Matewuzhu 27:54 - Hapari Zooshapweya

⁵⁴ Nttunkhulu wa anajanka na apale aari omweekeselaaye Yinsa, nawoona esikinyaatthi na zooshi zaarettikhaniyeeyo, khwiiya awoova channu khulupa yoori: “Weekhweele, ntthu otu aari mwaana wa Nluku!”

Matewuzhu 27:54 Referans Kwoze

Maaruku 15:39

Wakathi nttunkhulu wa anajanka aariiye omaasho wa Yinsa, ooniyeevo nanna afwiyeeyo, khuri: “Wekhweele mwinyi otu aari Mwaana wa Nluku!”

Matewuzhu 27:36

Khwiikhala attaaphale khusala amweekesela.

Matewuzhu 27:43

Ye amwaamini Nluku. Nluku ti amuusuru nasaapi ethiiti, nkhama ona huruma na ye, maana alupa yoori: ‘Ki mwaana wa Nluku!’ ”

Khaazi 27:43

Ila namalokozela wa anajanka aari otakha omwiinanela Paawulu, khuwaakhattaza anajanka owaza shawuri nkhama epo. Aphano khuruma yoori apale anjuwaaye woowelela atupweele mpahari alawe vathi.

Khaazi 27:1

Wakathi naalakeliyeevo olokhela Etaaliya, Paawulu na anapherezu akina khwinkhiwa namalokozela mmote aari wiitthiwaaye Zhuuliyu, aari nttunkhulu wa khuntti ya anajanka ya mfwalume wa Rooma.

Khaazi 23:23

Paata ya wuuziwa mattakhuzi apale ye khuwaakhuwela anamalokozela awe a anajanka awiri khuwaaruma yoori: “Mwiwaatthenkeze anajanka miiya piiri, na saapiini awiiyana khavalo na miiya piiri awiiyana mikokhi alawe Sezareeya wakathi opule wa saattatthu ya osikhu.

Khaazi 21:32

Nttunkhulu otule khuwaakhuwela anamalokozela na anajanka aya, khutthira alawaka mpakha aphale aariivo atthu apale. Wakathi ooniweevo nttunkhulu na anajanka awe, khunlikha ompiya Paawulu.

Matewuzhu 8:5

Wakathi Yinsa afiiyeevo sitati ya Kafwaranaawu, khuta nttunkhulu wa anajanka, onvekela yoori amwaawuni.

Matewuzhu 4:3

Namazayini khumwaattama khumuuza yoori: “Nkhama weeyo o Mwaana wa Nnyizinku, orume mawe apo athatuwe eeye phaawu.”

Othoonyeziwa 11:13

Wakathi otthuupule khupuwa esikinyaatthi khuluyeene, na khupwecheya phantte ya khuumi ya sitati, atthu alufu sapa khufwa khwa esikinyaatthi; apale asaliyeeyo khwiiya oosuthuwa venkivene na khumwinkha siifwa Nluku wa pinkuuni.

Arooma 1:4

na khuthoonyeziwa khwa Rooho ya ottakatthifu wiiya Mwaana wa Nluku na owahi wakathi asisimuwiyeeyo muufwa. Ye ti Yinsa Al-Masiihu Mbwana eetthu,

Khaazi 23:17

Attaaphale Paawulu khunkhuwela namalokozela wa anajanka khumuuza yoori: “Onthuule shaapu otu onlawane wa nttunkhulu wa anajanka. Ye onaaye mattakhuzi onthatelela.”

Khaazi 10:1

Sitati ya Sezareeya aariwo mwinyi mmote aari wiitthiwaaye Koroneele, aari namalokozela wa khuntti yaanajanka yaari wiitthiwaaye Etaliyaanu.

Khaazi 2:37

Paata yoosiila mattakhuzi apale, khukafilikha nroho mwaya, khumuuzela Pheeturu na maaswihaapa apale akinaaya yoori: “Attwiizetthu, apho niri je?”

Yaahaya 19:7

Yo khujipu yoori: “Fweeyo ninaaye kano, kano etthiipo enlupa yoori ooliiwe maana onjilupeza yoori Mwaana wa Nluku.”

Luuka 22:70

Aphano ooshi khumuuzela yoori: “Apho niri weeyo o Mwaana wa Nluku?” Yinsa khujipu araka: “Apho mweeyo mwalupa.”

Matewuzhu 27:40

araka: “Oo weeyo waari weettelaaye opwecha Nyuupa Yoosifwiwamo na khujeka khwa siikhu ttatthu, ojuusuru! Wiishukhe vansalapa apho nkhama omwaana wa Nluku!”

Matewuzhu 26:63

Ila Yinsa nalelo khwiiya woonyamala. Haakhimu nwulu wa tiini khumuuza yoori: “Kinuuvekela yoori weeyo olaphe khwa Nluku woohaayi, nkhama weeyo o Al-Masiihu, mwaana wa Nluku, onuuze.”

Matewuzhu 27:51

Wakathi otthuupule phazira ya omwimpari khwaawanyeya vakatthi, waaza vatulu mpakha vathi. Nti khusakhinyeya na mawe khupwecheya.