Matewuzhu 10:17 - Hapari Zooshapweya

¹⁷ Mwiiyane phoole, maana atthu anlawa oottheni nnyupa woophukaniwamo na wuujaphani mmasinakooka mwaya.

Matewuzhu 10:17 Referans Kwoze

Maaruku 13:9

“Mweeyo mwiiyane phoole, maana mwinlawa mwenkheleliwe wa anamaphuka na mwinlawa mwajaphiwe mmasinakooka, na mwilawaniwe wa misatoro na wa afwalume, mwaasa wa miiyo, yoori mwiiye mashaahiti.

Matewuzhu 23:34

Tiito miiyo kooperekhezani manapiyu, anaakhili na anamanozela a kano. Akina mwinteela owoola, mwiwaakhomele, mwiwaajaphe nsinakooka mweenu na mwiwaalupatthaka sitati khwa sitati.

Khaazi 26:11

Wakathi mwinkeene kaari weettaka mmasinakooka olawa owaahukhumu attakatthiifu na owaakhanyarela okufuru, katapu kaariina khwa atthu apale yaakifiyelelisiye olawa sitati kiina kiwaalupatthaka.

Yaahaya 16:2

Mweeyo mwinteela wiikariwa nsinakooka; weekhweele, onlawa wafiye wakathi anraaye ntthu amana awuulaani khoona nkhama ankholaaye khaazi ya Nluku.

Luuka 12:11

“Amana mwithuuliwa olawa ophukiwa nsinakooka ama wa afwalume, mwihiiyane shaakha khwa nanna mwinttelaaye ojaakisa ama etthu mwinttelaaye olupa.

Matewuzhu 5:22

Ila miiyo kiniwuuzani yoori wakhula aninkatipukhelaaye ttwiiye oneekesela ophukiwa naye, na wakhula aninttukhanaaye ttwiiye ona ya olawaniwa wa afwalume ophukiwa. Na otule animuuzaaye ttwiiye yoori: ‘Nlolo!’ oninsuhi weetta vamoottho wa motthooni.

Khaazi 22:19

Miiyo khujipu yoori: ‘Mbwana, atthu apa anjuwa yoori miiyo kaari oviraka mmasinakooka noowakhola apale ookhupaliyeeyo na owaajapha na owaattha nkalapooso.

Meepereewu 11:36

akinoko aya etta ottukhaniwa na ojaphiwa, akina ofukiwa na makwinjili khweeseleliwa nkalapooso.

2 Timootiyu 4:15

Wiiyane phoole khwa ye, maana ye onkheeti hapari zeetthu venkivene.

Afiliipu 3:2

Phoole na “anapwa”! Phoole na apo anrettaaye vitthu zootakhala! Phoole na okhiriya woohiina fwayita!

Yaahaya 11:47

Aphano mahaakhimu a tiini na mafwarizeewu khuwaakhuwela Mashawuriiya khusala awooza yoori: “Niri je? Okho owaakho mwinyi oto anrettaaye alama zawaatta za minjuza.

Maaruku 13:12

Ttwi mmote onlawa anleve ttwiiye yoori ooliiwe, na paapa onleva mwanawe. Aana anlawa awaazukuluwele apaapa zaya na awoole.

Matewuzhu 26:59

Mahaakhimu a tiini na Mashawuriiya ooshi aari weekesa oshaahiti woovonyeya khwa Yinsa yoori anhukhumwele ofwa.

Khaazi 17:14

Nasaapiru attwi khumperekha Paawulu yoori alawe nti wa waattamela pahari, ila Siila na Timootiyu khusala Bereeya ottuukhule.

Matewuzhu 20:19

enkheleliwe mmakhono wa amalapo anveyise, anjaphe na akhomeliwe. Ila siikhu ya ttaatthu asisimuwe.”

Matewuzhu 10:18

Mwaasa wa miiyo, mwinlawa mwalawaniwe vakatthi wa misatoro na afwalume, yoori wiiye oshaahiti anttelaaye orumeyela yo na amalapo monkoni wa hapari zaka.

Khaazi 9:2

khunvekela warakha ya ruhusa yoori alawe mmasinakooka ya sitati ya Tamaashiku, amana awaasikanamo anamalottela a Yinsa, waaza alume mpakha aakha awaathuule awaalawane Yeruzaleemu awaatthe nkalapooso.