Matewuzhu 6:25 - Hapari Zooshapweya

²⁵ “Tiito, kiniwuuzaanini yoori, mwihiiye woovelavelela ohaayi enu, khwa etthu yoojiwa ama yoonywiwa; wala mwiili enu monkoni wa etthu ya owala. Ohaayi enu waziti etthu yoojiwa. Na mwiili enu ona fwayita khuluyeene zayita kuwo.

Matewuzhu 6:25 Referans Kwoze

Afiliipu 4:6

Mwihishukulikhele hatha etthu, ila mwinvekele Nluku khwa lompa na oveka yooshi etile mwinhithajiyaaye na rooho ya oshukhuru.

1 Pheeturu 5:7

Mwimwinkhelele shukuli zenu zooshi, maana ye onuutthanttani mweeyo.

Arooma 8:32

Othuuto ahimwiinaneleeni Mwanawe, anvahiyeeyo khwa fooshi fweeyo, khi enttela orettikhana toovi ohininkhi vamote naye vitthu zooshi?

Matewuzhu 6:31

Nakataalikha mwihishukulikhe, mwiraka: ‘Ninja niini?’ ama ‘Ninnywa niini?’ ama ‘Ninwala niini?’

Maaruku 4:19

ila, amana ziwaapuwelelaka tafwawuthi za ohaayi, tuvela za maali na otakha kiina, vitthu zaya epo enshawa nttakhuzi na ahifiyelelaka wiima mishumo.

Matewuzhu 10:19

Ila amana oofukelani, mwihishanke etthu yoolupa, ama yooretta. Wakathi aya otthuupo, Nluku onttela owinkhani mattakhuzi olupa,

1 Akorintiyu 7:32

Yaari okituvela owoonani mwiri wootaphuliwa khwa tafwawuthi. Nlume otule woohilooli onjifwazana vitthu za Mbwana, khwa nanna ya ontuvelisa Mbwana.

Matewuzhu 6:34

Nakataalikha mwihishukulikhele ya meesho, maana meesho entana tafwawuthi zaya. Wakhula siikhu eniiyana otakhala waya.

2 Timootiyu 2:4

Khaavo najanka mmote anjilikhelelaaye othuuliwa pi zanshara za meekhazi ootakhala, maana ye ontakha ontuvelisa namalokozela otule anthawuliyeeyo olawa ovittha.

Luuka 8:14

Peewu epi zaakweliiye va miiwa, zinlikanisaniwa atthu apale ansiilaaye, ila mwaasa wooshukulikhela opattha tuvela na haali za meekhazi, yo waamini waya vattiitthi-vattiitthi onzima, ahifiyelelaka wiima mishumo.

Matewuzhu 13:22

Etile yaakweliyeeyo va miiwa, pi apale ansiilaaye nttakhuzi, ila mwaasa wa tafwawuthi za ohaayi, na ottettekha wa maali entta owaakhupa, ahifiyelelaka wiima mishumo.

Luuka 12:11

“Amana mwithuuliwa olawa ophukiwa nsinakooka ama wa afwalume, mwihiiyane shaakha khwa nanna mwinttelaaye ojaakisa ama etthu mwinttelaaye olupa.

Maaruku 13:11

Amana mwithuuliwa olawa ofukiwa na ophukiwa, mwihishukulikhele etthu yoolupa, ila ethiito mwinttelaaye winkhiwa wakathi aya otthuupo mwilupe ethiito, maana khahiyo mweeyo mwinttelaaye ottakhulaaye, ila Rooho Ttakatthiifu.