Maaruku 1:22 - Hapari Zooshapweya

²² Atthu ooshi khusala awaatuvela masomi awe, maana aari osomisa nkhama ntthu ariinaaye ofwalume na woohiiyi nkhama anamanozela a kano.

Maaruku 1:22 Referans Kwoze

Matewuzhu 13:54

Noofiya sitati aari wiikhalaaye, khwaaza owaasomisa atthu nsinakooka. Atthu ooshi khwiiya ooshanka, khusala oozela yoori: “Akhili epi apattha vayi na owahi wa oretta minjuza?

Yaahaya 7:46

Yo khujipu yoori: “Khina anattakhule nkhama mwinyi oto anttakhulaazo.”

Luuka 4:32

Yo aari ooshankisiwa ti masomi awe, mwaasa yoori nttakhuzi lawe laarina ofwalume.

2 Akorintiyu 4:2

Ninkatthala vitthu zooshi za haaya enrettiwaaye sirini, khaninrumeyela ohata, wala otapanya nttakhuzi la Nluku. Olikha toowo fweeyo ninthoonyeza haakhi, nintumerelana khwa akhili za atthu ooshi enakatthi ya Nluku.

Khaazi 6:10

Ila khaari owahi oshintta akhili na Rooho etile aari ottakhulanaaye.

Luuka 21:15

Maana miiyo kinlawa kawinkheni mattakhuzi na akhili khwa nanna ya owaajipu maatuwi enu, ahinttelaaye owahi ozukulisa wala okheeti.

Maaruku 1:23

Aphano khuta nsinakooka mphule nlume aashinttiweeyo ti sheethwani. Khusala akhuwa araka:

Luuka 2:47

Ooshi apale aari onsiilaaye khunshankela mwaasa woojuwa wawe na nanna aari owaajipwaazo.