, shariya enlankhaaye wa Nluku nkatthi wa amini.

1 Akorintiyu 1:30

Tiito, khwa yaazo yawe mweeyo mwiiyiyeeyo khwa Yinsa Al-Masiihu, othuuto ajirettiye wiiya akhili ya Nluku khwa fweeyo, eeyiye shariya, ottakatthifu na nusura,

Matewuzhu 4:17

Waaza attaapho Yinsa khwaaza olaleya hapari alupaka yoori: “Mwithupwiye, maana ofwalume wa pinkuuni ori kharipu.”

Matewuzhu 3:2

araka: “Mwithupwiye, maana Ofwalume wa pinkuuni ori kharipu.”

2 Atizaloonika 1:5

Yo anhakikhi yoori ophuka wa Nluku pu wa shariya na mwinthoonyeza yoori mweeyo mwinsuhi wiiya muufwalume wa Nluku, otthuupo mweeyo mwinihoowelaaye.

Arooma 10:3

Theenya ahijuwaka shariya ya Nluku na eekesaka okheya shariya yaya ennyewe, khuhijitthi shariya ya Nluku.

Khaazi 28:31

awaatafusirelaka Ofwalume wa Nluku woominyalavo na woohiina hatha shaakha awaasomisaka monkoni wa Yinsa Al-Masiihu.

2 Pheeturu 1:11

toowo pi mwinttelaavo opwekherela ruhusa yooshi ya weetta muufwalume wa mileele wa Mbwana eetthu na Namuusuru Yinsa Al-Masiihu.

2 Pheeturu 1:1

Miiyo Simawu Pheeturu, karumeya na aswihaapa wa Yinsa Al-Masiihu, kiniwaatikhela warakha eti apale khwa shariya ya Nluku eetthu Namuusuru Yinsa Al-Masiihu, apwekheriye amini moote yootafikhana nkhama yeetthu.

Luuka 1:6

Oowiiri aari atthu ookhweele nkatthi wa mwentto wa Nluku na ooshututela wa wawamineyavo kano na oruma wooshi wa Mbwana.

1 Akorintiyu 3:22

waaza Paawulu ama Apoolu ama Pheeturu ama olumwenku, ohaayi, ofwa, nasaapi ama akhipa; zooshi pi zenu,

Khaazi 20:25

“Aphano khina mmote wa mweeyo kintafusireliyeeyo ofwalume wa Nluku, anttelaaye okoona theenya.

Matewuzhu 19:28

Yinsa khuwooza araka: “Miiyo kiniwuuzani khweele yoori, amana ofiya wakathi Nluku anttelaaye waattala zooshi opheeya na Mwaana wa Pinaatamu eekhala va khukulu ya siifwa zawe, mweeyo mwinikilottaaye mwinttela wiikhalela khukulu khumi na piiri yoori mwiphuke mahimo khumi na mawiri a Ezirayiilu.

Yaahaya 5:4

maana nlayikha la Mbwana laari wiishukhaka swaafu kiina na wunttula maati apale. Otule aari wiiyaaye wa mwanzo weetta nkulaathayini noovona marati awe.