Matewuzhu 19:29 - Hapari Zooshapweya

²⁹ Ooshi apale alikhiyeeyo vaje vaya, attwi zaya, alupu aya, papaaya, mamaaya, aanaaya ama mashapa aya, mwaasa wa miiyo, anlawa apwekhere swaafu miiya na orithi ohaayi wa mileele.

Matewuzhu 19:29 Referans Kwoze

Afiliipu 3:8

Khahiyo etthiiporu, ila vitthu zooshi kinoona ohiina fwayita, amana kilattanisa na owula wa ojuwa wa Al-Masiihu Yinsa, Mbwanaaka, mwaasa wa ye zakaashikha vitthu zooshi. Miiyo kinoona zooshi nkhama vitutu, yoori kimpatthe Al-Masiihu

Luuka 14:26

“Otule antakhaaye okilotta, ona ya okipheta channu zayita papaawe, mamaawe, muukhaawe, aanaawe, attwiize, alupuwe, ama ohaayi awe, noohiretti etthiipo khaniiya nakhiyoni aka.

Matewuzhu 16:25

Maana otule antakhaaye wuusuru ohaayi awe ontta ompwetheya, ila otule onimpwetheyaaye ohaayi awe mwaasa wa miiyo ontta wuusurukha.

Matewuzhu 6:33

Apho, mweekese khapula Ofwalume wa Nluku na shariya yaya, na vitthu zooshi mwintta weekezeliwa.

1 Pheeturu 4:14

Nkhama mwintta ottukhaniwa mwaasa wa nzina la Al-Masiihu, mwa wooparikhiyiwa, maana Rooho ya ottitthima yiiyiye Rooho ya Nluku entthuluza khwa mweeyo.

Matewuzhu 10:22

Atthu ooshi anttela owiinani mwaasa wa miiyo, ila otule anttelaaye ovilela mpakha mwiisho ontta wuusurukha.

Yaahaya 15:19

Eriwaka mweeyo mwaari atthu a voolumwenku, yo aari otuveliwa ti mweeyo mwaasa wa wiiya aya. Nakataalikha mweeyo khahi mwa atthu a olumwenku, ila miiyo koothawulani khulazani vakatthi wa atthu a olumwenku. Tiito atthu a olumwenku aniiphiiriwaaye ti mweeyo.

Luuka 6:22

Ooparikhiyiwa ti mweeyo, amana atthu eephiiriwaka ti mweeyo, awiikarani, oottukhanani na khuwoonani ohifwayi mwaasa wonlotta Mwaana wa Pinaatamu.

Matewuzhu 5:11

“Ooparikhiyiwa ti mweeyo amana mwittukhaniwaka, olupatthiwa na olupeziwa wakhula nanna ya ohankawaani mwaasa wa miiyo.

1 Akorintiyu 2:9

Nkhama yaatikhiweezo yoori: “Maasho khooneeni, mashiilo khasiileeni wala eeswa moote khiphelelezeeni etile Nluku awatthenkezeliyeeyo apale animphetaaye.”

Khaazi 9:16

Kinlawa kanthoonyeze Sawulu nanna anttelaaye ohoowa mwaasa wa nzina laka.”

Matewuzhu 25:34

“Aphano Mfwalume onttela owooza apale anttelaaye wiiya nkhono nlume yoori: ‘Mwite mweeyo ooparikhiyiwa ti Paapa! Mwipwekherele ofwalume nkhama eritho mwitthenkezeliweeyo thanku wumpiwa wa olumwenku.

Matewuzhu 19:16

Ntthu nkina khumwaattama Yinsa khumuuzela yoori: “Mwaaliimu, kirette niini yooshapweya yoori kipatthe ohaayi wa mileele?”

Matewuzhu 13:23

Ila etile yaakweliyeeyo vahali wooshapweyavo pi apale ansiilaaye nttakhuzi khuweeleya, khwiima mishumo miiya, khwiima siithiini, talaathiini khwa muutthi mmote.”

2 Akorintiyu 5:16

Khwa etthiipo, waaza nasaapi mpakha ninttaawo, khaavo theenya ninintthanttaaye na shawuri za onaatamu, na hatha raku Al-Masiihu nanjuwa khwa nanna ethiito, ila nasaapi eti khanininjuwa toowo.

Matewuzhu 25:46

“Apa aneetta ohukhumu khwa mileele, ila makhaamili anttela wiiyana ohaayi wa mileele.”

Matewuzhu 13:8

Kiina khukwela vanshaka wooshapweya, khwiima mishumo zooshapweya, miiya, mikina siithiini, mikina talaathiini wakhula mmote!

3 Yaahaya 1:7

Maana yo aaza safwari yaya ya onrumeyela Al-Masiihu woohikhupaleli hatha awuni moote ya amalapo.

Luuka 5:11

Khuwelelisa nyaatiya zaya vapatari, khulikha vitthu zaya zooshi khusala anlotta Yinsa.

Yaahaya 4:36

Otule anuurulaaye ompwekhera phakari yawe na onuurula mishumo za ohaayi wa mileele, khwa nanna namuurula anttelaaye ofurahi vamote na anamazala.