Matewuzhu 16:16 - Hapari Zooshapweya

¹⁶ Simawu Pheeturu khujipu yoori: “Weeyo o Al-Masiihu, Mwaana wa Nluku wa ohaayi.”

Matewuzhu 16:16 Referans Kwoze

Matewuzhu 14:33

Apale aari mmwaatiya khumwaaputu alupaka yoori: “Khweele weeyo o Mwaana wa Nluku.”

Yaahaya 11:27

Ye khujipu yoori: “Miiyo, Mbwana kinkhupali yoori o Al-Masiihu, mwaana wa Nluku, aari weettelaaye ota voolumwenku.”

1 Yaahaya 4:15

Wakhula otule antukhurwaaye yoori Yinsa Mwaana wa Nluku, Nluku onlipa khwa ntthu aya oto, na oto onlipa khwa Nluku.

Matewuzhu 27:54

Nttunkhulu wa anajanka na apale aari omweekeselaaye Yinsa, nawoona esikinyaatthi na zooshi zaarettikhaniyeeyo, khwiiya awoova channu khulupa yoori: “Weekhweele, ntthu otu aari mwaana wa Nluku!”

1 Timootiyu 4:10

Tiito ninjuumanisaaye na okhola khaazi mwaasa yoori nroromelo eetthu nattha wa Nluku wa ohaayi. Ye Namuusuru wa anaatamu ooshi, haaswahaaswa khwa apale animwaaminaaye.

Khaazi 9:20

Wakathi otthuupule khwaaza olaleya mmasinakooka araka Yinsa Mwaana wa Nluku.

1 Atizaloonika 1:9

Maana atthaapo anthatela nanna mweeyo mwinipwekhereliyeezo, na nanna mwiruteliyeezo mmakhono wa Nluku, khulikha sanamu yoori mwinrumeyele Nluku wa ohaayi na weekhweele,

Matewuzhu 26:63

Ila Yinsa nalelo khwiiya woonyamala. Haakhimu nwulu wa tiini khumuuza yoori: “Kinuuvekela yoori weeyo olaphe khwa Nluku woohaayi, nkhama weeyo o Al-Masiihu, mwaana wa Nluku, onuuze.”

1 Yaahaya 5:5

Paani aniwahaaye oshintta olumwenku? Otule akhupaliyeeyo yoori Yinsa mwaana wa Nluku paasi.

Meepereewu 10:31

Etthu ya woopisa okwamo mmakhono wa Nluku wa ohaayi!

Arooma 1:4

na khuthoonyeziwa khwa Rooho ya ottakatthifu wiiya Mwaana wa Nluku na owahi wakathi asisimuwiyeeyo muufwa. Ye ti Yinsa Al-Masiihu Mbwana eetthu,

Maaruku 14:61

Ila Yinsa nalelo khwiiya woonyamala, khuhijipu hatha etthu. Haakhimu nwulu wa tiini khurutela omuuzela theenya yoori: “Weeyo o Al-Masiihu, mwaana wa Nluku Wooparikhiyiwa?”

Yaahaya 20:31

Ila epi zaatikhiwa yoori mweeyo mwikhupali yoori Yinsa ti Al-Masiihu, Mwaana wa Nluku na yoori amana mwinkhupali mwiiyane ohaayi khwa nzina lawe.

Yaahaya 1:49

Attaaphale Natanayeele khushanka khuri: “Rabi, weeyo o Mwaana wa Nluku. Weeyo O Mfwalume wa Ezirayiilu!”

Meepereewu 12:22

Ila mweeyo mwafiya vamwaako Siyoni na sitati ya Nluku wa ohaayi, Yeruzaleemu ya pinkuuni, ariiwo malayikha oohalakeyi ottuukho aathukumaniyeeyo na furaha,

1 Timootiyu 3:15

ila amana kirupaza, warakha eto entta owuuza nanna yoojeettettisa vakatthi wa ojama wa Nluku. Eti yiiyiyeeyo khuntti ya Nluku khwa ohaayi, nripu na nchina lookhweele.

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.

2 Akorintiyu 6:16

Okusanyeyani oriivo Nyuupa Yoosifwiwamo Nluku na sanamu? Maana fweeyo na a Nyuupa ya Nluku woohaayi. Nkhama etthiipo alupiyeezo Nluku yoori: “Kiniikhalana yo na keettette vakatthi vaya, kinttela wiiya Nluku aya na yo anttela wiiya atthu aka.”

2 Akorintiyu 3:3

Mweeyo mwathoonyeza yoori mwa warakha ya Al-Masiihu, fwayita ya khaazi yeetthu yoohaatikhaniwi wiino, ila khwa Rooho ya Nluku haayi; yoohaatikhiwi va lipawu la liwe, ila va lipawu la rooho za anaatamu.

Khaazi 14:15

araka: “Mweeyo, niini epi zaya mwinrettaazo? Fweeyo na anaatamu nkhama mweeyo. Ila nootiseliyeni hapari zooshapweya, zinlupaaye yoori mwilikhe oretta vitthu zoohiina maana mwirutela olottela mwentto wa Nluku wa ohaayi, otule ompiyeeyo pinku na vathi, pahari na vitthu zooshi ziriiye va olumwenku.

Matewuzhu 4:3

Namazayini khumwaattama khumuuza yoori: “Nkhama weeyo o Mwaana wa Nnyizinku, orume mawe apo athatuwe eeye phaawu.”

Khaazi 8:36

Ari ntarikhi eettaka olawa, khufiya vahali aarivo maati. Mwiitiyoopiya otu khumuuza Filiipe yoori: “Apha awaapho maati. Niini enkhattazaaye woosiwa miiyo?”

Yaahaya 6:69

Fweeyo ninkhupalela na ninjuwa yoori o Ttakatthiifu wa Nluku.”

Matewuzhu 1:16

na Yaakhumpa khunvokola Yuusufu, manna wa Mariyamu, otule anvokoliyeeyo Yinsa, othuuto aniitthiwaaye Al-Masiihu.

Matewuzhu 16:15

Khurutela owoozela theenya yoori: “Khi mweeyo mwinri miiyo ki paani?”

Luuka 2:11

Leelo ethiiti, sitati ya Daawuuda avokoliwa Namuusuru eeyiye Al-Masiihu, Mbwana!

Yaahaya 6:57

Nkhama Paapa akiperekhiyeeyo eeyiyeeyo haayi, na miiyo kiniikhala mwaasa wa ye. Khwa etthiipo otule anrafunaaye mwiili aka oniiyana ohaayi mwaasa wa miiyo.

Yaahaya 6:68

Simawu Pheeturu khujipu yoori: “Ninttela onlotta paani? Weeyo onaaye mattakhuzi a ohaayi wa mileele.

2 Akorintiyu 1:19

Maana mwaana wa Nluku, Yinsa Al-Masiihu atafusiriweeyo vakatthi venu ti miiyo, na Siila mpakha Timootiyu khayaari “aaa” na “wala”, ila khwa ye wakhula wakathi yaari “aaa”!

Meepereewu 3:12

Phoole attwiizaku, khwa mweeyo ahiiyevo ntthu mmote wawiiyana rooho yootakhala na yoohikhupali, ya wuuphakulanani Nluku wa ohaayi.

Meepereewu 9:14

Nkhama epi pi toono, mwipheleleze aphano yoori yootepa owula theenya ti owahi wa taamu ya Al-Masiihu, khwa vakatthi wa Rooho ya mileele ye ajinkha mweenyeweene khwa Nluku nkhama twaha yoohiina hatha jaraha, ye atwaharesha akhili zeetthu mwaasa wa khaazi ennilokozaaye muufwa yoori ninrumeyele Nluku wa ohaayi.

Othoonyeziwa 7:2

Na khoona nlayikha likina liwelelaka lintthamuwaawo njuwa, liriina ephariselo ya Nluku ariiye haayi. Ye khukuwela na huula yoosileya malayikha apale mane, atthaapo enkhiweeyo owahi wa oharipu tuniya na pahari:

Khaazi 8:37

Filiipe khunjipu yoori: “Khahi haraamu amana okhupali na rooho yawo yooshi.” Ye khujipu yoori: “Miiyo kinkhupali yoori Yinsa Mwaana wa Nluku.”