Maaruku 13:11 - Hapari Zooshapweya

¹¹ Amana mwithuuliwa olawa ofukiwa na ophukiwa, mwihishukulikhele etthu yoolupa, ila ethiito mwinttelaaye winkhiwa wakathi aya otthuupo mwilupe ethiito, maana khahiyo mweeyo mwinttelaaye ottakhulaaye, ila Rooho Ttakatthiifu.

Maaruku 13:11 Referans Kwoze

Khaazi 6:10

Ila khaari owahi oshintta akhili na Rooho etile aari ottakhulanaaye.

1 Pheeturu 1:12

Yo athoonyeziwe yoori khaazi aari okholaaye khayaari yaya ennyewe, ila yaari yenu mweeyo, wakathi aari olupaavo vitthu mwilaleyeliweeyo nasaapi eti pi apale antafusiraaye hapari zooshapweya khwa Rooho Ttakatthiifu eperekhiweeyo pinkuuni; vitthu hatha malayikha antakhaaye woona venkivene.

1 Akorintiyu 2:13

Epo zaya naye ninttakhulaka, khahiyo khwa mattakhuzi a akhili oosomisiwa pi anaatamu, ila khwa mattakhuzi oosomisiwa ti Rooho Ttakatthiifu, etaphuleliwaka khweele ttakatthiifu khwa apale eeyiyeeyo attakatthiifu.

Tiyaaku 1:5

Nkhama owaapho mmote wa mweeyo athowiweeyo ti akhili, anvekele Nluku aninkhaaye wahurumavo, othuuto aniwenkhaaye atthu ooshi khwa okemaani na ontta owinkha.

Ayeefezu 3:5

Khaazi yaya eto khenkhiwe ojuwa atthu a raku, ila leelo eti maaswihaapa ttakatthiifu na manapiyu awe athoonyeziwa ti Rooho Ttakatthiifu.

Khaazi 4:31

Paata ya maaswihaapa apale wiisha olompa, puuro etile akusanyeyiyeevo khusala esakhinyeya, ooshi khuwiitaala Rooho Ttakatthiifu, khusala alaleya nttakhuzi la Nluku woohoovi hatha etthu.

Khaazi 2:4

Ooshi khwiiya awiitaala Rooho Ttakatthiifu, khwaaza ottakhula luuka kiina khwa nanna wakhula ntthu Rooho Ttakatthiifu yaari omwinkhaazo ottakhula.

Khaazi 3:13

Nluku wa Eburahiima wa Esiyaakha na wa Yaakhumpa, Nluku wa amarehemu apapazetthu anttitthimisa karumeya awe Yinsa, othuutule mweeyo mwaawenkhiyeeyo atthu yoori amuule na khunkatthala vakatthi wa Pilaatu, wakathi ye aalakeliyevo onfukula.

Yaahaya 3:27

Yaahaya khujipu yoori: “Khina ampwekheraaye etthu aheetteeni winkhiwa pinkuuni.

Maaruku 13:9

“Mweeyo mwiiyane phoole, maana mwinlawa mwenkheleliwe wa anamaphuka na mwinlawa mwajaphiwe mmasinakooka, na mwilawaniwe wa misatoro na wa afwalume, mwaasa wa miiyo, yoori mwiiye mashaahiti.

Matewuzhu 10:17

Mwiiyane phoole, maana atthu anlawa oottheni nnyupa woophukaniwamo na wuujaphani mmasinakooka mwaya.

Khaazi 7:55

Ila Shiteevawu wawiitaala wene Rooho Ttakatthiifu khweekesa otulu khoona nuuru ya Nluku na Yinsa ari nkhono nlume.

Khaazi 6:15

Wakathi amwekesiyeevo, ooshi apale eekhaliyeeyo nyuupa khuulu ya Mashawuriiya khusala oona wuuso awe wuupuwaka nkhama wa nlayikha.

Maaruku 13:12

Ttwi mmote onlawa anleve ttwiiye yoori ooliiwe, na paapa onleva mwanawe. Aana anlawa awaazukuluwele apaapa zaya na awoole.

Luuka 21:12

“Khapula zihinarettikhane vitthu zaya epo, mwinlawa mwalupatthiwe, mwilawaniwe mmakhono wa afwalume na mahaakhimu, mwiphukiwe nsinakooka, mwifukeliwe nkalapooso mwaasa wa okilotta miiyo.