Matewuzhu 10:26 - Hapari Zooshapweya

²⁶ “Nakataalikha mwihiwoove apo aya. Maana khayiivo yoovithiwa ehinteelaaye othoonyeziwa wala ya siiri ehinteelaaye ojuwiwa.

Matewuzhu 10:26 Referans Kwoze

Luuka 8:17

Maana khayiivo envithiwaaye ehinttelaaye osaruwela oje, zooshi epile za siiri enttela wiiya payana.

Maaruku 4:22

Maana khayiivo hatha etthu moote yoovithiwa, ehinttelaaye wiiya payana na khayiivo moote yoovithiwa ehinttelaaye ovithuliwa.

1 Akorintiyu 4:5

Nakataalikha, mwihiphuke hatha etthu ohinafiye wakathi khwaamili; mwiwejele mpakha Mbwana ate. Ye onsarulela nnuuru epile zoovithiwa n'yiiza na onthoonyeza shawuri za nroho. Wakathi opo, wakhula ntthu onlawa apwekherele okhupaliwa wawe wa Nluku.

Matewuzhu 10:28

Mwihiwoove apale anuulaaye mwiili, ahina owahi wa wuula nafusi. Khapula mwimoove otule anwahaaye otapanya mwiili na nafusi khweeselela motthooni.

1 Pheeturu 3:14

Khwa zooshi, hatha nkhama mwintta ohoowa mwaasa wa weettettisa shariya, mweeyo mwinttela wiiya oparikhiyiwa. “Mwihoove epile yo anoovaaye, mwihisuthuwe.”

Khaazi 4:19

Ila Pheeturu na Yaahaya khuwaajipu araka: “Mwinoona yoori eto yaya haakhi ya wuushututelani mweeyo khunlikha Nluku?

Khaazi 1:8

Ila amana Rooho Ttakatthiifu ewiishukelani mwinteela winkhiwa owahi, mwiiye mashaahiti aka, waaza Yeruzaleemu na Yudeya yooshi na Samariiya mpakha ohali wiisheliyeewo olumwenku.”

Khaazi 4:13

Attunkhulu apale ooshi khwiiya onshankela Pheeturu na Yaahaya mwaasa wa ominyala aarinaaye maana ari owaajuwa yoori aari vamote na Yinsa.

Luuka 24:47

na khwa nzina lawe onlawa walaleyiwe othupwiya yoori ziswaamihiwe twampi, waaza Yeruzaleemu mpakha khapila zooshi za va olumwenku.