Matewuzhu 26:43 - Hapari Zooshapweya

⁴³ Wakathi arutiyeevo theenya khuwaasikana eettaka olala, maana maasho aya eetta owaalemela.

Matewuzhu 26:43 Referans Kwoze

Luuka 9:32

Pheeturu na ashirikha awe aarettiye eettaka olala, wakathi asisimuwiyeevo khoona nuuru ya Yinsa na atthu awiri ari vamote na ye.

Arooma 13:1

Anaatamu ooshi ana ya owaashututela afwalume apale aariiye wiilokozi, maana khawiivo ofwalume woohilankhi mmakhono wa Nluku; na wakhula ofwalume oriivo ye ti atthiiyeemo mmapuro mwaya.

Khaazi 20:9

Shaapu mmote, aari wiitthiwaaye Eetiku, ekhaliyeeyo veettakha, khunkhola osikizi saaneene mwaasa wa tafusiiri etile ya Paawulu olepa, khukwa vatulu nyuupa ya ttaatthu ya manyupa oothatanyeliwa, khutthempiwa ari woofwa.

Yuunusa 1:6

Nahota khwiishukhela mpurawu mphule aari olalaamo Yuunusa, khumuuzela yoori: “Weeyo! Onlala ni? Olankhe onvekele nluku awo! Khinjuweya anoonelaka huruma yoori anuusuru nihifwe.”

Matewuzhu 26:42

Khurutela olawa olompa theenya khuri: “Paapa, nkhama khinwaheya okattuwananisa jiikira eti khapula kihinyweeni, ti arettikhane matakhelo awo.”

Matewuzhu 26:44

Aphano khuwaalikha theenya, khulawa olompa swaafu ya ttaatthu, alupaka mattakhuzi atthaapale.