Matewuzhu 28:9 - Hapari Zooshapweya

⁹ Nasaapiru, Yinsa khuwaapuwelela na khuwooza yoori: “Salaama!” Yo khumwaattama na khupatikha moolu awe khumwaaputu.

Matewuzhu 28:9 Referans Kwoze

Matewuzhu 28:17

Wakathi amoniyeevo khumwaaputu, ila akina khumwakanyera.

Matewuzhu 14:33

Apale aari mmwaatiya khumwaaputu alupaka yoori: “Khweele weeyo o Mwaana wa Nluku.”

Yaahaya 20:28

Tome khujipu araka: “Mbwana aka na Nluku aka!”

Luuka 24:52

Yo khumwaaputu, khurutela Yeruzaleemu na furaha khuluyeene.

Yaahaya 12:3

Aphano Mariyamu khuthuula suupha ya mafuttha oonukhela awaatta nzurukhu, khuttukunttela moolu a Yinsa khusala akukuttha na nyuuli zawe. Nnyupa wooshimo khwiitaalamo arufu ya mafuttha apale.

Luuka 7:38

Khulawa khweemela onyoko wa Yinsa nshini wa moolu awe, khusala alila. Mishozi zawe khusala zittonkela moolu a Yinsa. Khusala akukuttha na nyuuli zawe na opejari moolu a Yinsa avaazaka mafuttha oonukhela.

Othoonyeziwa 3:9

Moone etthu kinttelaaye owaarettela apale eeyiyeeyo sinakooka ya epiliisi na anjilupezaaye oyaahuuti ahiiyeeni, ila eeyiyeeyo anamahata. Miiyo kinttela owaakokhorisa nshini wa moolu enu na ajuwe yoori miiyo koophetani mweeyo.

2 Akorintiyu 13:11

Omwiisho, attwiizaku, kinuuvekelani yoori mwiiye ofurahi! Mweekese ozowerela, mwilikhisane woophetanavo, mwiiyane shawuri moote, mwiikhale na heeri. Nluku wa pheta na heeri onttela wiiya vamote na mweeyo.

Yaahaya 20:19

Jumwa phiili njuwa looveva, anakhiyoni akusanyeyiye milako ziri zoofukiwa, mwaasa wa owoova mayaahuuti, Yinsa khuvira khweemela vakatthi vaya khuri: “Heeri yiiye vamote na mweeyo!”

Luuka 1:28

Nlayikha khumwaattama khumuuza yoori: “Heeri yiiye vamote na weeyo Mariyamu! O wooziti oparikhiyiwa, Mbwana ori vamote na weeyo.”

Matewuzhu 23:7

owaatuvela ochelisiwa vamwanttiwa na wiitthiwa Mwaaliimu.

Matewuzhu 28:8

Aakha apale khusaruwa nkhapuri mphule na waakuva eettaka woova na arina furaha, na khusala atthira olawa owooza anakhiyoni a Yinsa.

Matewuzhu 28:10

Aphano Yinsa khuwooza yoori: “Mwihoove, mwilawe mwawooze attwiizaku apale eette Kalileya; anttela okoona ottuukhu.”