Matewuzhu 5:3 - Hapari Zooshapweya

³ “Ooparikhiyiwa pi apale eeyiye asikhini nroho, maana ofwalume wa pinkuuni pi waya.

Matewuzhu 5:3 Referans Kwoze

Luuka 18:14

“Miiyo kiniwuuzani yoori, namariphisa lumpuru aalawiye owawe ari woohakikhiwa ti Nluku, ila otule nkina wala. Maana otule anjiwulisaaye ontta opushuwisiwa, ila otule anjipushuwisaaye ontta owulisiwa.”

Tiyaaku 2:5

Mwisiile, attwiizaku aphetani aka, Nluku awaathawula apale eeyiye asikhini yoori eeye mathaajiri nkatthi wa amini na weetta muufwalume awaahitiyeeyo apale animphetaaye.

Luuka 11:28

Ila Yinsa khunjipu araka: “Ooparikhiyiwa pi apale ansiilaaye nttakhuzi la Nluku khushututela.”

Zaapuura 1:1

Wooparikhiyiwa ti otule ahinlottelaaye shawuri za makaafiri, wala ahinlottaaye tarikhi ya anatwampi, na ahinkhusanyeyaaye vahali aniikhalaavo atthu ooveyisa.

Matewuzhu 11:25

Wakathi otthuupule Yinsa khulupa yoori: “Miiyo kinuusifu Paapa, Mbwana wa pinkuuni na vathi, maana weeyo wawaavithela vitthu epi anaakhili na asomi, na khuwaathoonyeza apa attiitthi.

Luuka 4:18

“Rooho ya Mbwana eri vamote na miiyo, akithawaza yoori kiwaatafusirele hapari zooshapweya asikhini na owaatafusirela otaphuliwa wa anamahuzunikha, owoonisa apale oohooni, owaavumulisa apale oohukhumwiwa,

Maaruku 10:14

Yinsa paata ya woona vitthu epile, khuhintuveli na khuwooza yoori: “Mwiwaalikhe asimaana akiteele miiyo, wala mwihiwaakhattaze, maana ofwalume wa Nluku pu waya.

Matewuzhu 13:16

Ila ooparikhiyiwa maasho enu mweeyo, maana anoona, na mashiilo enu, maana ansiila.

Tiyaaku 1:12

Wooparikhiyiwa ntthu otule anvilelaaye nwootootiwa, maana paata ya oshintta ompwekhera jarata ya ohaayi, etile Nluku awaahitiyeeyo apale animphetaaye.

Yaahaya 20:29

Yinsa khumuuzela yoori: “Mwaasa wa okoona, wakhupali? Ooparikhiyiwa pi apale ahooneeni ila khukhupali.”

Matewuzhu 24:46

Wooparikhiyiwa karumeya otule Mbwana awe amana ataaka anttelaaye onsikana arettaka etthiipo.

Tiyaaku 1:10

na thaajiri ona ya ojikhutupula amana eekhala woojipushuwisa, ye onttela onyaala nkhama maluwa a ntthuttu.

Othoonyeziwa 22:14

“Ooparikhiyiwa pi apale anfulaaye kuwo zaya, na etthiipo ana ruhusa ya muutthi wa ohaayi na anwahi ovira mmilako wa sitati.

Othoonyeziwa 19:9

Nlayikha khukuuza yoori: “Waatikhe yoori: Ooparikhiyiwa pi apale akharipwishiweeyo njampo liwululene la harusi ya Pwittipwitthi!” Na khumarisela alupaka yoori: “Apa pi mattakhuzi a haakhi ya Nluku.”

Matewuzhu 25:34

“Aphano Mfwalume onttela owooza apale anttelaaye wiiya nkhono nlume yoori: ‘Mwite mweeyo ooparikhiyiwa ti Paapa! Mwipwekherele ofwalume nkhama eritho mwitthenkezeliweeyo thanku wumpiwa wa olumwenku.

Zaapuura 128:1

Wooparikhiyiwa ti otule animoovaaye Nnyizinku, na anlottaaye tarikhi yawe.

Matewuzhu 11:6

Wooparikhiyiwa ti otule ahinanswaaye amini wawe khwa miiyo.”

Matewuzhu 8:11

Miiyo kiniwuuzani, atthu enkeene a khipula na okhu lintthamuwaawo njuwa, anttela wiikhala va meeza na Eburahiima, Esiyaakha, Yaakhumpa muufwalume wa pinkuuni.

Matewuzhu 3:2

araka: “Mwithupwiye, maana Ofwalume wa pinkuuni ori kharipu.”

Matewuzhu 19:14

Aphano Yinsa khuri: “Mwiwaalikhe asimaana akiteele miiyo wala mwihiwaakhattaze, maana ofwalume wa pinkuuni pu wa apale eeyiyeeyo nkhama atthaapo.”

Luuka 22:29

Nkhama etthiipo Paapa akinkhiyeeyo ofwalume, na miiyo kiniwinkhani mweeyo,

Luuka 22:30

yoori mwije na mwinywe vameeza vaka muufwalume mwaka, na mwiikhale va khukulu ya ofwalume yoori mwiphuke mahimo khumi na mawiri a Ezirayiilu.

Othoonyeziwa 3:17

Mweeyo mwinri: ‘Nathaajiri, napattha maali na khanintakha hatha etthu.’ Ila khamwinjuwa yoori mwafukhara, mwa woohuzunikha na mwaasikhini, khamwinoona, na mwiri waazu.