Maaruku 11:1 - Hapari Zooshapweya

¹ Wakathi aattameliyeevo Yeruzaleemu, khufiya Betifwaaje na Betaaniya, kharipu ya mwaako wa oluveera, Yinsa khuwaaruma anakhiyoni awe awiri,

Maaruku 11:1 Referans Kwoze

Yaahaya 8:1

Attaaphale Yinsa khulankha khusala alawa omwaako wa Oluveera.

Khaazi 1:12

Aphano maaswihaapa khwiishukha vamwaako Oluveera oriiye kharipu ya sitati kiyasi ya phiima alufu, khusala arutela Yeruzaleemu.

Maaruku 14:13

Yinsa khuwaaruma anakhiyoni awe awiri khuwooza yoori: “Mwilawe mpakha ositati, ottuukho mwinlawa mwansikane mwinyi athuuliye yuuku ya maati. Mwinlotte othuuto,

Maaruku 6:7

Khuwaakhuwela anakhiyoni awe apale khumi na awiri, khuwaaruma awiri khwa awiri na khuwenkha owahi wa wiikara masheethwani.

Matewuzhu 26:30

Paata ya yo wiipa liipo limote, khusala alawa omwaako Oluveera.

Matewuzhu 24:3

Wakathi Yinsa eekhaliyeevo va Mwaako Oluveera, anakhiyoni khulawa khwiitthaalana othetekele na khunvekela yoori: “Nkanuuze, zinttela orettikhana lini vitthu zaya epo, wala amana otaaka, alama ni enttelaaye wiiyavo na alama ni ya mwiisho wa olumwenku?”

Matewuzhu 21:17

Yinsa khuwaalikha, khulaamo nsitati mphule khulawa Betaaniya ottuukho aalaliiyeewo.

Maaruku 13:3

Yinsa aarettiye eekhaliye vamwaako Oluveera omaasho wa nyuupa yoosifwiwamo, Pheeturu, Tiyaaku, Yaahaya na Antere khumuuzela othetekele yoori:

Maaruku 11:2

khuwooza yoori: “Mwilawe nti opo mwinoonaaye omaasho weenu okho, mwifiyaka mwininsikana mwaana wa puuru afukeleliwe ahinaweliweke ti hatha ntthu. Mwinfukule mwintiise.