Matewuzhu 16:21 - Hapari Zooshapweya

²¹ Waaza wakathi otthuupule, Yinsa khwaaza oweeleza anakhiyoni awe yoori yaari ohithajiya olawa Yeruzaleemu ahoochaniwe vitthu zawaatta mmakhono wa attunkhulu a tiini, mahaakhimu a tiini na anamanozela a kano, ooliiwe, siikhu ya ttaatthu asisimuwe.

Matewuzhu 16:21 Referans Kwoze

Matewuzhu 17:12

Ila miiyo kiniwuuzani yoori Aliyaasi ata, yo khuhinjuwi, ila khunrettela zooshi epile atakhaziyeeyo. Khwa nanna etthiipo Mwaana wa Pinaatamu onttela ohoochiwa pi atthaapo.”

Matewuzhu 27:63

Yo khumuuza yoori: “Mbwana, ninfikhiri yoori wakathi aariiye haayi, namattettekha otule aalupiye yoori siikhu ya ttaatthu ontta osisimuwa.

Matewuzhu 20:28

Nkhama etthiipo, Mwaana wa Pinaatamu khateleeni orumeyeliwa, ila orumeya na winkha ohaayi awe khwa owaakaphula atthu awaatta.”

Luuka 17:25

Ila mwanzo ye ona yoohoowa venkivene na okatthaliwa pi atthu a leelo.

Luuka 24:46

Khuwooza araka: “Yaatikhiwa yoori Al-Masiihu aarina yoohoowa na siikhu ya ttaatthu osisimuwa vakatthi wa ananfwa,

Maaruku 8:31

Aphano ye khwaaza owaasomisa yoori yaari ohithajiya Mwaana wa Pinaatamu ohoochiwa pi vitthu zawaatta na okatthaliwa pi anamanozela a tiini, attunkhulu a tiini, mahaakhimu a kano, ooliiwe, ila siikhu ya ttaatthu asisimuwe.

Luuka 9:31

Aatiiye nnuuru ya pinkuuni khusala amuuza Yinsa khwa nanna aari weettelaazo ohoowa na ofwa Yeruzaleemu nkhama etthiipo Nluku asharutheliyeeyo.

Matewuzhu 26:47

Eettaka ottakhula etthiipile, khuta Yuuda, mmote wa apale khumi na awiri, vamote na khuntti khuluyeene athuuliye phanka na puutta, zaaperekhiweeyo ti mahaakhimu a tiini na attunkhulu a tiini.

Matewuzhu 26:2

“Nkhama mwinjuwaazo, ensaleela siikhu piiri ofiya siikhu ya njampo la Paashikowa, Mwaana wa Pinaatamu onttela winkheleliwa yoori akhomeliwe.”

Matewuzhu 27:12

Ila eettaka olokoveziwa etthiipile pi mahaakhimu a tiini na attunkhulu a tiini, ye khuhijipu.

Matewuzhu 16:28

Miiyo kiniwuuzani khweele yoori, awaapho apha atthu akina ahinttelaaye ofwa ahimooneni khapula Mwaana wa Pinaatamu ataaka muufwalume mwawe.”

Matewuzhu 12:40

Maana nkhama etthiipo Yuunusa ekhaliyeeyo siikhu ttatthu nthana na osikhu mmatthupo wa swi, khwa etthiipo Mwaana wa Pinaatamu onttela wiikhala siikhu ttatthu nkhapuri.

Matewuzhu 16:22

Aphano Pheeturu, khunkhuwelela othetekele khusala anshowera araka: “Wala Mbwanaaka aka! Khinteela wuurettikhanela!”

Matewuzhu 17:9

Eettaka wiishukha vamwaako aphale, Yinsa khuwooza yoori: “Mwihimuuze hatha ntthu epile mooniyeeyo, mpakha Mwaana wa Pinaatamu asisimuwe muufwa.”

Matewuzhu 28:6

Ye khaamo mphu, asisimuwa, nkhama etthiipo aalupiyeezo. Mwite moonevo apha aattattikheliweevo.

Maaruku 9:12

Yinsa khuwaajipu yoori: “Khweele Aliyaasi ona ya ota khapula, amana ata onrutisela opheeya vitthu zooshi. Khi mwaasa aya niini yaatikhiwaka yoori Mwaana wa Pinaatamu ona ya ohoowa channu, okatthaliwa na otarawiwa?