Maaruku 4:41 - Hapari Zooshapweya

⁴¹ Anakhiyoni apale ari awoova channu, khusala oozana yoori: “Ti paani otu aya, anshututeliwaaye ti pheevo na pahari?”

Maaruku 4:41 Referans Kwoze

Luuka 8:25

Nawiisha khuwoozela anakhiyoni awe yoori: “Waamini weenu ori vayi?” Yo khwiiya awoova na ooshanka khusala oozelana, araka: “Otu aya paani anrumaaye pheevo na mawipi khunshututela?”

Matewuzhu 8:27

Ooshi khusala ashankiye khusala alupa yoori: “Otu aya paani hatha anrumaaye pheevo na pahari khunshututela?”

Othoonyeziwa 15:4

Paani ahinttelaaye owoova, oo Mbwana? Paani ahinttelaaye ottitthimisa nzina lawo? Maana weeyo paasi ti wiiyiyeeyo ttakatthiifu. Khapila zooshi zinttela ota omaasho wawo na ziwaaputu, maana zooretta zawo za shariya zathoonyezeya.”

Maaruku 5:33

Aphano muukha otule, ajuwiyeevo etthu yaarettikhaniyeeyo, khumwaattama khukokhora nshini wa moolu awe eettaka othukumela mwaasa wa woova, khulupa haakhi yooshi.

Meepereewu 12:28

Nakataalikha, zaama nimpwekheraaye ofwalume woohisakinyeyi, nina ya wiiya ooshukhuru na etthiipo nimwaaputu Nluku, khwa shitaha na woova wa ottakatthifu,

Luuka 4:36

Atthu ooshi aari ooshankisiwa, khusala oozana atthaaporu: “Nttakhuzi ni ntthi? Khwa ofwalume na owahi wawe otu onruma masheethwani khusaruwa!”

Matewuzhu 14:32

Paata ya owela mmwaatiya, pheevo etile khwiisha.

Maaruku 7:37

Atthu ooshi aari osiilaaye aari wiiya ootikinisiwa channu na khusala alupa yoori: “Ye onretta vitthu zooshi saana, mpakha oniwaattakhulisa apale oohittakhuli na owaasiilisa apale oohisiili.”

Maaruku 4:40

Aphano khuwoozela anakhiyoni awe yoori: “Mwinoovani? Nalelo khamwina amini?”

Maaruku 5:1

Yo khulokha pahari, khufiya nti wa Katara.