Maaruku 2:16 - Hapari Zooshapweya

¹⁶ Anamanozela a kano apale amafwarizeewu amooniyeevo ajaka na “anatwampi” na anamariphisa lumpuru, khuwoozela anakhiyoni a Yinsa yoori: “Mwaasa aya niini ye ajaka na anamariphisa lumpuru na anatwampi?”

Maaruku 2:16 Referans Kwoze

Luuka 19:10

Mwaasa yoori Mwaana wa Pinaatamu ateela oweekesa apale aashikhiiyeeyo awoosuru.”

Luuka 18:11

Mfwarizeewu ari wa weemela, aari olompa otthwe araka: ‘Nluku, miiyo kinuushukhurwela maana miiyo aki nkhama atthu akina, apale oheettetteli shariya, manantarawu, anamararuwa, wala nkhama namariphisa lumpuru oto ariiye apho.

1 Akorintiyu 2:15

Ila otule eeyiyeeyo ttakatthiifu enimweeleya vitthu zooshi, ye khaavo aniphelelezaaye.

Khaazi 23:9

Attaaphale khupuwa nzuuzu liwululene, anamanozela a kano apale aari mafwarizeewu khulankha khwaaza onyakulisana saaneene alupaka yoori: “Fweeyo khanimoonaneeni hatha etthu yoovonyeya ntthu otu. Paani ajuwiyeeyo nkhama Rooho Ttakatthiifu ama nlayikha leetta onttakhulana?”

Luuka 19:7

Atthu apale akinoko aari woonaaye vitthu epile, khwaaza ottettha araka: “Ye amaka vaje wa natwampi!”

Meepereewu 12:3

Mwimuupuwele saaneene otule avileliyeeyo wiiniwa pi anatwampi, khwa ethiito mwihishokhere na wala mwihitteettheye.

Maaruku 2:7

“Mwinyi otu onttakhula toowo mwaasa wa niini? Ontta okufuru! Anwahaaye oswaamihi twampi ti paani, woohiiyi Nluku paasi?”

Matewuzhu 18:17

Amana ye akatthala wuusiila, walupe vakatthi wa ojama wa Nluku. Amana ye akatthala osiileza theenya ojama wa Nluku, ontthantte nkhama kaafiri ama namariphisa lumpuru.

Matewuzhu 9:11

Mafwarizeewu nawoona toole khuwoozela anakhiyoni awe araka: “Mwaasa wa niini mwaaliimu enu ajaka na anamariphisa lumpuru na anatwampi?”

Matewuzhu 5:46

Amana mwiwaaphetaka apale anuuphetaanini paasi, tthuvo ni mwineekeselaaye wiiyana? Anamariphisa lumpuru nayo anretta etthiipo!

Maaruku 2:15

Wakathi wa etthu yoojiwa, Yinsa eekhaliye va meeza owawe Matewuzhu. Vamote na anakhiyoni awe, na aarivo anamariphisa lumpuru awaatta na “anatwampi” maana atthu aari onlottaaye aari enkeene.

Luuka 5:30

Mafwarizeewu na anamanozela a kano khusala awaapa anakhiyoni a Yinsa araka: “Mwaasa aya niini mweeyo mwijanaka na mwinywanaka anamariphisa lumpuru na anatwampi?”