Matewuzhu 25:35 - Hapari Zooshapweya

³⁵ Maana miiyo yaakikholiye jala, mweeyo khukinkha etthu yoojiwa; laakikholiye nnyottha, mweeyo khukimeela maati oonywa; kaari nletto mweeyo khukinkha puuro ya omaka.

Matewuzhu 25:35 Referans Kwoze

Meepereewu 13:16

Mwihilikhelele oretta zooshapweya na owaameela azeenu khwa etile mwiriinaaye, maana twaha zinintuvelaaye Nluku pi etthiipo.

Tiyaaku 1:27

Tiini Nluku Papeetthu ankhupalelaaye wiiya swaafi na yookhweele tiiti: owaathotola anasisa na ananfweliwa pi amanna zaya muuhoowa mwaya, na ojiinanela khwa vitthu zootakhala za muulumwenku.

Arooma 12:13

Mwisala mwiwaameela attakatthiifu apale othowiwa epile mwiniiyanaaye, na owaapokherela aletto vaje venu.

Arooma 12:20

Olikha toowo: “Amana atuwi awo enkhola jala, omwinkhe etthu yoojiwa, amana linkhola nnyottha, omwinkhe maati anywe; amana oretta toowo onuukela makhala ookholela veeshwa vawe.”

Meepereewu 6:10

Nluku khahi woohiiyi wa shariya. Ye khanteela osahawu khaazi zenu na pheta mwithonyeziyeeyo, maana mwawenkha nkhono attakatthiifu na apho mwinvira mwiwenkhaka.

Filimooni 1:7

Maana pheta yawo enikinkhaka furaha khuluyeene na okizuru, weeyo ttwiiyaku ontuvelisa rooho za attakatthiifu.

1 Timootiyu 5:10

Eeye muukha woojuwaniwa oretta vitthu zooshapweya, woowaalela saana aanaawe, woomakeleya, ama eeye muukha aari woosakaaye moolu a atthu oottakatthiifu a Nluku, aari owaawunakaaye anamathowiwa na aari okholakaaye khaazi zooshi zooshapweya, othuuto ti aatikhiwe nwarakha ya anamafweliwa pi amanna zaya.

Ayeefezu 4:28

Otule aari nantarawu alikhe wiiya, ila arette etthu yooshapweya na makhono awe yoori apatthe etthu yoowaamela apale oothowiwa.

Arooma 16:23

Kaayu kammakeliyeeyo, ottuukho onkusanyeyaawo ojama wooshi wa Nluku omperekha salamu. Eraashitu namapweha nzurukhu wa nsitati na ttwiiyetthu Kwaarutu amperekha salamu.

Khaazi 16:15

Nawoosiwa na atthu ooshi a vaje vawe, khunivekela saaneene araka: “Nkhama mweeyo mwinikitthantta na mwinihakikhi yoori kinamalottela wa Mbwana wa waamineya, mwite mwiikhale onti.” Khwa ethiito khunishintta.

Khaazi 11:29

Anakhiyoni khujilakelela owaawuni attwiizaya aari wiikhalaaye Yudeya wakhula ntthu khwa khiima aari owahaazo.

Khaazi 10:31

Khukuuza yoori: ‘Koroneele, Nluku asiila lompa yawo na onfwahamu zimola epi oniwinkhaaye atthu.

Khaazi 4:32

Ooshi aakhupaliyeeyo rooho zaya zaari moote, akhili zaya zaari sawasawa. Khaarivo hatha mmote aari woonaaye etthu yawe wiiya yawe. Eetta waawanya na azaaya zooshi aari wiiyanaazo.

Yaahaya 13:29

Maana Yuuda ti aari opwehaaye nfukho wa nzurukhu, akina aari waakanyera yoori Yinsa amuuza olawa wuuzanya vitthu zooretteliwa njampo, ama yoori alaze etthu awinkhe asikhini.

Luuka 11:41

Mwipakuse nkatthi mweenu khwa owenkha zimola asikhini, toowo mweeyo mwintta wiiya oottakattha saaneene.

Maaruku 14:7

Maana asikhini aniiya vamote na mweeyo wakhula siikhu, na mwinwahi owaawuni mwitakharu. Ila miiyo akinteela wiiya vamote na mweeyo mileele.

Matewuzhu 26:11

Maana asikhini aniiya vamote na mweeyo wakhula siikhu, ila miiyo khamwinteela wiiyana wakhula siikhu.

Matewuzhu 25:40

“Mfwalume khujipu yoori: ‘Kiniwuuzani khweele yoori, etile mweeyo mwiwaaretteliyeeyo mmote wa attwiizaku apa attiitthi, mwakirettela miiyo.’