Matewuzhu 26:36 - Hapari Zooshapweya

³⁶ Aphano Yinsa khulawa na anakhiyoni awe puuro eniitthiwaaye Yetemaani, khuwooza yoori: “Mwiikhale apha, miiyo kinttela olompa aphale.”

Matewuzhu 26:36 Referans Kwoze

Matewuzhu 26:42

Khurutela olawa olompa theenya khuri: “Paapa, nkhama khinwaheya okattuwananisa jiikira eti khapula kihinyweeni, ti arettikhane matakhelo awo.”

Matewuzhu 26:39

Khususa vattitthiiru, khukokhora khufiisa ajihi yawe vathi, khusala alompa araka: “Paapa, nkhama enwaheya, okaattuwanise jiikira eti ya ohoowa; ila ehirettikhane nkhama kintakhaazo, ila nkhama ontakhaazo.”

Meepereewu 5:7

Wakathi opule Yinsa aari vathi, aarettiye nkhuwo eettaka olila alompaka na oveka khwa Nluku otule aari owahaaye omuusuru muufwa. Nluku khusiila oveka wawe, mwaasa wa ojinkha wawe.

Matewuzhu 6:6

Ila amana weeyo otakha olompa, weette okatthi wawo, ofuke milako zawo olompe khwa Papaawo, ariiye sirini. Aphano Papaawo ariiye sirini, ontta wuutthuva.