Matewuzhu 22:16 - Hapari Zooshapweya

¹⁶ Khuwaaruma anakhiyoni aya na atthu akina a khuntti ya Herooti khusala amuuza Yinsa yoori: “Mwaaliimu, fweeyo najuwa yoori weeyo onlupa khweele na onsomisa na khweele tarikhi ya Nluku, khunjilikha othowelelisiwa ti ntthu, wala khuniwaaphuka atthu khwa nanna ariizo.

Matewuzhu 22:16 Referans Kwoze

Maaruku 3:6

Aphano mafwarizeewu apale khulankha na khwaaza owaza shawuri vamote na khuntti ya Herooti eekesaka nanna ya omuula Yinsa.

Luuka 20:21

Yo khusala amuuzela yoori: “Mwaaliimu, fweeyo najuwa yoori onttakhula na onnozela epile ziiyiyeeyo za shariya, ninjuwa yoori khuninthawula ntthu, ila onnozela tarikhi ya Nluku khwa haakhi.

Maaruku 12:14

Wakathi afiyeevo aphale aariivo Yinsa khulupa yoori: “Mwaaliimu, ninjuwa yoori o weekhweele na khunjilikha oshawurisiwa ti ntthu. Maana khuniwaaphuka atthu khwa nanna ariizo, ila onsomisa wa waamineyavo tarikhi ya Nluku. Nkanuuze, halaali onripha lumpuru Seezari ama wala?”

Maaruku 8:15

Yinsa khuwooza yoori: “Mwijeekesele na mwiiyane phoole na fwaramento ya mafwarizeewu na ya Herooti.”

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.

Yaahaya 18:37

Aphano Pilaatu khulupa yoori: “Khupe weeyo o mfwalume.” Yinsa khunjipu yoori: “Weeyo ti onlupaaye yoori ki mfwalume. Miiyo kavokoleliwa ethiito na ti ethiito ekitaniyeeyo voolumwenku, yoori kite kilawele oshaahiti wa haakhi. Wakhula otule eeyiye wa haakhi onsiila huula yaka.”

Yaahaya 14:6

Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

Yaahaya 7:18

Otule anjilupaaye mweenyewe oneekesa siifwa yawe, ila otule aneekesaaye siifwa ya otule amperekhiyeeyo, oto ti wa khweele; khayiivo hatha etthu yoovonyeya vakatthi vawe.

Tiyaaku 3:17

Ila akhili enlankhaaye pinkuuni, omwanzweene swaafi, elottelanaka pi za wiitthaala, zookemaani, zootthantta, zawiitaala huruma na mishumo zooshapweya, zoohitarawu na zoohisanki.

1 Atizaloonika 2:4

olikha toowo, nkhama atthu ookhupaliwa ti Nluku, mpakha khuninkha olaleya hapari zooshapweya, khaninttakhula yoori niwaatuvelise atthu, ila Nluku, aninzaanaaye rooho zeetthu.

Akaalata 2:6

Ila apale anjoonaaye wiiya oojuwanikha, kinlupa toowo, miiyo khinikijali nanna yo ariizo, maana Nluku khanimphuka ntthu khwa wumpo awe, apo anjoonaaye khakuuzeeni yoori kiina ya weekezelavo etthu khwa hapari epi kintafusiraaye.

Akaalata 1:10

Nasaapi eti miiyo kineekesa okhupaliwa ti anaatamu ama ti Nluku? Eriwaka kaari weekesa owaatuvelisa anaatamu, akaari wiiya karumeya wa Al-Masiihu.

2 Akorintiyu 5:16

Khwa etthiipo, waaza nasaapi mpakha ninttaawo, khaavo theenya ninintthanttaaye na shawuri za onaatamu, na hatha raku Al-Masiihu nanjuwa khwa nanna ethiito, ila nasaapi eti khanininjuwa toowo.

2 Akorintiyu 4:2

Ninkatthala vitthu zooshi za haaya enrettiwaaye sirini, khaninrumeyela ohata, wala otapanya nttakhuzi la Nluku. Olikha toowo fweeyo ninthoonyeza haakhi, nintumerelana khwa akhili za atthu ooshi enakatthi ya Nluku.

2 Akorintiyu 2:17

Maana fweeyo khaniri nkhama atthu awaatta anlaleyaaye nttakhuzi la Nluku nkhama zanshara. Ila Nluku ti anirumiyeeyo, tiito ninlaleyaaye hapari zawe na khweele enakatthi yawe, nkhama akarumeya a Al-Masiihu.

Luuka 7:40

Yinsa khumuuza Simawu yoori: “Kintakha owuuza etthu.” Simawu khujipu yoori: “Kuuzeni mwaaliimu.”

Maaruku 10:17

Wakathi Yinsa aari weettelaaye osaruwa, mwinyi mmote khutthira amweettelaka khulawa khunkokhorela na khumuuzela yoori: “Mwaaliimu woosaana, kirette niini yoori kipatthe ohaayi wa mileele?”

Matewuzhu 26:49

Wakathi Yuuda aari omwaattamaavo Yinsa khuri: “Salaama, Mwaaliimu!” Na khumpatikha.

Matewuzhu 26:18

Yinsa khujipu yoori: “Mwilawe nsitati mwakutthanane mwinyi mmote mwimuuze yoori: ‘Mwaaliimu alupa yoori: Wakathi aka onsaleela ofiya. Kinttela onja Paashikowa na anakhiyoni aka vaje vawo.’ ”

Matewuzhu 22:26

Khurettikhana nkhama zanrettikhaneliyeeyo otule wa mwanzo na wa ttaatthu mpakha otule wa saapa.

Matewuzhu 22:24

“Mwaaliimu, Munsa alupa yoori: ‘Amana ntthu afwa, muukha awe ahinvokoleleeni mwaana, ttwiiye ona ya onrala namafweliwa ti mannawe yoori amwinkhe aana ttwiiye otule afwiiyeeyo.’

Maaruku 12:13

Paata ya toole, khurumiwa mafwarizeewu akina na attunkhulu akina a khuntti ya Herooti olawa ottakhulana Yinsa eekesaka yoori ansikanane nttakhuzi loovonyeya.