Matewuzhu 5:9 - Hapari Zooshapweya

⁹ Ooparikhiyiwa pi apale antisaaye heeri, maana anteela wiitthiwa aana a Nluku.

Matewuzhu 5:9 Referans Kwoze

Meepereewu 12:14

Mwijilipisane wiikhala khwa heeri na atthu ooshi na yoori mwiiye attakatthiifu; noohiina ottakatthifu, khina anttelaaye omoona Mbwana.

Arooma 12:18

Mwirette thenke ya weekesa wiikhala na heeri khwa atthu ooshi.

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

Arooma 8:14

Maana ooshi apale aneettettisiwaaye ti Rooho ya Nluku aana a Nluku.

Luuka 6:35

Mwiwaaphete maatuwi enu, mwiwaarettele zooshapweya, mwiweepaashe mwiheekeselaka wuurutiselani. Toowo tthuvo yenu enttela wiiya khuluyeene na mwinttela wiiya aana a Nwulu wa Pinkuuni, maana Nluku nkemaani hatha khwa apale ahininshukhurwaaye na apale ootakhala rooho.

2 Akorintiyu 13:11

Omwiisho, attwiizaku, kinuuvekelani yoori mwiiye ofurahi! Mweekese ozowerela, mwilikhisane woophetanavo, mwiiyane shawuri moote, mwiikhale na heeri. Nluku wa pheta na heeri onttela wiiya vamote na mweeyo.

Akoloosu 3:13

Mwivilelane mmote na nzeenu, mwiswaamihane mmote na nzeenu amana ntthu eeyana nlattu na nzaawe. Nkhama etthiipo Mbwana oswaamihiyeeni, etthiipo theenya mwiswaamihane.

Matewuzhu 5:48

Nakataalikha mwiiye atthu khaamili, nkhama etthiipo eeyiyeeyo khaamili Papeenu wa pinkuuni.

2 Akorintiyu 5:20

Nakataalikha, fweeyo na nthoonyezo wa Al-Masiihu, nkhama Nluku anhirimizaaaye anirumeyelaka fweeyo. Khwa pheta ya Al-Masiihu, mwijisiilanisane Nluku.

Khaazi 7:26

Siikhu ya phiiri, Munsa khulawa vahali aari wumanaavo meezirayiilu awiri, khusala atakha yoori awaakise araka: ‘Alume, mweeyo mwa attwi; khi mwinuumanela ni?’

Matewuzhu 5:45

yoori mweeyo mwiretteye wiiya aana a Papeenu ariiye pinkuuni. Maana ye oniwaatthamushela njuwa apale anrettaaye zooshapweya na apale anrettaaye zootakhala. Na oniwenkha vuula anashariya na apale ohitakhi shariya.

1 Akorintiyu 6:6

Ila, ttwi mmote onlawa omphuka ttwiiye nnyupa woophukaniwamo, na etthiipo omaasho wa makaafiri.

Afiliipu 4:2

Etthu kininvekelaaye Evootiya na Sintikhe ti yoori eekhale woosiilana khwa Mbwana.

Luuka 20:36

maana khanfwa theenya, anttela wiiya nkhama malayikha na aana a Nluku, mwaasa yoori asisimuliwa.

Ayeefezu 4:1

Tiito kinuuvekelanini, miiyo kiiyiye napherezu khwa Mbwana, yoori mwiikhale khwa mwentto woosuhi khwa okhuweliwa otthuupo mwipwekhereliyeeyo.

Arooma 8:16

Rooho ethiito enlawela oshaahiti rooho yeetthu yoori na aana a Nluku.

Arooma 8:19

Zumpe zooshi enwejela, na nroromelo nwulweene, yoori aana a Nluku eeye othoonyeziwa.