Matewuzhu 15:36 - Hapari Zooshapweya

³⁶ Khuthuula phaawu epile sapa na swi khushukhurwela khumeya khuwenkha anakhiyoni awe, khusala awaawanyeza atthu.

Matewuzhu 15:36 Referans Kwoze

Arooma 14:6

Otule anoonaaye siikhu yoori ena fwayita khwa Mbwana arette etthiipo. Otule anjaaye nyama khwa Mbwana aje, maana oninshukhurwela Nluku, na otule ahinjaaye khwa Mbwana ahije, na anshukhurwele Nluku.

Luuka 22:19

Athuuliyeevo phaawu, khunshukhurwela Nluku, khumeya khuwenkha khuwooza yoori: “Opu mwiili aka onttelaaye ovahiwa khwa mweeyo. Mwisala mwiretta etthiipi mwikifikhiraka miiyo.”

Khaazi 27:35

Alupiyeevo mattakhuzi apale, khuthuula phaawu khunshukhurwela Nluku vakatthi wa ooshi aya. Aphano khumeya khwaaza orafuna.

Yaahaya 6:11

Aphano Yinsa khuthuula phaawu khunshukhurwela Nluku, khwaawanya na khuretta etthiipo khwa swi, wakhula ntthu khwa khiima aari otakhaaye.

1 Akorintiyu 10:31

Etthiipo, hatha nkhama mweetta oja, mweetta onywa, ama oretta wakhula etthu, mwirette zooshi khwa siifwa ya Nluku.

Yaahaya 6:23

Elottelanaka, kalawa kiina za sitati ya Tiperiyaati khufiya kharipu ya aphale atthu aari orafunaavo phaawu wakathi Mbwana Yinsa ashukhurweliyeevo.

Luuka 24:30

Wakathi eekhaliyeevo vameeza vamote na atthaapale awiri, khuthuula phaawu khuparikhiya, khumeya khuwenkha.

Luuka 22:17

Athuuliyeevo jiikira khunshukhurwela Nluku, khuwooza yoori: “Mwithuule mwaawanyena.

Matewuzhu 14:19

Khuruma yoori atthu apale eekhale va nyaani, khuthuula phaawu epile thaanu na swi epile piiri, khweekesa otulu, khuparikhiya. Khumeya phaawu epile. Elottelanaka khuwenkha anakhiyoni awe, yo khusala awenkha atthu.

Matewuzhu 15:35

Yinsa khuruma yoori atthu apale eekhale.

1 Akorintiyu 14:16

Amana weeyo onsifwaka Nluku khwa rooho, nannani ntthu antthaaye waazaru otamo anttelaaye owahi olupa yoori amiina khwa lompa yawo ya oshukhurwela, woone yoori khanjuwa etthu weeyo onlupaaye.