Matewuzhu 11:5 - Hapari Zooshapweya

⁵ Ananhooni anoona, anamarakala aneettetta, anamaaharaja antta otwahareshiwa, ananhisiili ansiila, ananfwa ansisimuwa, na hapari zooshapweya antafusireliwa asikhini.

Matewuzhu 11:5 Referans Kwoze

Luuka 4:18

“Rooho ya Mbwana eri vamote na miiyo, akithawaza yoori kiwaatafusirele hapari zooshapweya asikhini na owaatafusirela otaphuliwa wa anamahuzunikha, owoonisa apale oohooni, owaavumulisa apale oohukhumwiwa,

Tiyaaku 2:5

Mwisiile, attwiizaku aphetani aka, Nluku awaathawula apale eeyiye asikhini yoori eeye mathaajiri nkatthi wa amini na weetta muufwalume awaahitiyeeyo apale animphetaaye.

Matewuzhu 21:14

Ananhooni na anamarakala khumwaattama Yinsa Nnyupa Woosifwiwamo, ye khuwaavonisa.

Yaahaya 10:38

Ila nkhama kinretta, hatha nkhama khamwinkikhupali miiyo, mwikhupalele khaazi ethiito, yoori mwiwahi ojuwa na oweeleyani yoori Paapa ori vamote na miiyo na miiyo kiri wa paapa.”

Yaahaya 10:25

Yinsa khuwaajipu yoori: “Miiyo kawuuzani, ila mweeyo khuhikhupali. Khaazi kinkholaazo miiyo khwa nzina la Paapa enhakikhi monkoni wa miiyo.

Yaahaya 5:36

Ila miiyo kinaaye oshaahiti nwulweene zayita Yaahaya, mwaasa wa khaazi akinkhiyeeyo Paapa yoori kikhole. Ethiito oshaahiti yoori Paapa ti akirumiyeeyo.

Yaahaya 3:2

Ye khulawa okutthanana Yinsa osikhu na khumuuza yoori: “Rabi, ninjuwa yoori onsomisa khwa phantte ya Nluku, maana khina anwahaaye oretta alama za minjuza nkhama epo, aheetteeni Nluku wiiya vamote na ye.”

Yaahaya 2:23

Wakathi Yinsa aari Yeruzaleemu, onjampo la Paashikowa, atthu awaatta khukhupali khwa nzina lawe mwaasa wa woona alama za minjuza epile aari orettaazo.

Maaruku 9:25

Wakathi Yinsa ooniyeevo yoori khuntti khuluyeene yeetta okusanyeya, khunsukisa sheethwani araka: “Sheethwani woohittakhuli na woohisiili, miiyo kinuuruma yoori onlikhe na ohinrutele theenya.”

Maaruku 7:37

Atthu ooshi aari osiilaaye aari wiiya ootikinisiwa channu na khusala alupa yoori: “Ye onretta vitthu zooshi saana, mpakha oniwaattakhulisa apale oohittakhuli na owaasiilisa apale oohisiili.”

Matewuzhu 10:8

Mwiwaavonisaka anamarati, mwiwaasisimulaka ananfwa, mwiwaatwahareshaka anamaaharaja, mwiikare masheethwani. Mweeyo mwapokhera mahala na mwina ya winkha mahala.

Matewuzhu 9:30

Maasho aya khwiiya oovona. Aphano Yinsa khuwooza saaneene yoori: “Phoole ahiiyevo anttelaaye ojuwa vitthu epi.”

Zaapuura 22:26

Anamahoowa anteela oja mpakha orupala; Aninsifu Nnyizinku apale animweekesaaye! Ti yiiye haayi rooho yenu khwa mileele!

Matewuzhu 5:3

“Ooparikhiyiwa pi apale eeyiye asikhini nroho, maana ofwalume wa pinkuuni pi waya.

Khaazi 2:22

“Mweeyo, atthu a Ezirayiilu, mwisiileze mattakhuzi apa: Yinsa wa Nazareeti, ahakikhiwa ti Nluku vakatthi venu mweeyo khwa alama zawaatta na minjuza, etthiipo Nluku mweenyeweene arettiyeezo khwa ye vakatthi venu mweeyo nkhama etthiipo mwinjuwaazo.

Olaawo 4:11

Nnyizinku khunjipu yoori: “Paani amwinkhiyeeyo milomo pinaatamu? Paani amwinkhiyeeyo ottakhula wala paani awuumpiyeeyo apale oohisiili? Wala apale awoona ama apale oohooni? Khahiyo miiyo Nnyizinku?

Matewuzhu 11:4

Yinsa khuwaajipu araka: “Mwiruti mwamuuze Yaahaya epi mwinsiilaaye na mwinoonaaye:

Matewuzhu 12:13

Aphano khumuuza mwinyi otule yoori: “Wookole nkhono awo.” Ye khookola, khuvonisiwa, khwiiya sawasawa na opu nkina.

Yaahaya 9:7

Aphano khumuuza yoori: “Olawe wajoose nkulaathayini ya Siloowe” (liriina maana a “orumiwa”). Mwinyi otule khulawa khujoosa khuruti eettaka woona.