Matewuzhu 24:11 - Hapari Zooshapweya

¹¹ Na thamani ya manapiyu oojipanka anlawa apuwe na anteela owaattettekha atthu awaatta.

Matewuzhu 24:11 Referans Kwoze

Matewuzhu 24:24

Maana anlawa apuwe Al-Masiihu oojipanka na manapiyu oojipanka anttelaaye oretta alama khulukhulu na vitthu zootikinisa yoori awaahate hatha apale oothawuliwa.

Matewuzhu 7:15

“Phoole na manapiyu oojipanka, yo anuuteelani mweeyo awaliye shapala ya pwittipwitthi, ila nkatthi ari miiji zooluma.

Matewuzhu 24:5

Maana atthu awaatta anlawa ate khwa nzina laka alupaka yoori: ‘Miiyo ki Al-Masiihu’! Na anteela owahata atthu awaatta.

1 Timootiyu 4:1

Rooho Ttakatthiifu enlupa saaneene yoori omwiisho anlawa atthu akina alikhe amini, asiilezaka nafusi zoottettekha na masomi a masheethwani.

Maaruku 13:22

Maana anlawa apuwe Al-Masiihu oojipanka na manapiyu oojipanka anttelaaye oretta alama na vitthu zootikinisa yoori awaahate apale oothawuliwa.

Othoonyeziwa 19:20

Ila nyama yawoopisa khufukiwa vamote na napiyu woojipanka aarettiyeeyo alama za minjuza khwa nzina laya. Atthaapo awaahatiyeeyo apale apwekhereliyeeyo alama ya nyama yawoopisa na khwaaputu ratarato yaya. Oowiiri khweeseleliwa ari awoona va ntthatta la moottho onkholelanaaye oka.

2 Pheeturu 2:1

Raku, vakatthi wa atthu aapuwiyevo manapiyu oojipanka, etthiipo theenya vakatthi venu mweeyo anteela opuwavo anamanozela oojipanka. Yo anteela osarula vattiitthi vattiitthi mwentto woovonyeya ontapanyaaye, afiyelelaka onkatthala Mfwalume Nwulu otule awaakaphuliyeeyo, ajitothelaka nasaapiru otapanyeya.

Yuuda 1:4

Nakataalikha atthu akina, ahinimoovaaye Nluku ata vakatthi venu woohisopheliwi. Yo anzukulisa rehema ya Nluku khwa vitthu zoovonyeya. Na aninkatthala Yinsa Al-Masiihu, Mfwalume eetthu na Mbwana eetthu otthwe. Raku zeene Zawaatikhiwa Ttakatthiifu zalupa hukhumu yo apwekheriyeeyo.

1 Yaahaya 4:1

Aphetani aka, mwihiwaakhupali ooshi anraaye anaaye rooho ya Nluku, ila mwisala mwinzaani khoona nkhama enlankha wa Nluku, maana manapiyu awaatta oojipanka amwazeyela voolumwenku.

1 Yaahaya 2:18

Aanaaka, mwijuwe yoori opu wakathi wa mwiisho; nkhama etthiipi mwisiiliyeezo oriwa onteela ota atuwi wa Al-Masiihu, aphano maatuwi a Al-Masiihu awaatta ampuwelela. Ti etthu ninjuwelaaye yoori opu wakathi wa mwiisho.

1 Yaahaya 2:26

Kiniwaatikhelani vitthu epi monkoni wa apale antakhaaye wuuthowelelisani.

Khaazi 20:30

Mweeyena ru anlawa apuwevo akina anttelaaye okarawela haakhi yoori awaathowelelise attwiizaya.

Matewuzhu 24:12

Mwaasa waweekezeleya vitthu zootakhala, pheta ya atthu awaatta enttela ovukuwa.