Matewuzhu 16:24 - Hapari Zooshapweya

²⁴ Aphano Yinsa khuwooza anakhiyoni awe yoori: “Nkhama ntthu ontakha okilotta, ajikatthale mweenyewe, athuule nsalapa awe akilotte.

Matewuzhu 16:24 Referans Kwoze

Matewuzhu 10:38

Otule ahinvikelaaye nsalapa awe akilotta, khansuhi wiiya namalottela aka.

Luuka 14:27

Na otule ahinthuulaaye nsalapa awe akilotta khaniiya nakhiyoni aka.

Maaruku 10:21

Yinsa khumweekesa na khumpheta. Khumuuza yoori: “Enuusaleela etthu moote. Olawe woozanyise vitthu zawo zooshi, nzurukhu aya owenkhe asikhini na weeyo ontta wiiyana njuju pinkuuni; nawiisha ote okilotte.”

2 Timootiyu 3:12

Weekhweele apale antakhaaye wiikhala wa emaani khwa Yinsa Al-Masiihu aniiya oolupatthiwa.

Maaruku 8:34

Aphano khuwaakhuwela atthu na anakhiyoni awe khuwooza yoori: “Nkhama ntthu ontakha okilotta, ajikatthale mweenyewe, athuule nsalapa awe akilotte.

Khaazi 14:22

Awaakhomaazaka na owaatumerela anakhiyoni yoori ajilipisane amini na awoozaka theenya yoori: “Ennihithajiya ovirela tafwawuthi zawaatta yoori neette muufwalume wa Nluku.”

Akoloosu 1:24

Aphano kinfurahi khwa ohoowa waka khwa mweeyo, na kinlikanisela mmwiili mwaka etile ensalaaye khwa ohoowa wa Al-Masiihu, zwaamu ya mwiili awe, wiiyiyeeyo ojama wa Nluku.

Yaahaya 19:17

Yinsa khusaruwa attikhiwe nsalapa awe, khusala alawaniwa puuro yaari wiitthiwaaye Kalavaariyu, khwa luuka ya meepereewu yaari wiitthiwa Kolokoota,

1 Atizaloonika 3:3

yoori ahiiyevo anttelaaye osakhinyiwa ti miswipa zaya epo. Maana mweeyo mwinjuwa saaneene yoori nathawuleliwa oretta etthiipo.

Matewuzhu 27:32

Alawaka, khukutthanana mwinyi mmote wa Sireene aari wiitthiwaaye Simawu, khunkhanyarela othuula nsalapa wa Yinsa.

Maaruku 15:21

Khukutthanana mwinyi mmote wa Sireene aari wiitthiwaaye Simawu, papaawe Alishantere na Ruufu, aari olankhaaye omashapa. Khunkhanyarela othuula nsalapa wa Yinsa.

Luuka 23:26

Yinsa khuthuuliwa olawaniwa, eettaka olawaniwa etthiipile, khusikaniwa mwinyi mmote wa Sireene aari wiitthiwaaye Simawu, aari olankhaaye omashapa. Khukholiwa khuthuulisiwa nsalapa opule yoori anlottisele Yinsa.

Yaahaya 21:19

Yinsa aalupiye toowo yoori athoonyeze nanna ya ofwa Pheeturu aari weettelaaye onsifwana Nluku. Nawiisha, khumuuza yoori: “Okilotte!”

Yaahaya 21:22

Khunjipu Yinsa yoori: “Hatha nkhama miiyo katakha yoori ye eeye haayi mpakha miiyo oruti, weeyo enuujali niini? Ila weeyo okilotte miiyo.”

1 Pheeturu 2:21

Tithiito mwikhuweleliweeyo, maana Al-Masiihu ahoowa khwa zwaamu yenu mweeyo, alikhaka nthoonyezo, yoori mweezele mwentto awe.