Matewuzhu 13:52 - Hapari Zooshapweya

⁵² Ye khuwooza yoori: “Tiito wakhula namanozela a kano anozeliweeyo monkoni wa ofwalume wa pinkuuni onlattanana mweenyewe nyuupa anlazaavo va njuju vawe vitthu pheeya na vitthu zaraku.”

Matewuzhu 13:52 Referans Kwoze

Tiitu 1:9

na ona ya okholelela wookhomaalavo nttakhuzi la waamineya, khwa nanna asomisiweeyo, yoori eeyane makhaamu a owaalipisela azuwakhe khwa mwentto wooshapweya na owaakheeti apale anshinttananaaye.

Matewuzhu 12:35

Ntthu wooshapweya rooho, mmujuju mwawe ensarulamo vitthu zooshapweya, wootakhala rooho mmujuju mwawe ensarulamo vitthu zootakhala.

Luuka 11:49

Tiito Nluku alupiyeeyo nkatthi wa akhili zawe yoori: ‘Kinlawa kawaaperekhe manapiyu na maaswihaapa; yo anteela owoola akina, aweekarise akina aya.’

Matewuzhu 23:34

Tiito miiyo kooperekhezani manapiyu, anaakhili na anamanozela a kano. Akina mwinteela owoola, mwiwaakhomele, mwiwaajaphe nsinakooka mweenu na mwiwaalupatthaka sitati khwa sitati.

Akoloosu 3:16

Hapari za Al-Masiihu ziikhale saaneene nroho mweenu, mwisomisane na mwilakane mmote na nzeenu na akhili zooshi mwiipaka zaapuura, kaswiita na maliipo a siifwa na onshukhurwela Nluku nroho mweenu.

Akoloosu 1:7

Mweeyo mwanozeliwa ti Epaafara, jiraani eetthu ninkholanaaye khaazi, karumeya wa waamineya wa Al-Masiihu khwa mweeyo,

Ayeefezu 3:8

Keeyaru pure woopushuwa vakatthi wa attakatthiifu ooshi, Nluku akinkha rehema eti ya owaatafusirela amalapo hapari zooshapweya za maali zoohaalakeyi ziriyeeyo wa Al-Masiihu,

Yaahaya 13:34

Kiniwinkhani oruma mpheya: mwiphetane mmote na nzeenu. Nkhama etthiipo kuuphetiyeenini, mwiphetane mmote na nzeenu.

Ayeefezu 3:4

Amana mwisoma mattakhuzi aya apo, mwintta ojuwa nanna miiyo enikeeleyaazo siiri za Al-Masiihu.

2 Akorintiyu 6:10

ohuzunikhisiwa, ila niri ofurahi wakhula wakathi; asikhini, ila niwaarelisaka atthu awaatta; ohiina etthu, ila zooshi nipatthaka.

1 Timootiyu 3:6

Namalokozela wa ojama wa Nluku ahiiye ntthu antthaaye onjuwaru Yinsa, maana enwaheya ompattha ojikhupali, khukwelana ophukiwa otthuupo aphukiweeyo sheethwani.

Matewuzhu 13:51

Aphano Yinsa khuwoozela yoori: “Zaweeleyani vitthu zooshi kilupiyeeyo?” Yo khujipu yoori: “Aaa!”

Matewuzhu 13:53

Paata ya Yinsa wiisha olupa milikaniso epile, khulaawo okhule waya.

Matewuzhu 28:19

Nakataalikha, mwilawe mwawaarette anakhiyoni khwa khapila zooshi, mwiwoosaka khwa nzina la Paapa, la Mwaana, na Rooho Ttakatthiifu,