Matewuzhu 22:11 - Hapari Zooshapweya

¹¹ “Wakathi mfwalume aviriyeevo yoori awoone anamalaleyiwa apale, khumoona mwinyi mmote ahaawaliyeeyo kuwo za vanjampo.

Matewuzhu 22:11 Referans Kwoze

Othoonyeziwa 19:8

Yoori awale, khwinkhiwa paafutha yoopeepheya, yawaara na swaafi.” Paafutha yoopeepheya pi zooretta za shariya za attakatthiifu.

Ayeefezu 4:24

na mwiiyane ontthu mpheya, wawumpiwa woolattanana Nluku khwa shariya na ottakatthifu wa khweele.

2 Akorintiyu 5:3

maana amana ninwala ye, khaninsikaniwa nihina mwiili.

Arooma 13:14

Olikha toowo, mwinwale Mbwana Yinsa Al-Masiihu, mwihiikhale mwilottelelaka epile entakhaazo mwiili, nkhama winkha puuro vitthu za onaatamu.

Othoonyeziwa 16:15

“Moone yoori kinta nkhama nantarawu! Wooparikhiyiwa ti otule aniikhalaaye woojeekesela na wootthenkeza saana zoowala zawe yoori aheettette waazu na ehooniwe haaya yawe.”

Othoonyeziwa 3:18

Kinuulakani yoori: mwikuuzanyane miiyo weero swaafi yoofuliwa va moottho yoori mwireele; na kuwo zoolakala mwiwale yoori ehisaruwe haaya ya owaazu enu; na muuzanye thiipa mwivaaze maasho enu yoori mwipatthe woona.

Othoonyeziwa 2:23

Kiniwoola apale aninlottaaye muukha oto. Khwa toowo ojama wa Nluku wooshi ontta ojuwa yoori ki otule anootootaaye akhili na rooho, na kinteela omwinkha wakhula ntthu khwa khiima ya zooretta zawe.

Akaalata 3:27

Maana mooshi mweeyo moosiweeyo khwa Al-Masiihu, mwanwala Al-Masiihu.

1 Akorintiyu 4:5

Nakataalikha, mwihiphuke hatha etthu ohinafiye wakathi khwaamili; mwiwejele mpakha Mbwana ate. Ye onsarulela nnuuru epile zoovithiwa n'yiiza na onthoonyeza shawuri za nroho. Wakathi opo, wakhula ntthu onlawa apwekherele okhupaliwa wawe wa Nluku.

Arooma 3:22

shariya ya Nluku khwa amini ya Yinsa Al-Masiihu khwa apale ooshi aninkhupalaaye. Khawiivo ofwarikhana,

Matewuzhu 13:30

Mwilikhe ziwule vamote mpakha wakathi wa wuurula. Kintta owooza anamuurula yoori: “Mwikusanye khapula ntakatakha mwifuke mashittha likhoziwe; mwikusanye tiriku mwitthe va sakafu vaka.” ’ ”

Matewuzhu 3:12

Ye ontana fosholo mmakhono mwawe onteela ophakula tiriku na maveya. Tiriku atthe va sakafu vawe, maveya akhoze va moottho ohinzimaaye.”

Matewuzhu 22:10

Aphano akarumeya apale khulawa mmatarikhi na khuwaakusanya atthu ooshi apale awasikaniyeeyo, atthu ooshapweya rooho na atthu ootakhala rooho, nsana waari ojiwaavo njampo khwiiya wawiitaala pi anamalaleyiwa.