Matewuzhu 20:14 - Hapari Zooshapweya

¹⁴ Opwekhere etile yiiyiye yawo olawe. Miiyo kintakha omwinkha otule kaattakhulaniyeeyo wawiishela nkhama etthiipo kiwinkhiyeeyo.

Matewuzhu 20:14 Referans Kwoze

Yaahaya 17:2

Maana wamwinkha ofwalume khwa anaatamu ooshi, yoori awenkhe ohaayi wa mileele ooshi apale omwinkhiyeeyo.

Luuka 15:31

“Aphano papaawe khumuuza yoori: ‘Mwanaka! Wakhula siikhu oniiya vamote na miiyo, wakhula etile kiriina ti yawo.

Arooma 3:19

Ninjuwa yoori zooshi enlupaaye kano zawooza ooshi apale ari vathi wa kano etthiipo, yoori milomo zooshi zinyamale na olumwenku opatthe ophukiwa mmakhono wa Nluku.

Arooma 3:4

Hatha vattitthiiru! Eeye Nluku weekhweele, na ntthu wooshi woohata. Nkhama yaatikhiweezo: “Yoori wiiye woohakikhiwa khwa mattakhuzi awo na oshintte amana olokoveziwaka.”

Matewuzhu 6:16

“Amana mwifuka, mwihithoonyeze wuuso wa huzuni nkhama anrettaazo manaafikhi, yo antta ozukulisa wuuso aya yoori atthu akina ajuwe yoori afuka. Miiyo kiniwuuzani khweele yoori, nooretta toowo apokhera tthuvo yaya.

Matewuzhu 6:6

Ila amana weeyo otakha olompa, weette okatthi wawo, ofuke milako zawo olompe khwa Papaawo, ariiye sirini. Aphano Papaawo ariiye sirini, ontta wuutthuva.

Matewuzhu 6:2

“Nakataalikha, amana mwinkha zimola mwihithuule nlope khusala mwilaleya, nkhama anrettaazo manaafikhi mmasinakooka na ntarikhi, atakhaka yoori asifwiwe pi akina aya. Miiyo kiniwuuza khweele yoori yo apokhera phakari yaya.

Luuka 16:25

“Eburahiima khunjipu yoori: ‘Mwanaka, omfwahamu yoori muuhaayi mwawo waapokheriye vitthu zooshapweya, ila Laazaru muuhaayi mwawe eetta ohoowa. Aphano ye asithirikha, weeyo ontta ohoowa.

Matewuzhu 20:13

Ila ye khujipu yoori: ‘Swaahipu, akintta owiimana shariya. Weeyo khawaakhupaleliye okhola khaazi ya opwekhera nzurukhu moote wa feeta?

Matewuzhu 20:15

Akina ruhusa ya orettela etile kintakhaaye nzurukhu aka? Ama weeyo ona nrima mwaasa wa miiyo wiiya nkemaani?’ ”