Luuka 9:44 - Hapari Zooshapweya

⁴⁴ “Mwisiileze saana mattakhuzi apa kiniwuuzaanini: Mwaana wa Pinaatamu onttela winkheleliwa mmakhono wa anaatamu.”

Luuka 9:44 Referans Kwoze

Khaazi 2:23

Othuuto enkheleliweeyo khwa shawuri Nluku atthomiyeezo rakuzeene khwa ojuwa wawe, ila mweeyo khukusanyeya na atthu ootakhala rooho khunkhomela vansalapa khumuula.

Luuka 9:22

Khuwooza araka: “Mwaana wa Pinaatamu aarina ya ohoochiwa pi vitthu zawaatta na okatthaliwa pi attunkhulu a tiini na mahaakhimu a tiini mpakha anamanozela a kano, onlawa ooliiwe. Siikhu ya ttaatthu asisimuwe.”

Meepereewu 2:1

Khwa etthiipo nina ya osiileza saana nttakhuzi la Nluku nisiiliyeeyo, yoori nihithowelele theenya.

Luuka 2:19

Ila Mariyamu aari ottha nroho mwawe vitthu epile aari osiilaazo, khusala apheleleza maana aya.

Yaahaya 19:11

Yinsa khunjipu yoori: “Weeyo khawaari wiiyana hatha owahi khwa miiyo, eriwaka khawenkhiwe otulu. Tiito otule ootiseliyeeyo Miiyo ona paathuli ya twampi yooziti.”

Yaahaya 16:4

“Mattakhuzi apa kiniwuuzani yoori amana ofiya wakathi enttelaavo orettikhana muupuwele yoori miiyo kaawuziyeni.

Luuka 24:44

Nawiisha khulupa yoori: “Pi etthiipi kaawuuziyeenini wakathi opule kaari vamote na mweeyo, yoori zaarina yoorettikhana zooshi epile zaatikhiweeyo khwa miiyo nkithaapu ya kano ya napiyu Munsa na kithaapu za manapiyu akina na Zaapuura.”

Luuka 18:31

Yinsa khuwaakhuwelela othetekele apale khumi na awiri khuwooza yoori: “Moone! Apha nintta Yeruzaleemu, ottuukho zinttelaawo orettikhana zooshi epile zaatikhiweeyo pi manapiyu monkoni wa Mwaana wa Pinaatamu.

Luuka 2:51

Yinsa khurutela nti wa Nazareeti na papaawe na mamaawe khusala awaashututela. Mamaawe aari othokorela vitthu epile zooshi nroho mwawe.

Luuka 1:66

Atthu ooshi asiiliyeeyo khusala oopuwela oozelanaka yoori: “Mwaana aya otu onttela wiiya niini?” Maana nkhono wa Mbwana ori vamote na ye.

Maaruku 9:31

maana eetta owaasomisa anakhiyoni awe na awoozaka yoori: “Mwaana wa Pinaatamu onsaleela winkheleliwa mmakhono wa anaatamu. Yo anlawa amuule, ila siikhu ya ttaatthu onlawa asisimuwe.”

Maaruku 8:31

Aphano ye khwaaza owaasomisa yoori yaari ohithajiya Mwaana wa Pinaatamu ohoochiwa pi vitthu zawaatta na okatthaliwa pi anamanozela a tiini, attunkhulu a tiini, mahaakhimu a kano, ooliiwe, ila siikhu ya ttaatthu asisimuwe.

Matewuzhu 26:2

“Nkhama mwinjuwaazo, ensaleela siikhu piiri ofiya siikhu ya njampo la Paashikowa, Mwaana wa Pinaatamu onttela winkheleliwa yoori akhomeliwe.”

Matewuzhu 16:21

Waaza wakathi otthuupule, Yinsa khwaaza oweeleza anakhiyoni awe yoori yaari ohithajiya olawa Yeruzaleemu ahoochaniwe vitthu zawaatta mmakhono wa attunkhulu a tiini, mahaakhimu a tiini na anamanozela a kano, ooliiwe, siikhu ya ttaatthu asisimuwe.

Yaahaya 16:31

Yinsa khuwaajipu yoori: “Mwinkhupali nasaapi?