Luuka 9:31 - Hapari Zooshapweya

³¹ Aatiiye nnuuru ya pinkuuni khusala amuuza Yinsa khwa nanna aari weettelaazo ohoowa na ofwa Yeruzaleemu nkhama etthiipo Nluku asharutheliyeeyo.

Luuka 9:31 Referans Kwoze

Afiliipu 3:21

Ye onteela ozukulisa mwiili eetthu wootarawiwa alattanisaka mwiili awe woottitthima, khwa owahi onimwinkhaaye makhaamu a oshintta vitthu zooshi vathi wa ofwalume awe.

2 Pheeturu 1:15

Miiyo kinteela ojilipisa saaneene, yoori theenya amana kifwa, mweeyo mwiiyane makhaamu a wuupuwela vitthu zaya epi zooshi.

1 Pheeturu 5:10

Nluku wa rehema yooshi, othuuto ookhuweliyeenini yoori mwirette phantte ya siifwa yawe ya mileele khwa Al-Masiihu Yinsa, paata ya ohoowa khwa wakathi vattitthiiru, othuuto onteela wuukaphulani, wuuhakikhini, wuukhomaazani na owinkhani nchina loolipaneya.

Othoonyeziwa 7:14

Miiyo khunjipu yoori: “Mbwana, weeyo onjuwa.” Ye khuri: “Apa pi apale alankhiyeeyo vakatthi wa nswipa nwulweene na afula kuwo zaya na alakaza na taamu ya Pwittipwitthi.

Akoloosu 3:4

Al-Masiihu, otule eeyiye ohaayi enu, amana athoonyeziwa, aphano mweeyo theenya mwinlawa mwathoonyeziwe na ye mu ottitthima mwawe.

2 Akorintiyu 3:18

Ila fooshi fweeyo nifunuliweeyo wuuso eetthu nimpayini siifwa za Mbwana, khwa ratarato yawe nintta ozukulisiwa wakhula swaafu na siifwa yooziti enlankhaaye khwa Mbwana yiiyiyeeyo Rooho.

Yaahaya 1:29

Mmeesho mwaya Yaahaya khumoona Yinsa eettaka ota khuri: “Mwimoone! Oto antaaye apho, pwittipwitthi ya Nluku enlazaaye twampi voolumwenku!

Luuka 9:22

Khuwooza araka: “Mwaana wa Pinaatamu aarina ya ohoochiwa pi vitthu zawaatta na okatthaliwa pi attunkhulu a tiini na mahaakhimu a tiini mpakha anamanozela a kano, onlawa ooliiwe. Siikhu ya ttaatthu asisimuwe.”

Luuka 9:30

Nasaapiru khumpuwelela atthu awiri khusala attakhulana, aari Munsa na Aliyaasi.

Meepereewu 11:22

Khwa amini, Yuusufu asaleelaka wiisha mansha awe, aalupiye khwa nanna meezirayiilu aari weettelaaye olaawo Misuri, na khweeleza nanna aari weettelaaye oretteliwa makhonkolo awe.