Matewuzhu 25:46 - Hapari Zooshapweya

⁴⁶ “Apa aneetta ohukhumu khwa mileele, ila makhaamili anttela wiiyana ohaayi wa mileele.”

Matewuzhu 25:46 Referans Kwoze

Yaahaya 3:36

Otule aninkhupalaaye Mwaana onaaye ohaayi wa mileele, ila otule aninkatthalaaye Mwaana khanlawa woona ohaayi na theenya katapu ya Nluku empharelela khwa ye.

Yaahaya 5:29

anlawa asisimuwe nkhapuri. Apale aari orettaaye zooshapweya anttela osisimuwa eeye haayi, apale aari orettaaye zootakhala anttela osisimuwa eeye ophukiwa.

Othoonyeziwa 21:8

Ila ananhiminyali, oohaamini, makookaani, anamahusuti, anakaapa twayifu, ashawi, anamwaaputu sanamu na anamahata ooshi puuro yaya enttela wiiya ontthatta la moottho onkholelanaaye oka. Opu pi ofwa wa phiiri.”

Othoonyeziwa 20:15

Apale mazina aya ahaasikaniweeyo nkithaapu ya ohaayi khweeseleliwa va ntthatta la moottho.

2 Atizaloonika 1:9

Yo anttela ohoowa apatthe hukhumu khwa otapanyeya wa mileele, ophakuliwa omaasho wa Mbwana na siifwa ya owahi wawe.

Arooma 6:23

Maana phakari ya twampi ofwa, ila tthuvo ya rehema ya Nluku ohaayi wa mileele khwa Yinsa Al-Masiihu, Mbwana eetthu.

Arooma 5:21

Epo zarettikhana yoori, nkhama etthiipo twampi eshinttiyeeyo khwa ofwa, na rehema yashintta khwa shariya yoori eninkhe ohaayi wa mileele, khwa Yinsa Al-Masiihu, Mbwana eetthu.

Othoonyeziwa 20:10

Epiliisi otule aari owaahataaye, khweeseleliwa vantthatta la moottho onkholelaaye oka, okhule yeeseleliweewo nyama yawoopisa na napiyu woojipanka. Yo anlawa oopopisiwe osikhu na nthana khwa mileele.

Matewuzhu 25:41

“Aphano ye onttela owooza apale a nkhono nkha awe yoori: ‘Anamalaanikha mwikaattuwe! Mweette omoottho wa mileele, waattaleleliweeyo sheethwani na malayikha awe.

Khaazi 24:15

Na kinaaye nroromelo khwa Nluku otthuupo arinaaye apa yoori owaapho osisimuwa wa anahaakhi na apale ohiina haakhi.

1 Yaahaya 2:25

Eti ahiti ye aniretteliyeeyo, ohaayi wa mileele.

Akaalata 6:8

Maana otule anzalaaye za onaatamu, khwa za onaatamu onuurula otapanyeya; ila otule anzalaaye khwa Rooho ya Nluku, khwa Rooho onuurula ohaayi wa mileele.

Luuka 16:26

Olikha eto, vakatthi veetthu yatthiiwavo khilintti khuluyeene ehinlokheyaaye ntthu olankha okhuno ataaka okho wala okho ataaka okhuno.’

Yaahaya 17:2

Maana wamwinkha ofwalume khwa anaatamu ooshi, yoori awenkhe ohaayi wa mileele ooshi apale omwinkhiyeeyo.

Matewuzhu 19:29

Ooshi apale alikhiyeeyo vaje vaya, attwi zaya, alupu aya, papaaya, mamaaya, aanaaya ama mashapa aya, mwaasa wa miiyo, anlawa apwekhere swaafu miiya na orithi ohaayi wa mileele.

Matewuzhu 13:43

Aphano anashariya anttela waara nkhama njuwa muufwalume wa Papaaya. Otule ariina mashiilo, ti asiile.

Yuuda 1:21

Mwiikhale nkatthi wa pheta ya Nluku, mweekeselaka yoori tthakaraka ya Mbwana eetthu Yinsa Al-Masiihu yuuthuuleni ewinkheni ohaayi wa mileele.

Matewuzhu 19:16

Ntthu nkina khumwaattama Yinsa khumuuzela yoori: “Mwaaliimu, kirette niini yooshapweya yoori kipatthe ohaayi wa mileele?”

Matewuzhu 25:45

“Ye ajipu yoori: ‘Kiniwuuzani khweele yoori, etile mwihinretteleeni mmote wa apale attiitthi, khamwikiretteleeni na miiyo.’

Yaahaya 4:14

ila otule anttelaaye onywa maati kinttelaaye omwinkha khanlawa wiiyana nnyottha theenya. Olikha toowo, maati kinttelaaye owinkha anttela oretteya naattuuttu wa wiittikha maati a ohaayi wa mileele.”

Yaahaya 5:24

“Miiyo kiniwuuzani khweele yoori, otule ansiilaaye nttakhuzi laka na aninkhupalaaye otule akirumiyeeyo onaaye ohaayi wa mileele, wala khamphukiwa, ila avirela ofwa yoori eeyane ohaayi.

Yaahaya 6:27

Mwihikhole khaazi khwa etthu yoojiwa enharipweyaaye, ila khwa etthu yoojiwa eninkhaaye ohaayi wa mileele, ethiito Mwaana wa Pinaatamu aniwinkhaanini. Maana, Nluku Paapa, anttheliyeeyo alama yawe ya onhakikhi.”

Yaahaya 6:40

Maana matakhelo a Paapa pi yoori wooshi otule animoonaaye Mwaana na khunkhupali eeyane ohaayi wa mileele na miiyo kintta onsisimula siikhu ya mwiisho.”

Khaazi 13:46

Aphano Paawulu na Baranabe khuwaajipu woojilipisavo yoori: “Yaari ohithajiya waaza wuutafusirelani nttakhuzi la Nluku. Mwaasa wookatthala khinuusuhini opwekherela ohaayi wa mileele, apha nintta olawa nawaalaleyele amalapo.

Khaazi 13:48

Asiiliyeevo atthu, amalapo khwiiya ofurahi khuttottopela nttakhuzi la Mbwana, ooshi aathawuleliweeyo ohaayi wa mileele khukhupalela.