Matewuzhu 13:23 - Hapari Zooshapweya

²³ Ila etile yaakweliyeeyo vahali wooshapweyavo pi apale ansiilaaye nttakhuzi khuweeleya, khwiima mishumo miiya, khwiima siithiini, talaathiini khwa muutthi mmote.”

Matewuzhu 13:23 Referans Kwoze

Afiliipu 1:11

Mwiiye awiitaala mishumo za shariya, mishumo zinlankhaaye wa Al-Masiihu Yinsa, yoori wiiye ottitthima na siifwa ya Nluku.

Yaahaya 15:16

Khahiyo mweeyo mwikithawuliyeeyo miiyo, ila miiyo ti kuuthawuliyeenini mweeyo na khuutthomani yoori mwilawe mweeme mishumo, mishumo zoolipaneya, yoori Paapa awahi owinkhani wakhula etile mwinvekaaye khwa nzina laka.

Matewuzhu 12:33

“Muutthi wooshapweya oniima mishumo zooshapweya, muutthi wootakhala oniima mishumo zootakhala, maana wakhula muutthi onjuwiwa khwa mishumo zaya.

Matewuzhu 13:8

Kiina khukwela vanshaka wooshapweya, khwiima mishumo zooshapweya, miiya, mikina siithiini, mikina talaathiini wakhula mmote!

Akoloosu 1:6

zuufiyeliyeenini mweeyo. Hapari zooshapweya mwipwekhereliyeeyo eniima mishumo na emwazeyele olumwenku wooshi. Etthiipo erettikhaniyeezo khwa mweeyo, thanku siikhu mwisiiliyeeyo elupiwaka monkoni wa rehema ya Nluku na mwajuwa wa khweelevo.

Matewuzhu 3:8

Mwithoonyeze khwa khaazi zenu yoori weekhweele mwathupwiya twampi zenu!

Luuka 13:9

Mwaakha nkina amana wiima mishumo ti yooshapweya; amana ohiimi okakatte.’ ”

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.

2 Pheeturu 3:18

Ila mwiwule nkatthi wa rehema na muujuwa wa Mbwana eetthu Namuusuru Yinsa Al-Masiihu. Othuuto ti enkhiwe siifwa, waaza nasaapi mpakha mileele! Amiina.

Akoloosu 1:10

Na etthiipo, mwiwahi wiikhala nanna ensuhaaye khwa Mbwana na mwirettaka etile enintuvelaaye, mwiimaka mishumo zooshi zooshapweya na mwiwulaka khwa ojuwa wa Nluku.

Meepereewu 8:10

“Osiilana kinttelaaye oretta na atthu a Ezirayiilu, paata ya siikhu zaya epo pi opu,” Mbwana alupa, “Mwaakhili mwaya kinttela otthaamo kano zaka na kaatikhe nroho mwaya. Miiyo kintta wiiya Nluku aya na yo anttela wiiya atthu aka.

Meepereewu 4:2

Maana natafusireliwa hapari zooshapweya etthiipo atafusireliweezo yo, ila hapari epo asiiliyeeyo khattheleeni fwayita, maana khalokoziweeni ti amini apale asiiliyeeyo.

2 Atizaloonika 2:10

Ye onteela orumeyela nanna zooshi za ottettekha zohiiyi za shariya khwa apale ampwetheyaaye, maana akatthala pheta ya haakhi yaari weettelaaye owoosuru.

1 Atizaloonika 4:1

Wiishela waya attwiizetthu, noonozelani nanna ya wiikhala khwa ontuvelisa Nluku, na wekhweele, mweeyo mwineettetta etthiipo. Nasaapi ninuuvekelani na ninuutumerelani mweeyo khwa Mbwana Yinsa yoori mwiwulele etthiipo theenya wakhula swaafu.

Afiliipu 4:17

Khahiyo yoori miiyo kineekesa winkhiwa zaakha, ila kintakha woona fwayita yeettaka weekezeleya khwa phantte yenu mweeyo.

2 Akorintiyu 9:10

Otule aniwinkhaaye peewu apale anzalaaye na etthu yoojiwa, theenya oneekezela peewu ya khaazi zenu zooshapweya na onteela owulisa mishumo za shariya yenu.

Khaazi 17:11

Atthu a Bereeya khaarina shawuri zoofukeya zayita atthu a Tizaloonika; yo aapokhereliye nttakhuzi la Nluku na niiya khuluyeene, khusala apheleleza siikhu zooshi Zawaatikhiwa Ttakatthiifu yoori oone nkhama zooshi zaari etthiipi.

Khaazi 16:14

Muukha mmote aari wiitthiwaaye Liitiya aari woonisiileza saana. Aari wuuzanyisaaye kuwo zawooneela wa sitati ya nti wa Tiyatiira. Liitiya aari woomoova Nluku, Mbwana khunfukula rooho yawe yoori apwekherele etile Paawulu aari olupaaye.

Yaahaya 8:47

Otule eeyiyeeyo wa Nluku onsiila mattakhuzi a Nluku. Mweeyo khamwinsiileza maana khayi mwa a Nluku.”

Luuka 8:15

Peewu epi zaakweliiye vanshaka wooshapweya, zinlikanisaniwa atthu apale ansiilaaye nttakhuzi la Nluku khuthokorela nroho mwaya khushututela na ovilela, apo aniima mishumo zooshapweya.

Maaruku 10:15

Kiniwuuzani khweele yoori, otule ahimpwekherelaaye ofwalume wa Nluku nkhama nsimaana, khanteela weettamo.”

Maaruku 4:20

Awaapho theenya atthu akina, anlikananaaye peewu ezaliweeyo nti wooshapweya. Apo aya ansiila nttakhuzi khukhupalela na khuttheerisa talaathiini, siithiini na mpakha miiya khwa etile aazaliyeeyo.”

Matewuzhu 3:10

Nshokha latthiiwa nshini wa mitathaari za miitthi. Wakhula muutthi ohiniimaaye mishumo zooshapweya ontta oshijiwa weeseleliwe va moottho.

Meepereewu 6:7

Nluku omparikhiya nti ompwekheraaye vuula swaafu zawaatta, khootthisa miitthi za fwayita khwa apale anlimaaye attaapho.

Luuka 8:8

Kiina khukwela vanshaka wooshapweya, khuwula khwiima mishumo miiya wakhula mmote.” Alupiyeevo toole, ye khukhuwelela araka: “Ariina mashiilo ti asiile!”