Maaruku 6:21 - Hapari Zooshapweya

²¹ Omwiisho Herotiiya khupattha kiphenyo siikhu ya oretta mwaakha Herooti. Khuretta njampo na anamalokozela awe awulu, attunkhulu a anajanka na ooshi apale eeyiye afwalume a nti wa Kalileya.

Maaruku 6:21 Referans Kwoze

Mwanzo 40:20

Siikhu ya ttaatthu yaari siikhu Firawuuna aari orettaaye mwaakha, ye khujisa njampo na anakhaazi awe ooshi, khuruma okhuweliwa apale aari nkalapooso namuupa phaawu na namootela zoonywa.

Othoonyeziwa 11:10

Atthu aniikhalaaye va tuniya anteela ofurahi na otthapa na winkhana tthuvo wakhula mmote na nzaawe mwaasa wa ofwa manapiyu apa awiri aari owoopopisaaye atthu aniikhalaaye va tuniya.

1 Pheeturu 4:3

Maana raku mwaharipu wakathi mwinkeene mwirettaka epile eniwaatuvelaaye makaafiri. Wakathi aya opule mwaari wiikhala nkatthi wa khaapa twayifu, tuvela za onaatamu, ohapaliwa, osokho, majampo ohapaliwiwa na waaputu sanamu.

Luuka 3:1

Mwaakha wa khuumi na thaanu wa ofwalume wa Seezari Tibeeriyu, Ponsiyu Pilaatu ari nsatoro wa Yudeya. Herooti Antiipa ari reekule wa Kalileya na ttwiiye Filiipe na ye ari reekule wa Itureeya na Tarakhoniiti, na Lusaaniya ari reekule wa Abileeni.

Mwanzo 27:41

Ezawu khwiiphiiriwa ti ttwiiye mwaasa wa parakha etile enkhiweeyo ti papaawe. Khusala oopuwela toono: “Siikhu za matthaka a paapa ziri kharipu. Amana afwa miiyo kintta omuula ttwiiyaku Yaakhumpa.”

Khaazi 25:23

Attaaphale mmeesho mwaya, Akiriipa na Bereniisi khuta awaliye kuwo zootafikhana khuvira vansana wa mfwalume vamote na awaziri awulu na atthu ooshitahiwa a nsitati, khutiisiwa Paawulu khwa oruma wa Feeshitu.