Matewuzhu 19:9 - Hapari Zooshapweya

⁹ Miiyo kiniwuuzani yoori: wakhula otule animwaashaaye muukha awe, woohiiyi mwaasa wa khaapa twayifu, khunrala muukha nkina ontta oraruwa.”

Matewuzhu 19:9 Referans Kwoze

Matewuzhu 5:32

Ila miiyo kiniwuuzani yoori wooshi otule animwaashaaye muukhaawe, ehiriwaka eetta oraruwa, oniiyana paathuli ya oraruwa, na otule aninralaaye muukha oto wa waashiwa ontta onrarusha.

Luuka 16:18

“Wakhula nlume animwaashaaye muukhaawe khunrala muukha nkina ontta oraruwa; na aninralaaye muukha otule wa waashiwa naye ontta oraruwa.”

1 Akorintiyu 7:39

Muukha oniiya wookusanyeya na mannawe amana eeya haayi. Ila amana mannawe afwa, muukha oniiya wootaphuliwa khwa oraliwa ti otule anintakhaaye, ajoonaka yoori ye ti wa Mbwana.

1 Akorintiyu 5:1

Khwa phantte zooshi ensiiliwa yoori vakatthi venu ewaapho khaapa twayifu, khwa nanna wala ehinrettikhanaaye vakatthi wa amalapo, enfiyelelaavo mmote wa mweeyo olalana muukha wa papaawe.

Mwanzo 20:3

Osikhu, Nluku khunteela Apimeleekhi khusala amuuza nkatthi wa jozi yoori: “Ontta ofwa mwaasa wa muukha otu onthuuliyeeyo, ye onaaye mannawe.”

1 Akorintiyu 7:4

Muukha khana owahi khwa mwiili awe mweenyewe, ila mannawe. Khwa nanna etthiipo, nlume khana owahi khwa mwiili awe mweenyewe, ila muukha awe.

Matewuzhu 19:8

Yinsa khuwaajipu yoori: “Munsa aruma yoori mweeyo mwimwaashe muukha enu mwaasa wa wuuma wa rooho zenu. Ila khazaari toowo omwanzweene.

Matewuzhu 19:10

Anakhiyoni a Yinsa khuri: “Nkhama pi etthiipo khwa muukha na nlume, afwataali ohilooli.”